يموت الأمل ساعات

دائماً منذ خلق الخليقه وهناك صراع أزلى بين الأمل والياًس وهاأنذا اصارع الأمل لعل وعسى
أرجو أن تنال إعجاب الجميع

يموت الأمل ساعات واعيشبـه ساعـات=وقاسـى مـع الأيـام تأثيـر ساعـاتـي
وأنا كل ماقلت الأمل حى...عنـدى مـات=صراعى مع التفكيـر تعكيـر لحظاتـي
وأنا والله إنى كل ماقلـت هانـت جـات=علوم(ن) تبدد كـل الآمـال فـى ذاتـي
على من هواها وسط قلبى رفـع رايـات=مسيطـر عليـه حبهـا بكـل حـالاتـي
مسيطر عليـه حبهـا بحلـك اللحظـات=ودليل (ن) على ما قول كثـر إنفعالاتـي
وأنا بس أجامل من تكلم معـى بسكـات=على شأن ماتبدى على النـاس ضيقاتـي
جداى الونين وهل عيني مـن العبـرات=الياصرت وحدى هلت العيـن عبراتـي
عسى من حدانى عن حبيبى وهو مشهات=وتسبب علـى ببعـاد شفـى ومشهاتـي
تجيه المصايب دفعت (ن)ماتجى دفعـات=من الله جزيـل الملـك رب السمواتـي
وعسى من يلوم معاشق(ن) حاشته نكبات=مـن الله يمسـى كـل ليلـه بنكبـاتـي
وهو حي مايذكر ويذكر مـع الأمـوات=جزنلـه وجعلـه كـل ليلـه إبماسأتـي
وأنا كيف أشوفك يالغضى وأبرك الحزات=هاكا الحزه اللى عندنـا قريـب وتأتـي
أبا أشكى وأبين مابقلبـى مـن الوعـات=ماحاتيك وأنته يادعـج العيـن ماتحاتـي

أخوكم أبو فيصل

صح لسانك يبو فيصل
قصيدة من اجمل ما قرات
امتعتنا بهذه المقطوعة الادبية
تقبل وافر التقدير

أبا فيصل

عفاكـ ربي حقيقاً تستحق قصائدك يابن العم انت تصنف من معلقات هذا الزمن قراة قصيدتك المعنونه بـ( عني لطيف الروح سافر وجالك)
فقلت يبدع غازي في الغزل ولأن اكتشف ابداعك ولاكن خارج الغزل وانما في القصائد الادبيه
.
.
.
.عوفيت يابن العم
.
تقبل يابن عجاب إعجاب المراس

وأنا بس أجامل من تكلم معـى بسكـات== =على شأن ماتبدى على الناس ضيقاتـي
جداى الونين وهل عيني مـن العبـرات== =الياصرت وحدى هلـت العيـن عبراتـي

أبيات رائعة وقصيدة متألقة المعنى بين الأمل واليأس
صح لسانك وسلمت يمينك وعلا رأسك ولا تحرمنا جديدك
ولك التقدييييييييييييييييير اخي غازي

يموت الأمل ساعات واعيشبـه ساعـات وقاسـى مـع الأيـام تأثيـر ساعاتـي

وأنا كل ماقلت الأمل حى...عندى مـات صراعى مـع التفكيـر تعكيـر لحظاتـي

وأنا والله إنى كل ماقلـت هانـت جـات علوم(ن) تبدد كـل الآمـال فـى ذاتـي

على من هواها وسط قلبى رفـع رايـات مسيطـر عليـه حبهـا بكـل حـالاتـي

مسيطر عليـه حبهـا بحلـك اللحظـات ودليل (ن) على ما قول كثـر إنفعالاتـي

وأنا بس أجامل من تكلم معـى بسكـات على شأن متبدى على الناس ضيقاتــي

صح لسانك وعلا شانك يابو فيصل وافيه من راس.ن. وافي لاعدمناك

تقبل مروري

وعسى من يلوم معاشق(ن) حاشته نكباتمـن الله يمسـى كـل ليلـه بنكبـاتـي

الله يلوم اللي يلومك يابوفيصل .. والله يعوضك بكل خير..

صح لسانك وسلم بنانك... ودمت وسلمت..

صح لسانك ابو فيصل وبيض الله وجهك

هكذا انت جزل وقصائدك لها ذوق ثاني

مبدع ومتميز واصل ونحن معك نواصل في بحرك الشعري

تقبل تحياتي

ابو فيصل صح السانك
علمتني الحياة ان اشكر كل من قال شعراً مثل هذا الشعر شكراً ...شكراً ...
قصيدتك تحاكي الأبداع الذي يملك ابو فيصل وتبين انك تملك التجربه في الحياة
وتخبرني القصيدة بأنك واحد من الشعراء في النظم الشعري النبطي
لها أحساس خاص عندي وتلامس الجرح!
انا شهد انها قصيدة ونا شهد انك شاعر بما تعنيه الكلمه هكذا تعودنا منك الابداع
تقبل سلامي مع مروري مع تقديري وحترامي

ابو فيصل

صح لسانك وسلم إحساسك
على سفينة الأمل بين أمواج الحياة وقسوة الأيام
تمطرنا قصيدة جزلة في المبنى والمعنى .. وشهادتي بك مجروحة يابن العم

تحياتي
.

وأنا والله أني كل ماقـلـت راحت جا ت= علوم ٍتـبـدد كل الأ مال في ذاتي

على من هواها وسط قـلبي رفع رايات= مسيطرعليه حبها بكل حالاتي


ابوفيصل هذه قصدة ٍرايعه من شاعر رايع

ولاكن ارحم ابن جضعان وبعض الربع مثل ابن مطيع وصاحب القلب الخضر

ابو عبد العزيز ولايهون ابو يارا ترى قلبه اخضر من الخضر ولاكن خواف

لاتحطهم في الامر الواقع خفف عليهم اشوى يا ابن الجواد ترى الناس ماتحمل اليوم لاتورطهم من الداخل وترى معهم ربع واااااااجد بس لاتبحث

تقـبل مرور وجزيل تقديري

اخوك / مبارك بن ناصر بن حديد