في الحفل الذي اقيم بمناسبة تعيين الشيخ / عبدالله بن عبدالعزيز بن هديب نائبا لرئيس المجلس البلدي بقصيباء القيت العديد من القصائد بهذه المناسبة وكان ضمن تلك القصائد هذه القصيدة التي كانت تفوح نخوة وحموة ومن شاعر رائع جدا هو :: الشاعر : مفرح بن فريح العواد الهديب
ابتدي باسم الكريـم الواحـد المتعلـي= العظيـم اللـي بملكـه منـفـرد في شـانـه
جل شانه له جميع المسلميـن تصلـي =طالبيـن لرحمتـه والمغفـرة سبحـانـه
يالله اني طالبك فـي رحلتـي وبحلـي= كلمة فيهـا النجـاة الـى نطقهـا لسانـه
في نهار فيه تدن الشمس وقم الظلـي =ساعـة ياقـف بهـا الديـان مـع ديانـه
مرحبا ترحيبة اللـي بالجميـع يهلـي =عند ابو عبدالعزيـز اللـي فتـح ديوانـه
المرشح للعمـل والعلـم بـه متحلـي= واثق مـن نفسـه الله ينصـره بايمانـه
سيرته حسنه عسى يمناه مـا تنشلـي= وطاعـة الله منهجـه والطايلـه عنوانـه
يوم ناداني بصوته قلـت جيتـك كلـي= نعنبوا من ينثنـي عـن ربعـه وخلانـه
ماقفي في واجبي وقت الطلب فخرلـي= ماحسبت احساب من همه عشـا ورعانـه
والرجال الها مواقف والرخوم تولـي= وانت عندك علم والمكتوب مـن عنوانـه
والوطن حقه كبير ونهضتـه عزلـي= دام عـزك ياوطنـا فـي امـن وامـانـه
دام عزك يا بـلاد فالرخـاء متحلـي= في قيـادة فـارس الميـدان فـي ميدانـه
المليك اللـي بعطفـه دايـم متحلـي= عاش ابو متعب وعاشوا معه اخوانـه
الملوك اهل السيوف الحدب يوم تسلي= حددوا شبـه الجزيـره وارفعـوا بنيانـه
والولاء ثم الولاء للبيـرق المتعلـي= والفدى ثـم الفـدى للـدار مـع سكانـه
يوم ناداني بصوته قلـت جيتـك كلـي 
العرض الشجري
