الشعر قلت قيمته يخو هزاع للشاعر / حمودالعويني

هذه القصيدة اتمنى تحوز على رضاكم

لانها اعجبتني وتحكي واقع الشعر وما يتعرض اليه من محاولات تشويه من بعض المستشعرين

اليكم القصيدة للشاعر / حمود بن محمد العويني ويسندها للشاعر نايف بن بادي الفريدي

الشعر قلّت قيمته يخو هزاع=من يوم كلٍ قام يشعب ذلوله
من يوم صار الشعر يشرا وينباع=مال القصيد المتّزن فيه جوله
تكالبت فيه المصايب والاوجاع=واستشعرت به ناس ماهي بحوله
مايحرك شعورك ولايهز الاسماع=ولافيه شيٍ لاسمعته تقوله
ناسٍ تثاغا به على قلت اسناع=مثل القطيع اللي على درب حوله
عن الشعر بعد الثريا عن القاع=قولٍ صماط ومفردات مغيوله
يوم اهجروه اهل الخزايز والابداع=مالي بسوقه يالفريدي عموله
لو ابا عددهم يضيقٍ الاتساع=واجد عباقرة القصيد الفحوله

صح السانه

وصح احساسك

ذائقة الشعر منصور الوسوس


وتقبل مروووري

لوابا عددهم يضيـقٍ الاتسـاع
واجد عباقرة القصيـد الفحولـه

ابومحمد فيما يتضح لي ان البيت هذا فيه خطأ .... القافيه عيت تجي معي قد يكون هناك اشكال بالنقل

لا تصدق اني نقاد لكن اللي اعرفه ان القصيدة تجي اهجيني واذا دقر معك شي اكيد فيه خطأ بالكتابه او بالشاعر

وشاعرنا من فحول الشعراء غني عن التعريف لكن قد يكون من كتبها اخطأ بها وتم النقل

وش رايك استاذنا

ابيات جميله اخوي منصور وصح الله السان الشاعر وبيض الله وجهك على هالنقل الجيد كما تعودنا منك

أبيات جميلة ابومحمد صح إختيارك

وصح لسان الشاعر

وملاحظة أبو عبدالله في محلها

بقايا انسان

الفريدي

فيصل الفريدي

عبدالله الغنام

اشكركم جميعاً على مروركم الجميل


وامّا بالنسبة للبيت الاخير فهكذا كتابته لدي من قصيدة الشاعر وزيادة على

ذلك اتصلت بالشاعر وقرأت عليه القصيدة واقنعني وقنعت وهو شاعر غني

عن التعريف والجود من الماجود ياعيال راشد


اشكركم على الملاحظة واتمنى تكون موجودة بكل قصيدة نقرأها

وأن لاينطبق على منتدى الشعر (( غمض واجغم )) عنوان احد مقالات

منتدى النقاش الجاد بل يجب ان نورد الملاحظه هذا اولاً وثانياً تتسع

صدورنا لاستقبالها وهو الاهم تحياتي للجميع

بسم الله

احسنت الاختيار ابو محمد وتشكر عليه وملاحظة الاخوان في محلها ولو ان ابو محمد خلاها (الاوساع )
لكان اقرب للمعنى ارجو مراجعته مرة اخرى للتصحيح
لك حبي

ابومحمد
اقبل المرور والشكر

ابوعبد العزيز
بالفعل يالغالي الاوساع وليس الاتساع ..<<<<< تعديل في محله

بس ياجماعه اذا كل واحد صار نقاد من عنده
ضاعت الطاسه

والنقد له اهله



دمتم بود

مشكور اخوي معلا على مرورك الكريم لك صافي الود

صح لسان الشاعر حمود العويني