إقلط تقهوى من عروقي فناجيل=هذا غلاك ومجلسك في فؤادي
وسط الحشا شبيت نار التعاليل=وراح الخفوق بصوت حرفك ينادي
أهلاً هلا بك عد ما جاوب السيل=نبت الفياض وسال في كل وادي
آمر تدلل .. إطلب النجم وسهيل=إنت إلتفت والحلم يصبح وكـادي
جيتك سحايب غيث جيتك هماليل=يا غايتي .. يا منيتي ... يا ودادي
سبحان من جملّـك يازين تجميل=الخالق الوهـّـاب رب العبادي
لاجيت أوصف خانني كل تمثيل=من يشبهك يا كـود ريـم البوادي
الشعر زاد الليل ليل( ن) على لـيـل=خلاّ عيون الناس تمسي رقـادي
ومن عينك السودا أذوق الغرابيل=خلف الرموش أصبحت تايه و غادي
في همستك للكيف وردة ومنديل=وفي بسمتك يازين غرشات كـادي
في داخلي شاعر يجيد المواويل=قصايده بالوصف تـــرعـد رعادي
الوقت يا مزيون وقت المحاصيل=وأنا معاك اليوم بـلـحق مرادي
من دلتك بشرب جميل الفناجيل=مدت غلا يـا زين في جو هادي
بشرب من الدلة شراب المهابيل=إلين ما با لعـقـل أفـقـد رشادي
أقلط تقهوى من عروقي فناجيل 
العرض الشجري
