بين سعيد ابن دخنان وناصر العويني

السلام عليكم ورحمه الله وبركاتة

وجههاالشاعر:سعيد بن عايض هذة القصيدة لشاعر :ناصر بن سعد العويني يقول فيها....

أرسلت لبن مطيع بالشعر
مرسال
سلام بازكى عنبر الطيب
شاذي
حيثه من رجال لهم ذكر
وأفعال
يلقابهم وقت الشدايد
ملاذي
يابن سعد نشتدني نشدة
الخال
وعن مايدور بخاطري مانت
هاذي

تسأل عن الاحوال أنبيك
بالحال
حيث إن مثلك يالسنافي
إنقاذي

يافلان لامبسوط ولاضايق
البال
متناقض(ن) مابين هاذي
وهاذي
إن قلت مدرك بالخطرعمر
وأعمال
أمسيت حافي الرجل وأصبحت
حاذي
وإن قلت هم الحال عن كهلها
زال
شفنا بنون العين كل
المواذي

رد الشا عر ناصر سعد العويني ....

حياالله المرسال واللي لنا
قال
بيوت من شعره على آل
وآذي

وحي الجواب اللي حوى زين
الامثال
من شاعر(ن) لشعر ناقد
وإستاذي
آمر وأنا بالجاه والحال
والمال
ولاخير باللي قال قول
ولاذي

معك ولاأسمع فيك تقويل
الاقوال
أقوال ناس (ن) بالمجالس
تهاذي
درب السنع راحه مسيره
ولوطال
فكر صمم نفذ
الاتخاذي

هذا وأنا قلبي به الهم
شغال
شغله مثل منشار قص
الفولاذي

له كم سنه ؟ بالقلب باقي
ولازال
همه معه ويقربه
لا نفاذي

لاكن على حي للأزمات
حلال
وعن المواذي بالولي
يستعاذي


وتقبلوا تحياتي،،،،،،
سهم الفريدي