يامنيف ودل العلم وصل ثباته

هذه القصيدة لشاعر سعد هذيل الفريدي وهي مجارات لقصيدة نشرة بجريدة الرياض لشاعر فراج السهلي يمدح فيها منيف بن عليان الفضلي الفريدي

يا منيف ود العلم و وصل ثباته=والمرجله يا منيف فيك محسوبه
الطيب سندي والمراجل طراته=ليا هب نسناسه عليك بهبوبه
ومن لا حصله بأول العمر فاته=ما يمكنه لشايب يلحق دروبه
والرجل طيبه للقبيله مراته=ليا لاحت الفرصة يقوم لوجوبه
ومقال بك فراج هاذي حلاته=صنايع المعروف بأهل العروبة
راع الحساني ينجزي بحسناته=ويكسي عليه من الثناء طول ثوبه
يا منيف وصل من سلامي نواته=ثم خص لي فراج اشكر أسلوبه
رجل السهول اللي ذكرنا بذاته=يستاهل الفزعه تجيله نجوبه
أبن الرجال اللي تذري عباتـه=من لابةٍ وقت الملاقا صعوبه
عدوهـــم بالحــرب تصعـب نجاتـه=قبيلة في نجد دوم مهيوبه
وحنــا قبيلــة حــرب فينا استماتـه=دون الخوي والجار واللي يصوبه
يشهـد لنـا التـاريـخ فــي ذكرياتــه=ناسم عصى الطرقي مدور ذهوبه
خوينــا والضيــف يامــن مباتـــــه=والجار نعطيه المنايح حلوبه
وقــول الفــراوي شاهــد مفرداتــه=في جيرت الحماد سجل طروبه
عشر سنين اللي مضى من حياتــه=في بيت حربي(ن) وساع قطوبه
وفينـا نويشـي دون جــاره بياتـــه=اللي قتل سته وبين ضروبه
دون الخـوي والليـل عيـــا يباتــــه=حتى تقاضى بالقرايب عجوبه
وفينـا البلالـي يـوم حمــل وصاتــه=دون الخوي يوم الضياغم صطوبه
لجــل الأمانـة ما حسـب في مماتـه=من شأن حق الجار عمره ينوبه
واللـي مـن العــدوان يرفــع قناتــه=من صافي القطران نسقي شروبه
نجــد العذيــة يــوم جيـنــا فـلاتـــه=نتبع هوى الخلفات وأرض الخصوبه
ما ندفــع العانــي على شـأن شاتـه=في منة الخلاق رب المثوبه
والسيـف دون الذود نروي شباتــه=فوق الأصيل ليا اعتلينا ركوبه
خطو الحصـان ليــا علينــا قطاتــه=يوم على المقرود يلعن ذنوبه
وكــل بحــق دون فلعــه سواتـــه=قبايل بالغلب وإلا مغلوبه
وقـت مضــى لعـــاد ربـــه فواتـــه=يوم أنها في نجد شر وشبوبه

نازف الحرف

والرجـل طيبـه للقبيلـه مـراتـه *** ليا لاحت الفرصة يقـوم لوجوبـه

نازف الحرف صح احساسك وصح لسان بو فهد يشوش لمدح ربعه لاعدمناه

منصور مرورك عطر لصفحة


نازف الحرف

صح السانه

وصح احساسك واختيارك


تقبل مرووري وتسجيل اعجابي بأنتقائك

نقل رائع كروعتك

وقصيدة جزلة وجميلة من شاعر غني عن التعريف

المشاركة الأصلية كتبت بواسطة منصور الوسوس

والرجـل طيبـه للقبيلـه مـراتـه *** ليا لاحت الفرصة يقـوم لوجوبـه

نازف الحرف صح احساسك وصح لسان بو فهد يشوش لمدح ربعه لاعدمناه

يستاهل الممدوح /منيف بن عليان



وصح السان ابوفهد

بسم الله
شكرا نازف الحرف على الاختيار الرائع
وهذه الابيات الرائعه هي احساس بالمسؤوليه تجاه القبيله والقبيله الام (حرب)
ابا فهد دائما رائع ووافي ومنجم ذهب

بقايا إنسان

الفريدي

ابن جدعاء

خلف الفريد

شرفتم الصفحة بعبق الكادي

و مشكورين على المرور و تعليقاتكم دليل على إحساسكم الإبداعي



نازف الحرف