لاشك ماثوب الغضي مثـل ثوبـي

للشاعر ناصر المطيري
يالله ياقاضي غرض كـل منيـوب=عليك أنا يالمعتلـي قضـي نوبـي
يالله يا جامـع بـرد كـل حالـوب=تلمّنـا يالـلـي تـلـمّ الذهـوبـي
كن الزباد بمنحر التـرف مكبـوب=إلى ابتسم عن ذبّـلٍ تقـل روبـي
الراس ذيل كروش ولا أم عرقـوب=صفرا نهار الكون فوقـه نصوبـي
عنود خمسمية وخمسيـن جنـدوب=طرادها جـا مـن وراهـا يكوبـي
لا لايعوها ناحـرت راس عرقـوب=أقفـت ولقّتهـم نشيـط الهبوبـي
لا باس لو يرهـم الثـوب لثـوب=لاشك ماثوب الغضي مثـل ثوبـي
أدرى وأخاف منقّدة كـل عـذروب=المنتحيـن اللـي بكبـد الجنوبـي
لو كنت أنا عنهم ورا الشط بالصوب=متولّعٍ فيهم ولـو مـا شقـوا بـي

صح لسان الشاعر أخي أبن مطيع والله يعطيك العافيه وسلمت يمينك.........تقبل تحياتي وتقديري

المشاركة الأصلية كتبت بواسطة قرناس خامس

شرفني مروووووورك الرائع صح بدنك

صح لسان الشاعر وسلمت يمنى الناقل.

المشاركة الأصلية كتبت بواسطة عايض المقطع

صح لسان الشاعر وسلمت يمنى الناقل.

صح بدنك على المرور الرائع والجميل