قال السديري ماعقب خاطره ضاق

12-03-10, 07:17 AM

قال السديري عقب ماخاطره ضاق

دام الكلام اليوم ماعاد ينطاق
.........................بين الولايف نبرة الشوق غرقا

قال السديري عقب ماخاطره ضاق
.........................بيتن يخلي ضامي القلب يشقا

ياليت ربي ماخلق حب وفراق
.........................والا خلق حب(ن) على غير فرقا

واليوم ضاعت بالمواجيب الاخلاق
.........................صار الغزل بين المواليف يرقا

دارت دواليب الزمن بين الاشواق
.........................يالصاحب اللي من سبايبك نشقا

عنيت لك في عالي الرجم مشتاق
.........................وغنيت لك مع تالي العصر طرقا

عن شوف غيرك شح شوفي ولالاق
.........................وسرقت ماتحت المحاديب سرقا

واليوم طعت اللي بالاشوار بواق
.........................واللي بقى لك بالمحاجير يبقا

من عانقوا دربك قليلين الاوفاق
.........................حالك تغير والبلا وين نلقا

محدن يعالجني سوى شوف براق
.........................واقول مابين الغنادير فرقا

ياهيه يالمشتاق لاعاد تشتاق
.........................ويامعدي المرقاب لاعاد ترقى

آخر نصيحه واحفظه وسط الاعماق
.........................خل الرجم وانزل على راس برقا

قالو تتوب وقلت بالطرف مصيوب= والله ماتوب وصافي الخد ماتاب
قالوا تحملت المواثيم وذنوب=قلت الذنوب لها موازين وحساب
قالوا ترى مايفعل العبد مكتوب= قلت افهم الي تذكرونه يالاصحاب
قالوا جهلت وعقلك اليوم منهوب= وكشفت سرك بين ربعك والاجناب
قلت الهوى لقلوب الاحباب مرغوب= ايات حبٍ صورت وسط الالباب
قالوا بعقلك ضايع الفكر منكوب = قلت الموده ماتداويها الاطباب
عقلي معي ماني من العقل مسلوب= انا الغريق وكل شيٍ له اسباب
كان انكم تدرون بالي شفى ايوب= وجدٍ سطى بالقلب والحب غلاب
انا غريقٍ مع هل الحب منسوب= في زمرة العشاق بالحب منصاب
ماطف لي زادٍ ولا اريد مشروب= الي صفا لي صاحبي عسل الانياب
يغضى بعينه وافهم العلم مقلوب= واسري عليه بليلةٍ نورها غاب
ويرخص لي الغالي الى حل ماجوب= وعن القرايب حط لي ستر وحجاب
وابعدعن الشكه ولا انوش له ثوب= الا الحديث وقرعة الناب بالناب
اخاف يصبح زين الاوصاف معيوب= وهو عليه من الشرف كل جلباب
وعرضه نضيف ابيض ولا فيه عذروب= ولا حكوا فيه البعيدين واقراب
عليه وجدي فايقٍ وجد يعقوب= وقلبي من اسبابه بوسط الحشا ذاب
يلومني من لاشكى حب نبنوب= طفلٍ قرونه ماتغطيه الاسلاب
طفلٍ نهب عقلي بضحكات وعجوب= فتان لقلوب العشاشيق نهاب
اصبح هو الغالب وانا منه مغلوب=غدا بعقلي بين شاري وجلاب
ان كان شفته صفق القلب مرعوب= بالصدر كنه بين لاوي وجذاب
والدمع من موق النظيرين مسكوب= يخضر ديارٍ ممحله عقب الاجداب

الله من هم بروحي سهجها

الله من هم
الله من هم بروحي سهجها
بخافى ضميرى فى كنين الحشا لاج
احرمن نار تواقد وهجها
منهاخطر روحى على سلك ديباج
وعين عسى المولى يعجل فرجها
يفوح ناظرها كما عين هداج
استرسلت للدمع من مارهجها
غيظ يكظ عبارها مثل الامواج
كم واحد لة غاية ماهرجها
يكنها لوهو للادنين محتاج
يخاف من عوجا طوال عوجها
هرجت قفاير كض بها كل هراج
يقضب عليك المخطية من حججها
حلو نباة وقلبة اسود من الصاج
اللة خلق دنيا وساع فججها
وعن ما يريب القلب لك كم منهاج
والرجل وان شطت لياليك سجها
عسس تواليها تبشر بالافراج

يامشرف المرقاب خله لمشطون

يامشرف المرقاب خله لمشطون
حول وخل مولع القلب يرقا
خله لمشطون تزايد به الكون
على عشير زود الهجر فرقا
ينوح يوم ان الخلايق ينامون
ويزيد نوحه كل ماسمع ورقا
ياسف له اللى للهوا ما يعرفون
ويا سعود شلانه من الدمع غرقا
وكبده من الغالي بها تسع طعون
والعاشرة ياسعود بالقلب زرقا
محد عشق مثله مع الحضر وضعون
شمر وعنازن وروق وبرقا
طفل يتل القلب تل بلا هون؟؟
يس با الفواد ويسرق الحال سرقا

ان كان بي عذروب حبي لاهل نجد

ان كان بي عذروب حبي لاهل نجد احبها واحب شمة هواها
احبها يوم انها ديرة المجد دار تمكن بالضماير غلاها
دار غلاها باجد مهجتي بجد دار لنا دار ظلالي سماها
ان غبت عنها الحقت وجد على وجد متذكر عقب البطا يرد ماها
يا ما غدا فيها مهار لهن رجد من فوقها صيد تروي قناها
اللي نوده يا علي ما وجد الله يلحق كل نفس هواها

إن جا ينادمني وضيع ٍ مـن النـاس
صديّت عنه وقلـت منتـب نديمـي
ماهوب كبر وكل ناس ٍ لها اجنـاس
وعندي عزيز النفس دايـم حشيمـي
للكبـر والله مـا توشحـت بلبـاس
بكتـب التواضـع ناجـح بتعليمـي
انادم اللـي رفقتـه ترفـع الـراس
وياقف معي دايم بوجـه الخصيمـي
ان كبرت القالـه والاريـاق يبـاس
يظـيـم عـدوانـه ولايستظيـمـي
وعندي ليا شفت المناعيـر جـلاس
انـا لهـم بايـات فكـري كليمـي
ولاقـارب الخايـب وكـل بـلاس
اللـي علـى نقـل النمايـم فهيمـي
نشدتني تقول بالقلـب هوجـاااس ؟!
قلت : إي نعم مافيه حـي ٍ سليمـي
يابو محمد كن مـا عنـدي اونـاس
اليا خفق فكـري بشـئ ٍ عظيمـي
اغيب كني وسط ظلمـات الادمـاس
واناجي الـرب العظيـم الكريمـي
اناجـي الخـلاق قطـاف الانفـاس
الواحد اللي فـوق عرشـه مقيمـي
عز الله انـي بالهواجيـس غطـاس
وعزي لمن هو في بحرهن يهيمـي
يا بندر الجبرين يامعـرب السـاس
اخلصت لك حيثـك نديـم حليمـي
العالـم الله ماهرجـنـا بـالادنـاس
والله بمـا يخفـى فيهـم حكيـمـي
ولا دّن في جلساتنـا حافـة الكـاس
ولانخـوض بكـل هـرج ذميمـي
واللي نوده قطعت عنـه الارمـاس
ذكـراه مثـل احـلام ليـل بهيمـي
وقت النضا قفّـا وقفّـن الافـراس
وحتى زهور الورد صارت هشيمي
والنمر مخلد عقـب ماهـو فـراس
والبوم عقب الـذل صبـح عديمـي
وديك الدجاج معلق فيـه الاجـراس
والصقر في صكات وقتـه سقيمـي
وابو حقب حصّل بالايـام نومـاس
الحر غاااب وصار عقبـه زعيمـي
وين الرجـال مرّويـة كـل عبـاس
اهل المهار اللـي تعـط الرهيمـي
اقفـوا كمـا غيـم تقفّـاه نسنـااس
ولاحدن بهـا الدنيـا مقيـم مديمـي
كم واحد ٍ في لجة العيـب غطـاس
يفوت عمره فـي ضلالـه بهيمـي
من الذهب لو هو خزن طرم الاكياس
جن من كريم وحرم منهـا اليتيمـي

:: ₪ ::::₪ ::

" هذي منازل من تمنيت قربه "

:: ₪ ::::₪ ::

هـذي منـازل مـن تمنيـت قـربـه
يـا مـا مشـى فيهـا ويامـا سكنهـا
دار(ن) خلت ما عاد يلقى ألأثـر لـه
ما ادري محت وإلا هبـوب(ن) دفنهـا
وقفـت فـي منـزال مـي افتكربـه
وأنشد رسوم(ن) عقب أهل مي عنهـا
رسم(ن) لخلي عرش رجلي عثـر بـه
لو هو كسر رجلي رخيص(ن) ثمنهـا
واقول حـي(ن) فاختـك ويـن دربـه
بالله قـلـي ويــن قـفـا ظعنـهـا
وين القبال اللـي يحيـر النظـر بـه
عمـار يـا دار(ن) حبيبـي قطنـهـا
وين الجبيـن اللـي يشـع القمـر بـه
شعة قمـر خمسـة عشرمـن وجنهـا
يـا منـزل الغاليـن رد الخبـر بــه
وعطني سرايـر خافـي العلـم منهـا
أنا اللـذي حبـل المـودة قصـر بـه
وعينـي مـن الفرقـا تزايـد حزنهـا
وأنـا الوحيـد اللـي تحملـت غربـة
وعني بعيد(ن) شـوف مـي ووطنهـا
وأنا اللذي روحـي هواهـا استعربـه
ثم (ن )جذب روحـي لمـي وقرنهـا
وأنا اللذي مر(ن) على الكبـد شربـه
لي حاجة(ن) ما اذكر ضمين(ن) ضمنها
وأنا اللذي غصـن الفـراق انهصربـه
ولو مـا بغـا الفرقـا يقـوده رسنهـا
وقت(ن) علي مجرد(ن) سـو حربـه
عقب الحبيـب اللـي حياتـي رهنهـا
ان قالي قولـة هـلا مـا افتخـر بـه
ولا يظهر الهرجة وهـو مـا وزنهـا

• + - - - - - - - - - - - - - - - - - ₪ - ::
----------------------------------------

• + - - - - - - - - - - - - - - - - - ₪ - ::
----------------------------------------

:: ₪ ::::₪ ::

" يالله أنا طالبــك "

:: ₪ ::::₪ ::

يالله انا من جـود حسنـاك طالبـك
عفوك ومدك حيـث منـت بخيلـى
يالادمـي دنيـاك هـذي تعـذبـك
لوطفـت فيهـا مالقيـت الدليـلـى
كل على مذهـب امامـه يخاطبـك
يبيـك مـن زايـد ذنوبـه تشيلـى
واليا عصيت اهل المذاهب تعاتبـك
كـل يقـول ابيـك يمـي تجيلـي
ولو انتحيت بعيـد بالسـؤ تطلبـك
وكل بصاعـه مـن ذنوبـه يكيلـي
احد يصحح لـك حديثـه ويرهبـك
واحد يقول الحـق عنـدي نزيلـي
واحد يخيفيك فـي كلامـه ويدبـك
وابليس يضحك له وهو مستشيلـي
النـاس عوجـان المناطـق تكذبـك
وعن الصحيح الكذب معهـم بديلـي
ان مارضيت بقولهم نتـف شاربـك
وتكبـر ذنوبـك لوغنـاك تهليلـي
ناس على درب الفضيلـه تحاربـك
وعلى دروب الشر تهـذل هذيلـى
ودروبهم عسـرات عـوج وتتعبـك
ما تستـوي لـك لا ولا تستويلـي
ينبيك عن دنياك ماضـي تجاربـك
وعزي لحالك كـان عرفـك قليلـى
اتبع نبيـك واتـرك اللـي مجنبـك
واقضب مماشـى سنتـه لا تعيلـى
اللي بغـار الثـور للرشـد يندبـك
وابوبكـر عنـده نديـم وخليـلـى
نصايحـه للرشـد حـذرا تغايبـك
هرجه صحيح وكل فعلـه جميلـي
سنـة نبيـك للفضيـلـه تقـربـك
المصطفـى مالـه شبيـه وعديلـي
واحذرك عن نقالـة السـو تقربـك
ومن يتبـع العايـل لـزوم يعيلـى
لوانت ما تغضب ترى الناس تغضبك
وعقب المعـزه يجعلوانـك ذليلـى
وترى ردي العرق للعيـب يجذبـك
وتصير بدروب الردا لـه عميلـي
وبنت الردي حذراك حذراك تعجبك
واحذر تصير لمثـل هـذي حليلـى
وعن ما يعيب النسل عرب مناسبـك
وعليك في بنت الحصان الاصيلـي
يجي ولدهـا فـارق عـن قرايبـك
ويقف في وجـه الخصيـم القبيلـي
ان كبرت القالات بالفعـل يعجبـك
ويبرد همومك كـان قلبـك غليلـي
مثل القطامي فـي هـداده يشببـك
والدم مـن مخـلاب كفـه يسيلـي
ليا صار ما صلبين الارياء مكاسبـك
تراك بيـن النـاس تبقـى هزيلـي
وترى دروب الخبث يالعبد تذهبـك
ويفوت عمرك ما تحصل حصيلـي
احذر يابن حـوا تطمـن لحاجبـك
الا لــرب للخـلايـق يزيـلـي
الي بعفـوه عـن عذابـه يرغبـك
وعينه لكـل الخلـق دايـم تخيلـى
في لوحه المحفوظ يا لعبد مذهبـك
نزل بحق وكـل مـا بـه فضيلـى
ومعاشر الخايب مع الناس يذربـك
وتصبح قليل الميـز عقلـك هبيلـى
ومعاشر الطيب على الطيب يجلبـك
ويرقيـك للعليـا بـظـل ظليـلـي
لا تقرب الأجرب بالامراض يعطبك
يصير جسمك مثل جسمـه عليلـي
ممشا الخفامن صافي العقل يسلبـك
ويصير لـك يـم الرذيلـه سبيلـي
وعن مارد الانـذال نـزه مشاربـك
واشرب نظيف لـوورادك طويلـي
ولياك تنسى يابن الأ جواد واجبـك
والي يـروم المجـد حملـه ثقيلـي
يا لادمي وان كان كبرت مصايبـك
ازبن على محي ا لبـلاد المحيلـى
ازبن علـى رب بعرشـه يراقبـك
وناجه وبعد العسـر يـره جليلـي
ناجه ولاجل ارضاه وجـه ركايبـك
وخلـك لـعـلام السرايردخيـلـي
هو الذي ينجيك من كـود صايبـك
ويذريك من كربات هـول مهيلـي
يا لعبد مكن عنـد ربـك مقضبـك
وفكـر وقـدر وانتبـه لاتميـلـي
ولحد من الخـلاق يالعبـد حاجبـك
هو الـذي مـده وعفـوه جزيلـى
وهو الذي في مـا فعلتـه يحسابـك
وهو الذي بـارزاق عبـده كفيلـى

ذعذاع الشمال · 12-03-10, 09:13 AM

يلومني من لاشكى حب نبنوب= طفلٍ قرونه ماتغطيه الاسلاب
طفلٍ نهب عقلي بضحكات وعجوب= فتان لقلوب العشاشيق نهاب
اصبح هو الغالب وانا منه مغلوب=غدا بعقلي بين شاري وجلاب

مشكور مليون اخي الصقر الجارح

احسنت الاختيار لشاعرن متمكن

ربي يرفع شأنك ويعلي مراتبك

وصح بدنك وعمرك

ذعذاع الشمال · 12-03-10, 01:58 PM

الله يعطيك العافيه اخوي الصقر الجارح

على النقل

ولكن عندي ملاحضه لو تكرمت

بان يكون ترتيب القصيدة بخط كبير شوي ومرتبه بشكل جيد

تقبل تحياتي

ذعذاع الشمال · 12-03-10, 07:55 PM

اقتباس:

المشاركة الأصلية كتبت بواسطة ذيبان

يلومني من لاشكى حب نبنوب= طفلٍ قرونه ماتغطيه الاسلاب
طفلٍ نهب عقلي بضحكات وعجوب= فتان لقلوب العشاشيق نهاب
اصبح هو الغالب وانا منه مغلوب=غدا بعقلي بين شاري وجلاب

مشكور مليون اخي الصقر الجارح

احسنت الاختيار لشاعرن متمكن

ربي يرفع شأنك ويعلي مراتبك

وصح بدنك وعمرك

لاشكر على واجب وشاكر لك على هذا الإطراء ربي يرفع شأنك ويعلي مراتبك 00

ذعذاع الشمال · 12-03-10, 07:58 PM

اقتباس:

المشاركة الأصلية كتبت بواسطة المشتاق

الله يعطيك العافيه اخوي الصقر الجارح

على النقل

ولكن عندي ملاحضه لو تكرمت

بان يكون ترتيب القصيدة بخط كبير شوي ومرتبه بشكل جيد

تقبل تحياتي

شاكر لك وماقصرت الملاحضه على رأسي لاكن حاولت احسن الخط اكثر من مره دون فائده00

ذعذاع الشمال · 12-03-10, 09:10 PM

ياليت ربي ماخلق حب وفراق
.........................والا خلق حب(ن) على غير فرقا

واليوم ضاعت بالمواجيب الاخلاق
.........................صار الغزل بين المواليف يرقا
$ والله يعطيك العافية على النقل الجميل تقبل مروري

ذعذاع الشمال · 13-03-10, 08:12 AM

اقتباس:

المشاركة الأصلية كتبت بواسطة عاشق المستحيل

ياليت ربي ماخلق حب وفراق
.........................والا خلق حب(ن) على غير فرقا

واليوم ضاعت بالمواجيب الاخلاق
.........................صار الغزل بين المواليف يرقا
$ والله يعطيك العافية على النقل الجميل تقبل مروري

مشكور ولك اجمل تحيه شاكر مرورك العطر00