ياشيخ : دور غيرها : ولـىّ زمانـك وانتهيـت

قصيدة حبيت انقلها للجميع وهي للشاعر / محمد السالم

تقول ليّ كُفّ العتـب كُـفّ التشـره والمـلام ! ==وأنا الّذي لولا العتب لـولا الملامـه ماحكيـت
تبيني أنظر في ورود الحلـم تذبـل والسـلام؟! ==وأنا الّذي في بذرها يامـا ويامـا قـد سقيـت
زرعت لـك صـدري مشاعـر مايوفّيهـا كـلام = فرشت لك جفني حريـرٍ فـي تهاديبـه غفيـت
كتبت بك ؛ اعظم رواية مرجـع لأهـل الغـرام = بنيت لك مجدٍ عريـض فـي مجراتـه سميـت
كُنت احسب انك تستحق المجد وسفوح الغمـام = اثرك مجرد طايـشٍ هدّمـت كُـل اللّـي بنيـت
غرّك زمانك ياضعيف، اصدرت وركابـك حيـام = غرّك سراب القايله اللّي على ضوحـه مشيـت
ذوّبت شمعٍ كـان تهـزم بـه دياجيـر الظـلام = جنيت محصول الغدر يا ؛ بئس محصولٍ جنيـت
صحيح تحزن حالتـك وضعـك كئيـبٍ ياحـرام = جنيت في عهد الوفا يا ما علـى نفسـك جنيـت
لكن عـادي ؛ دام رجلـك مشّتـك درب اللئـام = اصبر على وخز الضمير وعيش وضع الحي ميت
من لا يثّبت موقعه لا صـار فـي راس السنـام = يخسر وسام المنزله لو كان له مليـون صيـت
ماتدري إن عهد الوفا سيفٍ على روس الكرام ؟ = وأن الكريم يصون عهده ثابـتٍ بـه مستميـت
الآن ؛ تاتـي تعتـذر تقـول بانّـك مُستـهـام = ياشيخ : دور غيرها : ولـىّ زمانـك وانتهيـت