اهداء لمجلس اولاد راشد ..

بسم الله الرحمن الرحيم

اخواني مرتادي منتدى الفرده اهداء لكم هذه الابيات امل ان تنال اعجابكم

ليا ضاق بالي بسم الاله سميت=سبحانه الرزاق عالم خفايا
وعلى النبي الهاشمي دوم صليت=بنهاية الموضوع ويضا البدايا
وليا نويت القول للمنتدى جيت=دخلت مجلسنا وسيع النحايا
كلن يهلي فيه من وين ماتيت=بالمدن ولا البر ولا القرايا
يجمعهم الموقع مثل رفت البيت=اللي تضم احفاد ماهم نزايا
ياحي والله مجلس فيه مريت=فيه العلوم الطيبه والهدايا
مجلس عيال العود ذخر الزناتيت=اولاد راشد هم ذراي وحجايا
وبيوتهم للضيف في كل توقيت=وتشريعة البيبان فيهم مزايا
وكلمت هلا للضيف واقلط وحييت=ورث من الجدان ماهي عطايا
تحفظ معا الاركان بقلوبنا تبيت=ميراث للاحفاد تبقى وصايا
ماهو تصنع طيب ربعي هل الصيت=فيهم صعاطيرالمراجل طنايا
ذباحت الحايل زمان الشحاتيت=هيف السمين اللي غذاها الشوايا
حلوين في حالة وحلات حلتيت=ليا شان منطوق العدو والخفايا
دون الحقوق نشب بالعمر كبريت=وان طق زير الحرب قمنا سارايا
لجل البكار الشقح خيال سميت=شبنا على النخوة وشاب الصبايا
وان طالت المنحاة على عد بريت=نارد ونشرب صاف جم الركايا
ومرباعنا الصمان والشرق من هيت=ومقيضنا حد الجلد والحوايا
نتبع هواء حمر الذرا بالتخاتيت=والفضل لرزاق رب البرايا
والعزم يبراه النجم وين ماجيت=بعزم الرجال تهون كبر القضايا
واليوم من فضل الولي حامي البيت=بامان وخير يعيش حكم الدهايا
بقيادة الحاكم على الغير بديت=عبدالله الحاكم كريم السجايا
هذا وانا في مجلس العز غنيت=في صوتي العالي زعجت الحدايا
ليا ضاق صدري وامتلأ بالتناهيت=بيحت عن جوفي كثير العنايا

اخوكم / سعد هذيل حامد الفريدي

يجـمـعـهـم الـمـوقــع مــثــل رفـــــت الـبــيــت الـــلــــي تـــضــــم احـــفــــاد مــــاهــــم نــــزايــــا

صح لسانك على الابيات الجزله

والله يجمعنا فيك وفيهم بالجنة

القدير


الشاعر الكبير



سعد بن هذيل الفريدي



ماذا أقو بمثل هذه القصيده قصيدة الاعتزاز بالنفس



والقبيله ومجالسها ومآثرها ولاغرو والقائل الشاعر الغني



عن التعريف ابو فهد قلت و وفيت وكفيت ولاهنت وقبله على جبينك



تقبل تحياتي

صح لسانك وعلا شانك وسلم بنانك..
لله دركــ يابوفهد قصيده جزله ورائعه...
وافي دائما... سلمت ودمت..

صح السانك يابو فهد على هذا النفراد باالمفردة

التي ابت ان تاتي الا من صميم الفؤاد

ولا نوفي مجلسنا حقه ونت احد الاعمده

طابت ايامك ياسعد

شاعر المجالس أبا فهد
صح لسانك واعتلى شانك
نعم يحق لنا جميعاً أن نفتخر بمجالس العز والشموخ
إنها البيت الثاني للجميع ..
يحق لك أن تفتخر بالفرده أولائك الرجال الذين يرفعون
الراس وما أنت إلا أحد افراد تلك القبيله العزيزه
التي لها من الأمجاد والتاريخ ما يجعلها عنوناً لامعاً للكرم والأدب والشجاعة ..
تقبل وافر الشكر و التقدير دمت لنا مبدعا متواجدا

الاخ القدير / سعد بن هذيل


صح اللسانك ولاهنت وسلمت ودمت


واااافيه من راس واااافي


لااااعدمتك

كفو يابو فهد وماقصرت

صح لسانك وسلم احساسك وقافك
وفي وماهي غريبة عليك , علمك غانم
تستاهل مجالس الطيب وأهلها

تحيتي وتقديري

ابوفهد صح لسانك وربعك يستاهلون

المدح والثناء عيال العود ياحي والله

منهم عزوته ومهما قلنا في قبيلة الفرده

نضال مقصرين بحقهم

الف شكر على المشاعر الجياشه أتجاه

المجالس مجالس العز والشموخ

هذا الصرح الشامخ وكذالك الشكر الطاقم

الأداري الذي يسهر الليل ويعمل بالخفاء

الف شكر ابافهد على أهداء قسم الشعر

هذه الدره النفيسه وتقبل أعز التحايا

بسم الله الرحمن الرحيم
اخواني واعزاي واحبابي الكرماء

م الطميشا--غازي بن عجاب --عايض المقطع
غازي الفريدي--منصور الوسوس--فهد الفريدي
مقبل بن نمران
اخواني الشخص لايشكر على واجبه
وانا اذا قلت فان قولي واجب من واجباتي
كا اي واحد منكم الشي الثاني
بصراحه ودي كل واحد اكتب له عشر صفحات شكر
ولايكف اللي بالخاطرلاكن معروف ان القد بالصدر
شكرا مليون للجميع على مروركم واعجابكم
وهذا شرف لي ووسام على صدري
لاهنتم
والسلا
تم جميعا