يــــــــــــابري حالي عليك ويا وجودي

الشاعر
مدغم بوشيبة


والله إني جيت من ماني بمحدودي

مـــاخذك من زاوية طب وتخيــر

لين خوفي من مسامير الكبودي

ردني لا جيك ضـيف ولا مسير

والغــلا زاد وتعـدا بــي حدودي

وأنت ما ترحم كبيرك يا صغير

لا رحم جدك تقول أنك يهودي

ما تقول إنك بري وإنسان خير

يا بري حالي عليك ويا وجودي

أحسب أنك في يدي شيك مجير

لين جيت ورحت ما شدن عضودي

من حبالك لا طويل ولا قصــير

والعذول أن عاد ولا لا يعودي

جعل ماله فوق وجه الأرض دير

كل ما يقتــادني للمــوت قــودي

ما ذكرت إلا أنت يالريم المذير

يا انتعاشي في الحياة ويا وقودي

دلني لا صرت بالرأي متحير

لو تذعذع بك رياحيني ونودي

النصيب إن ما تسير لا تسير

هد روعك يا حبيبي لا تطير

أنت حبك كنه الحكم السعودي

ثــبــتــه عبدالعزيز ولا تغير