ياكثر ماقلت ابسوي وابسوي

الشاعر ..حمود البغيلي

ياكثر ماقلت ابسوي وابسوي=ولافي شي من اللي قلت سويته
راحت حياتي وانا أطري وأنا أنوي=واللي بغيته نسيته يوم خليته
انا أحسب إني صغير وبالعمر توي=لاشك شيبت وأحلى العمر عديته
ياليتني ياحمد يومه صفا جوي =هاك الزمان ياشريف البيت خاويته
ياكثر ماقلت ابسوي وابسوي=ولافي شي من اللي قلت سويته

مجاراه للقصيده
للشاعر مطلق مرزوق الدخنان العازمي

شبيت راس الفتيل وولعت ضوي=ودولاب فكري لوقت فات رديته
أفل الأفكار وسط الراس واطوي=بجاري الشاعر اللي شايع صيته
الشاعر اللي تلاقا نوه ونوي=هيضني الله يرحم حيه وميته
تقول يقرأ من الأفكار ويروي=أ شوف كني أنا اللي قايل بيته
ياحمود شد العزم عسي الله يقوي=عزمك على هالزمان اللي تمنيته
ماتنفعك ياالبغيلي قولتك لوي=قصرت في ذاك والا ذاك مديته
العمرمثل الزهر له يوم ويذوي=ولو طال عمر الفتى للموت تاليته

انا أحسب إني صغير وبالعمر توي *****لاشك شيبت وأحلى العمر عديته



صح لسان الشاعر حمود البغيلي وصح لسان الشاعرمطلق الدخنان

وسلمت آناملك على الايراد

صح بدنك اخوي زاهر وشاكر لك مرورك العطر

صح لسان الشاعر على القصيدة

وقصيدة تحمل عدة معاني

وحكم في القمم


وبارك الله لك اخي على النقل

تقبل تحياتي

شاكر لك اخوي المشتاق مرورك