14-09-10, 09:26 PM
|
المشاركة رقم: 1 |
| المعلومات | | الكاتب: | | | اللقب: | شــــــــــــاعـــــــــر
| | الرتبة: | | | الصورة الرمزية | | | | البيانات | | التسجيل: | Mar 2009 | | العضوية: | 2013 | | الاقامة: | الرياض | | الجنس: | ذكر | | المواضيع: | 73 | | الردود: | 691 | | جميع المشاركات: | 764 [+] | | بمعدل : | 0.14 يوميا | | تلقى » 3 اعجاب | | اخر زياره : | [+] | | معدل التقييم: | | | نقاط التقييم: | 50 |
| الإتصالات | | الحالة: | | | وسائل الإتصال: | |
| المنتدى :
مجلس الشعر الخاص  مرثيه بالمرحوم فالح
انتقل الى رحمة الله يوم 28 رمضان / فالح فلاح الفضلي الفريدي رحمة الله رحمة واسعه
كان معروف لدى الجميع في اصلاح ذات البين وجمع الاقارب خاصة ايام الاعياد
كما اعتدنا على المعايده في منزله اول يوم طيلة الاعوام الماضيه
فقلت هذه المرثيه حسب استطاعتي :
يالله يامعبود ياخير خلاق=تجبر عزا قلبـ(ن) شكالك مظره
من واهج العبرات والدمع دفاق=مما بصدري من حراره وحره
حرك غزير(ن) غرّق العين بحراق=ينزف على جفن النظير ويظره
من هوج بركانه له الجوف ماطاق =يشوي معاليقي ويحرق ممره
حزن الفراق اللي له الصدر مشراق=مشحون بالاحزان والريق مره
من غصة العبره على صدري اغلاق=وسط النحر يزداد بالجوف شره
داخل ظميري والهب بالحشى ضاق=وامسى لهيب الغيض كبدي مقره
ماهو جزع من القدر لكن أفراق=فارق رفيق الدرب دنيا المغره
باخر ليال الصوم من عشرا الاعتاق=يارب بالفردوس تجعل مقره
مرحوم يافالح على الزين واخلاق=عز الرفيق واللاقارب مبره
صاحب مكانه وللمهمات عملاق=وان حل ذكره قلت لله دره
ياما جمع قلوب ربعه والاذواق=بصلاح ذات البين محدا ًتكره
يعرف مكانه بالمجالس اليا واق=ويعرف محله بالقسى والمسره
منصى الرجال وللملازيم ميثاق=صنديد مايفشي على الناس سره
فنجاله الاول مع العود ينساق=يقلط على غيره ولااحداً تشره
مكرم شمطان اللحى بام الاشناق=والمال عن من جاه ماقيل صره
عسى البقا يبقي عياله بالاوفاق=ندر حرار وبالحساني تبره
تعلمو من نيل علمه بالاعماق=الله لا يقطع للجواد جره
وختامها على النبي صل بالشواق=اعداد مادارة نجوم المجره
/ سعد هذيل الفريدي
|
| |
العرض العادي
