الجرده ...والجراديه

الجرده ... والجراديه


صبجتم بالخير يالربع ولا يهونن الربايع بنات راشد...

انا يالربع والعياذ بالله من قولت انا .. رجال بدوي على خبركم ولا ني راعي دلوله بالمدينة .

ويوم وصلت المدينة وسلمت على ربعي واخذت واجبي وافي وزود ..

بغيت اطب السوق اتقضى للعيال .. حج وحاجه ، سلام ومقضات لزوم .

ويوم اصبحت ولا ابو ريم مخدرن هاك الفنجال بالهيل والزعفران ، تقهويت واللي علي بالخير ثم طلع ابوريم لدوامه وانا لبست عباتي وقلت ابي انحر لسوق علشان ارجع بدري .
الغدى عند ابوفيصل منصور الطهيمي حالف علي وناب على الجماعه.

تلفت ادور حدى الربع يروح معي ولا ماهنا احد .. الا اجذعن دبيبة راقد بزاوية المجلس جاي البارح على قولتهم من الجبيل تالي الليل ... عليه له عربيدتن طايره مامشطها ...تسنه مشتدن بها البارح وهو يسوق مع الخط.. تسان ماني غادي عليه دمت الهبيرات ...

المراد اني طلعت من المضافة وخليته راقد .. قلت خله يرتاح ...

ونحرت هاك التكسي واقف .. وقلت ابي الجرده ياولد ..

قال اركب بابا ..
وهو يهمز الموتر تقل جني .. ول طار وقعك ياهذا ..
واصيح عليه ابك اركد اركد وش بلاك انت ؟؟
ترانا بصبح ولا علينا عجله ..

ولا رفيقي ماهو يمي يهز راسه... ولا يحتسي ،
وهنا كورتن بفمه الله يتسرمكم يلوكها مع صبح الله ويتافل على الطريق ..

وانا اوقفه وانزل ...دبل تسبدي المذهوب ... لابوك لابو من جلبك علينا ياملعون الصلايب...

وانا اقف على الخط شوي ولا واحدن ثاني واقف عندي بغى يدعسني ...
وحلالاه ليتني مصحين بناخي يوديني ولا نزلت الحالي ...

المراد اني ر تسبت معه ولا مثل رفيقه تقل وخي (ن) له ...

وانا اركب ورى هالمره ... قال وين قلت ابا السوق انحر الجرده ...

وهو يغير تقل قريص قامزن من فراشه ..

وانا اتمسك بالمرته اللي قدامي واتربط بالحزام تسني خواجه.

وهذا انا مشتد و اطالع قدام ... ماقدرت اغفل عن الدرب اتفرج على الديره..

وعندك عندك عندك عندك لين وصلنا هاك الحاره قال انزل وصلنا .

قلت هذي الجرده قال ايه هذي الجراديه ..
ابك وش الجراديه ؟؟
انا اباي الجرده السوق بطن الديره
قال مافي بطن فيه بطها يبغى بطها قلت
بطها بطها وش نسوي والغريب عمى ...
وهذا حنا من كبري بكبري لين يسر الله علينا وصلنا

عقب مادبل تسبدي من كثر مايحك علباته لين ادمى فيها تقل اجرب ..
يامل الحتسه اللي ماهي هذي ان شاء الله .
ايه ترى صارة لنا سالفه انا وياه على سالفة الحتسة ابرجع لها .. عقبين ان شاء الله .

المراد طببني هاك السوق اللي مافيه ريحة سعودي .
تقل موديني ديرته .. طرت علي يوم اروح ارتسب سنون بالهند ...
وانا اطالع بالسوق اللي ماهو هين
بس البلى كل اللي فيه من شلة ابو نسافه وجيرانهم من ابو وزره .

يالله اني داخلن عليك .. ابكم الديره وش صار فيها منقلبه .
والعالم هذي وش قصتها بديرتنا ...؟
ومن جابهم لنا ؟؟؟ ومن جلبهم علينا ؟؟؟ امحق من جلاب ومجلوب .

محتلين السوق اذهبهم الله مافيه غير انا والعسكري راعي الدورية بينهم والباقين هم!!!


سواق التكسي منهم ... البياع بالدكان منهم ... راعي المطعم منهم ...
اللي بالفندق منهم من الفراش الى المدير...
وان طبيت الصحية ولا منهم من الحارس الى التختور!!!؟

السالفه وشنهي ؟؟
هي احتلال ؟ الا احتلال عيني عينك بس مقنع باسم عماله للحاجه!!.
عساها تنقطع من حاجةٌ حدت عليهم ايوالله .

انتم ماتعلموني الحين من هو المسؤل عن هالسيبه؟
من مسكهم البلد وخلالهم يستولون على اقتصاده بهالشكل ؟؟
لاتقولون لي الحكومة .. الحكومة الله يعزها ماجابت احد على كفالتها .
ولا ردة راعي حاجه.

بس من هو اللي جابهم من غير حاجه وكبهم علينا تسذا ؟؟؟ علموني ..
ترا ضوايتي مولعه وعيت تطفي..
وانا ودي اتقضى بس مقدر لين اطفيها وهي ماتطفي وهي شايفتن خمال.

على علمي وحسب ماسمع بالرادو
ان الاسواق الشعبية في أي بلد يقصدها الزوار للاطلاع على
موروث البلد وثقافته وارثه الحضاري والثقافي .

وش عندنا من هالموروث ؟ الا وش بقى لنا منه عقب مانقلب لبنغالي ؟

الاجنبي يجي يتفرج على ارثنا الثقافي والا على البنغاليه ؟؟؟

اترك لكم الموضوع تناقشونه وتعلموني وش اللي حصل بالديره..
ومن تسبب علينا؟؟؟
وعجلو علي تراي وراي مقاضي ومشواري ماخلص وضوايتي مولعه .



ابوضواية

ابو ضوايـــــــــــــة أحيي فيك بكل شموخ طريقة الطرح الشيق وهذا القلم المتدفق

وعلى موضوعك لي وجهة نظر قد تصطدم مع التيار المفعل حالياً

وذلك أني أرى أن وجود العمالة هو في مصلحة الإقتصاد القومي بالدرجة الأولى فكما تعلم من المهم جداً لنجاح أي مشروع توفر العمالة الرخيصة ونجاح الصين في مجال الصناعة معتمد بالدرجة الأولى على توفر العمالة الرخيصة ، لدرجة أن شركة عريقة مثل ميشلان تفتح مصانع في الصين.

ومن جهة أخرى هذا الوفد من العمالة محرك فعال لمجالات عدة في الإقتصاد الوطني وحيوية مثل الإتصالات والبريد والمواصلات.

وأنت ترى الآن النتائج بعد محاربة الإستقدام كيف أن شركات عدة ألغت نشاطاتها تماما في بلادنا ووقفت على شركة في المدينة المنورة سرحت أكثر من 700 عامل ، والغت كل نشاطاتها هناك ، وسمعت من العمال أن الشركة خسرانة. الا تهز هذه الإقتصاد؟؟!!!
وأطلعت على مجريات مزاد شركة في الرياض باعت السيارات الخاصة التي لديها ، ورأيت قوائم بتلك السيارات :
عدد 25 جيب لاند كروزر موديل 2002 رست على 50000 للسيارة.!!!!!
عدد 34 سيارة منوعه كلها موديل 2002 من ضمنها جيب لكزس ، رسى مزادها على 13000 للسيارة!!!!.
لماذا يا ترى بيعت هذا السيارات الحديثة بثمن بخس؟؟؟!!!!!!!!!!.

لماذا نرى هجرة المصانع والشركات إلى دبي

إنه من الإجحاف ان نقول أن العمالة تهلك الإقتصاد ولا نعي أن إنعدام اليد العاملة الرخيصة هو المهلك الفعلي للإقتصاد ، وهجرة الشركات ومعها روؤس الأموال هو المهلك للإقتصاد.

أن وضع العراقيل كهذه أمام كل مستثمر هو قتل للإقتصاد.

زد على ذلك أن وجود هذه العمالة له محاسنه من باب مد الثقافة العربية ( الدين واللغة ) مجاناً بلا أي تكاليف.

هذه إشارة ولعلها تكفي فالموضوع من الأهمية بحيث يتحتم أن لايكون القرار فيه رهين إنفاعل غير مدروس.

تقبل مروري وشكري وتقديري

ابو ضوايه

طرح متميز واسلوب بسيط للنقاش ،،

وانا بتصوري لو استبدلنا هذه العماله (الرخيصه جهداً) من الوافدين الاجانب بايدي ابناء البلد لكان انفع لنا ولهم ،،

تقبل مروري وابداء وجهة نظري ،،

ابو ضواية

سلمت على هذا النقاش الجدي الممزوج بالفكاهه


سبقني بالرأي الاخ / عبدالله بن غنام


تحياتي لك

بسم الله الرحمن الرحيم


بارك الله فيك ابو ضواية وقلم مبدع وتتهرب كلمات الاعجاب


كثر الكلام ولكن لاحياة لمن تنادي


بالعكس ابو عزام والرادار ابن منيديل

ليس من مصلحة الاقصاد القومي

لان غير عمال الشركات هناك العماله السائبه وهم بكثررره ويفوووق عددهم عمالة الشركات
( العماله السائبه )
وهم من يسبب عال على الاقتصاد ,, لننظر بدقه للأمر

هناك من يستقدم من عشر الى خميسن الى اكثر ويوزعهم في المناطق وعلى كل شخص العوده لكفيلهم بالف او الفين او اكثر او اقل

وهم المشكله الحقيقه ,, وهم ايضا حقيقه مره وموجوده حاليا

( ذو الايدي الرخصيه كما تحلو لكم التسميه )

فأبن الوطن اولى منهم ولو زاد بمقدار بسيط بالاجر ,,,

فهنا يوزع الرواتب على ذو الايدي الرخيصه ,, وفي الجهه المقابله يفعل المحرمات للحصول على المال المواطن العاطل

فهنا يوزع الرواتب على ذو الايدي الرخيصه ,, وفي الجهه المقابله يمد يد العون المواطن العاطل

فهل فرق اجر بسيط سيهز الاقتصاد ,,,


ولو حصل ذالك فيستحق المواطن ان يفدى له

مرحبا يا ارباب الفكر
مرحبا ابو ضواية صاحب الاطروحات الممزوجه بالمرح
.
مع احترامي لطرح اخي عبدالله غنام واخي ابن منيديل
مليار ريال
تدرون يعني شلون مليار
مليار يعني 1000 مليون والمليون الف الف ريال ياهذا >>> بعد شوي بقلب مسلسل تاريخي

مليار ريال سعودي تحول من مصارفنا
سنويا
كلا ورب الكعبه
كل ستة اشهر
كلا ورب الكعبه
بل انها شهريا
الى خارج البلاد
.
وفي المقابل
يوجد شاب عاطل عن العمل في كل منزل سعودي
.
.
صورة مع التحية لمن يهمه الامر
.

المشاركة الأصلية كتبت بواسطة بـــقـــايــا أنـــســـان

بسم الله الرحمن الرحيم


بارك الله فيك ابو ضواية وقلم مبدع وتتهرب كلمات الاعجاب


كثر الكلام ولكن لاحياة لمن تنادي


بالعكس ابو عزام والرادار ابن منيديل

ليس من مصلحة الاقصاد القومي

لان غير عمال الشركات هناك العماله السائبه وهم بكثررره ويفوووق عددهم عمالة الشركات
( العماله السائبه )
وهم من يسبب عال على الاقتصاد ,, لننظر بدقه للأمر

هناك من يستقدم من عشر الى خميسن الى اكثر ويوزعهم في المناطق وعلى كل شخص العوده لكفيلهم بالف او الفين او اكثر او اقل

وهم المشكله الحقيقه ,, وهم ايضا حقيقه مره وموجوده حاليا

( ذو الايدي الرخصيه كما تحلو لكم التسميه )

فأبن الوطن اولى منهم ولو زاد بمقدار بسيط بالاجر ,,,

فهنا يوزع الرواتب على ذو الايدي الرخيصه ,, وفي الجهه المقابله يفعل المحرمات للحصول على المال المواطن العاطل

فهنا يوزع الرواتب على ذو الايدي الرخيصه ,, وفي الجهه المقابله يمد يد العون المواطن العاطل

فهل فرق اجر بسيط سيهز الاقتصاد ,,,


ولو حصل ذالك فيستحق المواطن ان يفدى له

راي من راي المعترضين على كثرة العمالة في البلد وخاصة منها السائبة

ونقطة اخرى لم ارى من تطرق اليها من الاخوه اثارها العزيز ابو ضوايه
وهي من استقدم العماله بهذا الكم الذي يفوق الحاجة
وكاني به يشير الى تلك الفيز التي يتحصل عليها البعض على سبيل المنحة وتحسين الاوضاع



كل الشكر للعزيز ابوضوايه على الموضوع


تحياتي لكم

مشكور ابو ضواية على الطرح المفيد واحسنت بمناقشة القضية وانا معك بطرحك

ولست معك باسلوبك ياليت تكون باللهجة الدارجة التي نتخاطب فيها بشكل يومي

لان فيه ناس مايعرفون بعض الكلمات:
نحر : يعني قتل !
طببني: علاجني أو علمني الطبابه ههههههه
كبهم : ؟

ياكثر كلماتك الصعبة بس صراحة شيقة

لك خالص الود

نازف الحرف

بارك الله فيك