ديوان الشاعر : سعد بن هذيل

السلام عليكم ورحمة الله وبركاته
الشاعر الكبير : سعد بن هذيل الفريدي
له حضور رائع وتواجد مستمر في مجالسنا العامرة وهو الأمر الذي
نحتاج اليه فوجود مثل ابو فهد يضفي على المجالس الشيء الكثير
من التوازن والتوجيه السليم وهذه تعتبر الحاجة الملحة للمنتديات القبيلة .
وجود ابا فهد كان رافداً أدبياً ايضا من خلال ما يتم طرحه من قصائدة
التي انا على يقين تام انها عبارة عن جزء بسيط مما لديه .
ولذلك وضعنا هذا المتصفح ليتم جمع ما لدينا وتصل اليه ايدينا
من قصائد لشاعرنا الكبير ومن أجل ان يكون ارشيف مهم يتم
تصفحه لمن يريد ان يقرأ عذب القصيد وهي دعوة لكل متذوقي الشعر .
كذلك ليكون مكملاً لدواوين شعراء الفرده الموجودين متمنين له تمام الصحة والعافية .
وان نرى له الجديد ونتابع معه القديم من قصائدة الجميلة وهي دعوة نحن على يقين
بأن ابافهد سيتجاوب معنا من اجلها ومن أجل مجالس العز والشموخ
التي تعني له ولنا الشيئ الكثير
هذه رائعة من روائع الشعر النبطي
للشاعر الكبير والقدير سعد بن هذيل
ذلك الشاعر الذي يجعلك تقف احتراما
لشعره الغير متكلف بل يستحق ان تقول
عنه السهل الممتنع وهنا ارجو من الاحبة
من يعرف شيئاً من شعر ذلك الصقر ان يتحفنا به
وله منا جزيل الشكر والامتنان والان اتركم مع ابن عمي
الشاعر الرائع المبدع // سعد بن هذيل حفظه الله
سلام..يا صقر العروبة والإسلام

	سلام يالمقدام صقر العروبه=سلام يا صقر العروبه والاسلام صقر العروبه والمكارم اسلوبه=صقر العروبه تفتخر فيك لانام والشعب يفخر فيك وانت محبوبه=صقر العروبه يا بومتعب وضرغام سماك شعب المملكة في قلوبه=بقلب السعودي حبكم وسط الاجسام شرقه وغربه مع شمال وجنوبه=اعلن بها كل الملأ عبر الاعلام اسمك على غيرك يصير بصعوبه=صقر العروبه قايد العرب قدام اسم على راعيه ما حد ٍ ينوبه=الا أنت يالضرغام يالسيف يا حسام يا خادم البيتين مكرم شعوبه=الله يديمك يا بومتعب لنا اعوام يالحاكم العادل تنول المثوبه=بالدين والاخلاص والعدل والمام نهجت نهج المصطفى في دروبه=فيك المحاسن ما تعدد بالاقلام بالبر والاحسان بذلك اعجوبه=دايم تلمس حاجة الشعب باكرام عز الفقير ليا تتجهت صوبه=يمناك غيث للأرامل والأيتام فرجت للمسجون كربة ذنوبه=اللي ورا القضبان بالليل ما نام دمحت زلاته وصفحة عيوبه=وأمه تغرد بالفرح عقب الاوهام ترفع أيديها للسماء كل نوبه=وتدعي لكم بالخير في كل الأيام الخير بمحياك هبت هبوبه=وجه السعد للشعب حققت الأحلام المملكة لبست من العز ثوبه=لبس الفخر والعز بردون وأكمام حب وتلاحم والعرب سولفوا به=في عهدك الميمون تزهر بالاعلام نلت الزعامه ورث ما هي خطوبه=يا وارث الأمجاد من ساس حكام للخير خير وللمعادي عقوبه=خيرك على شعبك وشرك للأخصام تعيش يالمقدام صقر العروبه=تعيش يا صقر العروبه والاسلام

جريدة الجزيرة
الجمعة 03 ذو القعدة 1427 هـ 24 نوفمبر 2006 م العدد 12475

الشاعر / سعد هذيل الفريدي

كآن لي الشرف الكبير عندمآ تقدمت بإلقاء هذه القصيدة امام سيدي خادم الحرمين الشريفين

يوم الاربعاء الموافق 19/4/1430هـ في قصره العامر بالجنادرية آمل ان تنال آعجابكم ...



آقول /

بسم الكريم بدايتي واعتمادي=منزل تبارك في كتابه وياسين

الواحد البادي على كل بادي=اللي خلق أدم وحوا من الطين

يالله توفقني طريق الرشادي=وعلى جزيل القول ياربنا تعين

قدم المليك وماقفي غير عادي=ماقف يشرف في حضور العظمين

لي الفخر والعز غاية مرادي=قدام أبو متعب لو أقول بيتين

يا مرحباً ياتاج هامة بلادي=ياعز شعب المملكة ناصر الدين

يا أبن الملوك مخضبين الهنادي=من ساسكم حكام نجد السلاطين

خدام للسلام وأسماء المبادي=وحمات حجاج الحرم والمصلين

الأمن عم الدار والعدل سادي=تعطى الشعوب حقوقها بالموازين

وصدق الولاء بالشعب حضر وبوادي=وحب المليك وطاعته بالشرايين

الحاكم اللي شوفته هي عيادي=يعيش أبو متعب عسى عمره سنين

صقر العروبة للعروبه مفادي=الله يديم لصحته قولوا أمين

هلا تراحيب المطر ياسنادي=ياعز روس الشعب وأيضا المقيمين

يشامخ الهامه كريم الأيادي=فيك الشهامة والمروه نياشين

وبيض النوايا ياسليم الفؤادي=يالحاتمي لشعب رمز الوفيين

حياك ربي يالحكيم الريادي=يا رائد الاصلاح بكل الميادين

ليا كبرت الأزمة وبان الأعادي=تاقف وتافي للمهمات وتبين

في قمة العالم وقوفك منادي=لجل العرب وحقوقها تافي الدين

رجل السلام بكل قمة ونادي=درع حصين وللعرب دايم معين

بسم العروبة والكرامة تنادي=يصاحب النخوة طليق الحجاجين

أعلنت صوت الحق وحدك حيادي=ولاهل الكتاب وإنذار والعين بالعين

كان اليهود بشرهم والتمادي=ترى العرب ماهم على السلم باقين

خطابك المشهور ماله ملادي=صدق الحقايق واعتراف الملايين

ســــجل لـه التاريخ علم وكادي=يبقى على وجه البسيطة عناوين

حكمة وحنكة واستناره بهادي=وراين شجيع وللعداء سيف حدين

ياليعربي يالمعتصم يالقيادي=انته ستر غزه عن الظيم والبين

والمال في حالات دفعه جهادي=حي الزعيم اللي تبنا فلسطين

النصر بالوحدة وجمع اتحادي=والتفرقة عز العداء والشياطين

والعـــز بالاجـــمـــاع ضــــد الأعـــــــادي=وتــــــرك الــــتـــشاحن منــهجك للمـسلمين

ياسيـــدي عـــم الـــــفــرح فــي بـــلادي=عـــلى ســلامة ولــــي العـــهــد عيــــديــن

عضــــــيد يمـــــناك الكريـــــمــة زنــــادي=بســــلامـــته نــرفــع أيـــات المهـــنئــــين

ونايــــف عضـــيدك باللـــيالي الشـــدادي=النـــائب الثـــاني عـويـــنك عـــلى الـزيــن

تمت وصلى الله على خير هادي=صلوا عليه وسلموا ياميامين

الشاعر / سعد هذيل ..

...............

السلام عليكم ورحمة الله وبركاته

هذه رسالة من احدى اصدقاء محمد العسيلي -رحمه الله- وهو سعد فلاح القحطاني الذي يبلغ من العمر 80 اطال الله في عمره , حيث مازال التواصل بيننا بسبب هذه الراسالة وهي رسالة جوال لأبن العسيلي الاكبر
عبدالله الذي ارسلها لنا عندما وصلته على النحو التالي :/

هذه رسالة سعد القحطاني ...

عادت عليكم بالعسيلي تعاويد=كباركم واللي بعد بالفطامي
لو طالت الايام والبعد والبيد =الفكر معكم والموده دوامي
يابن الصديق اللي علومه تواكيد=زبن الدخيل وفالمواقف قطامي
يسقي ثراه مزون نوه مراجيد=هذا على طرياه واقبل سلامي

ثم رديت بالآتي :/

يامل قلب حركوه الاجاويد=با سبابهم ماذاق حلو المنامي
ثارة جروح ٍ مرمساتٍ ملابيد=على رفيقا راحل قبل عامي
يابن فلاح رسالتك للاواليد=زادت لهودي ياعريب العمامي
عساك تسلم ماتجيك النواكيد=ياوافي الرفقه وذرب الكلامي
يا ريف ربعه يالوفي بالشواهيد=يا طيب السمعه عزيز المقامي
ذكرتني باللي فعوله محاميد=محمد قوي البأس فخر الاسامي
لو مات ماماتت فعوله على البيد=يبقى مع التاريخ ذكره ودامي
محفوظ بالصفحات ضمن الصناديد=مرسوخ بالاجيال شرقا وشامي
كنه كرم حاتم وحجرف وأبازيد=يبقى العسيلي بالعقول الكرامي
وأن عدوا العراف ذكر الاماجيد=يذكر محمد للقبيله محامي
راعي الدلال المكرمات البغاديد=وفعايل الجزلات دايم سنامي
في مجلسه جمع النشاما تقل عيد=والعود الازرق يختلط بالعسامي
عساه بالفردوس نزال وسعيد=في جاه ربي يستجيب الكلامي
ويسلم رجال للوازم مسانيد=ترثت محمد للمراجل ظوامي
على طريق العود من غير تحديد=ساروا على المنهاج والذكر سامي
وتحية الاسلام خذها تراديد=بسمي وبسم ابناه وأقبل سلامي

الشاعر / سعد هذيل ألفريدي الحربي



ثم رد سعد القحطاني :/

يامرحبا و أهلين من غير تعديد=أعداد من صلى لربه وصامي
قاف لفاني من خيار القواصيد=جاء في ضميري منه مثل السهامي
قال ألفريدي له هموم مواريد=وهيظ عبارا ظاميات كوامي
يرثي العسيلي سور ربعه عن الكيد=أليا جاء نهارا فيه مخذ الجهامي
من لابة لاثار صمخ البواريد=وردوا حياض الموت والضرب حامي
حروب لهم تاريخ دعوه وتوحيد=مع الصحابه والرسول العصامي
راحت على زين البيوت الشواريد=سقوا عليها العارفين الحشامي
يابوفهد فكري تشعب عن الفيد=راحت بيوت الشعر عني عدامي
شي بقلبي جمد الفكر تجميد=ذكرى الفقيد القرم نور الظلامي
ماهي بذكرى اللي حياته مع الغيد=لكن ذكرى اللي يفك الزحامي
ان هاب عن فرز الوغي كل رعديد=ذكرت من يحميه فوق الرهامي
زحول الرجال الصادقين الصواميد=اللي لهم درب الفضيله وسامي
ولاعاد نملك بعدها الا التواجيد=على العلوم الطيبات القدامي
نرجي عوضهم في خلفهم بتأييد=من ربنا اللي من عبده أستقامي
نبا السموحه ياأهل العرف والجيد=أن جاء قصور ما يجينا ملامي
وصلاة ربي عد ذراي الاناويد=على رسول الله عليه السلامي

الشاعر / سعد فلاح القحطاني

أبـهــا


تنسيق الشبل احمد .:.:.

وسلامتكم ....

................

هذه قصيدة للشاعر / سعد بن هذيل

يسندها للشاعر / محمد بن شعيبان

والقصيده فيها لغز رائع جدا طبعا كماهي عادة ابا فهد سعد بن هذيل

والرد موجود بقصيدة مماثلة ردا من الشاعر / محمد بن شعيبان ولكن

قبل لا انزل الرد اريد ان يحاول من لديه محبه للاغاز وبعد ان يتم الحل

سوف اعيد القصيدة لقسم المساجلات الشعريه .

اليكم القصيدة كاملة ............

يا كاتب المكتوب وده لعراف=الشاعر اللي بالتماثيل راوي
محمد حمد لاصار للشعر ميقاف=شاعر وبالميدان باعه رهاوي
ياجد جزيل القول لو شيّب القاف=لاضاقة الافكار باهل الحداوي
تشهد لك الشعار في راس مشراف=ياوافي الكلمه بعيد الهقاوي
انشدك عن بنتٍ على الحب مهياف=تحب كل الناس حتى الشواوي
مبرومة السرجوف والجسم شفاف=تاخذ صميم القلب هو والعراوي
انعم من الديباج في لمس الاطراف=شرٍ على قلب المولع سماوي
عشيرها بغيابها صابه ارجاف=كنه هبيل القلب والراس خاوي
في عصرنا وايضا على وقت الاحقاف=محبوبةٍ مكروهةٍ بالتساوي
جمهورها مشروك من عدة اصناف=عقّال والجهال منها رواوي
والشايب اليا حبها يسرف اسراف=في مجلس العقّال كنه خلاوي
لو يصدر التعميم من دار الاوقاف=يصعب يفرق بينها والهواوي
في ماضي الازمان تكره وتنعاف=يعرف عداوتها مقام الشكاوي
واليوم بالاسواق تدحم بالاكتاف=وتجلس مفرّع ماعليها غطاوي
وسط العرب صارت على شكل ميلاف=وتعلّم الجهال كيف الهقاوي
متلبسه بلباسهم ستر وضفاف=وتعيش بحماية رجال العزاوي
وتحارب اهل الدين ورجال الاسلاف=وان حبها السلطان يصبح حياوي
وسط الحرم ممنوع ماقيل وتطاف=وعلى حرم طيبه عليها نهاوي
في كورة العالم لها اصحاب واحلاف=واول صباها دار عيسى الحساوي
تسرق رصيد المهتوي دون صراف=سوٍ على الطفران وايضا الغناوي
كم واحدٍ من حبها صدر اعياف=وصار يتحمدل بالسلامه شفاوي
بدياركم يابوفهد قيل تنشاف=مدري صحيح العلم والا هقاوي
تم الكلام وغطونا بير غراف=عساك تاجد حلها والدعاوي
واقبل تحياتي على اوراقٍ اخفاف=تحمل ثقيل العلم ماهي حجاوي
وصلاة ربي عد من حج واطاف=على شفيع الخلق خير المناوي

وهذا رد الشاعر / محمد بن شعيبان

الهاجس الصادق للاحساس عساف=قدامه اطوع من ذلول اللحاوي
بين الخيال وواقعٍ مابه انصاف=وتحري الغايب وهمٍ مخاوي
اخذت لي مع وارد الهم محراف=يابو فهد سجيت سجت جلاوي
عن ما ذكرت بعدة ابياتٍ نضاف=آسف على التاخير ماكنت ناوي
وكان القصيده ردها موعده طاف=ماطاف قدرك بالضمير النقاوي
قدر الرفاقه فوق تقدير الاهداف=على النقى المكشوف ماهي نجاوي
ترى الصريح بكلمة الحق مزهاف=غالي ولاني بالحقيقه مراوي
والشعر ديوان العرب عند الاشراف=وانته من اللي ياصلون الحراوي
في ايرادة الله كم منع سيف سياف=اعتق رقاب وحل وضعٍ قساوي
وياما على الماء وردن اقلوبٍ نشاف=وكم هم غير الشعر ماله مداوي
ايام ماللمختلف دور واصداف=البن بالمحماس والنجر ماوي
واليا شهدو لي به رياجيل عرّاف=ورضيت مثلك ما احسب للعماوي
لغزك عساك مجار من سو الاصداف=شرحه لكل شروط الالغاز حاوي
اتعبت فكري فيه من كثر الاوصاف=وصفك لبنتٍ من عشقها شقاوي
يكفي لو انك قلت مطعومها حاف=ومعلقاتٍ برقبتها مطاوي
ولاهي غريبه بالعواصم والارياف=لوتنشد اللي عايشٍ بالصداوي
ولياصار مايلحقك من يمها خلاف=لاينتحي بك سيل وادي نحاوي
الا ان حصلك من سبب حبها اجحاف=تلقى لها عند المشايخ فتاوي
وان كان مقصدك اثمها منه لاتخاف=الموت اثم من ياكلون الرشاوي
حلت مصايب بالعرب مالها الفاف=ماشفت كم بالمجتمع من بلاوي
لكن على اللي بالمخاليق رواف=ماخاب مخلوقٍ لعفوه رجاوي

...................

من منكم لم يقراء صحيفه الجزيره هذا الصباح وبلاخص صفحة مدرات شعبيه ..

في هذه الصفحه بذات قراة قصيده من أجمل القصائد التي كتب في الوطن الغالي قصيده من كلماتها من ذهب أنها
لبن عمنا الاستاذ الناقد الشاعر / سعد بن هذيل الفريدي ...

اعجبتني القصيده فاحببت أن انقلها للكم بعد أذن شاعرها

يا موطني يا مهبط الوحي والنور=يا قبلة الاسلام مهد الرسالات
يا قدوة العالم بك البيت معمور=ودار الرسول وبيت رب السموات
وبير الخليل وزمزمه سال مامور=ومرقاب هاجر بالصفا له علامات
وغار الرسول وصاحبه في جبل ثور=وميقاف (طه) في مشارف عرفات
ارض السلام وفيه الاسلام منشور=واعلان صوت الحق لاجل الصلوات
يومر به المعروف للحق صيور=وتدفع به الفطرة وتدّا الزكاوات
به ينكر المنكر وينها عن الزور=وفيه الفروض تقام في كل الاوقات
له يلهث المسلم من احساس وشعور=من قاصي الهادي لحد المحيطات
العالم المسلم له يحج ويزور=طيبة ومكة من بعيد المسافات
كل فخور وفي مزاياه مسرور=له جو روحاني يزيده مسرات
عنوانه التوحيد في راس مشهور=بالراية اللي تعتلي كل رايات
يا موطني يوم الوطن حان له دور=يوم جمع شمل العرب والدويلات
واعلان توحيدك على ايدين مسطور=عبد العزيز المعجزة بالحضارات
صقر الجزيرة متعب الهجن والكور=حكم وزعامة بالسيوف الشطيرات
مسس بلاد النور عساه ماجور=على طريق المصطفى هدى وآيات
شيد عرين الملك لاشبال ونمور=خطلان الايدي مخلفة كل هقوات
واليوم في عهد الملك طايل شبور=عبد الله الانسان رجل المبرات
هو خادم البيتين لبلادنا سور=مكرم لشعب المملكة طيب الذات
في عهده الزاهر تجر كل ميسور=اغنى الفقير وصار للشعب خيرات
وسلطان له يمنى على الراي والشور=ولي عهده بالقسى والمهمات

شاعر جزل ولا يعشق غير الجزاله بيض الله وجهك
أبن عمنا سـ ع ـد بن هذيل لاتحرمنا من هذا الابداع فمجلس فضاء الشعر وجمهورك بنتظارك

رابط الجزيره
http://www.al-jazirah.com/20100922/tr4d.htm
..............

صـح لسـان الشـاعــرين
ســـــعد بن هـذيـل الــفــريــدي
وشــاعـرســعـد بن فـلاح القـحطـانـي
ويرحـمــ الله مــحــمـد الــعـســيـلـي
والشــكـروالـتـقـدير لمـنصـورالـوسـوس
على حســـن الاخـتـيـارالـراااااااااا ئـــع

مشكور يابو يـــــــــــارا
وحبيت اسجل اعجابي بهالبيتين

ســلام يالمـقـدام صـقــر الـعـروبـه

سـلام يـا صقـر العروبـه والاسـلام

صقـر العروبـه والمـكـارم اسلـوبـه

صقـر العروبـه تفتخـر فـيـك لانــام

والشعب يفخر فيـك وانـت محبوبـه

صقر العروبه يا بومتعب وضرغـام

سمـاك شعـب المملـكـة فــي قلـوبـه

بقلب السعودي حبكم وسط الاجسام

يا أبن الملـوك مخضبيـن الهنـادي من ساسكم حكـام نجـد السلاطيـن

خـدام للسـلام وأسمـاء المبـادي وحمات حجاج الحـرم والمصليـن

الأمن عـم الـدار والعـدل سـادي تعطى الشعوب حقوقهـا بالموازيـن

وصدق الولاء بالشعب حضر وبوادي وحب المليك وطاعتـه بالشراييـن

مشكور وبيض الله وجهك ابو يارا

سعد / شاعر جزل


واعجبتني القصيده اللتي احتوت على اللغز


لاعدمناااااكم

((قصيدة بمناسبة حفل العزيرات 1435))

*

*

*

*

*
*

*
*

يامرحبا ترحيبت الناس بالعيد
هلا تراحيب الفرح وقت الاعياد

تحية الاسلام ترفع تراديد
بحضوركم ياربعنا والفرح زاد
بسم الجميع نزف الافراح ونشييد
في جمعكم خير التواصل للاحفاد
حياكم الله الوعد ثالث العيد
ميعادنا في شائة الرب ينعاد
في كل عام ودام للعمر تمديد
في شائة الله يستمرون الاولاد
على تواصل والتكاتف مسانيد
تجمعهم النخوه على حب وعناد
من صلب واحد لا نتفرق ولا نحييد
ناقف اليا نادا المنادي بعواد
سلالة عزيرات جدي ابن عيد
اللي كسب بالنعم ميراث الاجداد
جدي وجدك يارفيقي بتاكيد
انته وانا في خامس الجد بعداد
حنا عيال الاربعه يالاماجيد
العيد والمخلف خلف وعياد
احفاد من قالو هل العرف صنديد
اللي بقى ذكره ومجده للامجاد
ياربعنا دام اليالي سراميد
واخطارها تاخذ جماعات وفراد
تكانفو ضد الخطر والمقادير
تكاتفو تكفون بسلوم وأيراد
تراء التكاتف من سماه الاجاويد
يخشى خطركم بالتلاحم والاوتاد
خوذو نصيحة شايبً به تجاعيد
جرب من الايام ماراح ماعاد
نصيحتي تخصكم يالاوليد
التفرقه تهينكم عند الاضداد
وربعك عزك تاج راسك عن الكيد
بالكثر تكحل عين حاقد وحساد
ربعك ذراك اليا حداك اسمر البيد
من دونهم ماتهتني عينك ارقاد
غيب اليالي مثل ظرب البواريد
وسهووم بقعا تحرم النوم والزاد
ياربعنا دام النصايح لنا تفييد
اوصيكم وحالي ترى الوقت جحاد
بالحلم ترقاء عن دروب المناقيد
والعلم الحكمه يضمك للاسياد
والهرج سم الكبد بيت الهرابيد
يفتح عليك ابواب وحلوق نقاد
وراع النقيلي ماله في دارنا صيد
يموت غيضه في ضمير ولافاد
ولا يفرق الاقراب كود المقيديد
قليل عرف ولايحاسب للابعاد
الهمه الهمه على العزم والجيد
تمت وصلى الله على محمد الهاد

الشاعر :سعد بن هذيل