آخر 15 مواضيع : كتاب وصفات منال العالم           »          كتاب شهيوات شميشة           »          كتاب أطباق النخبة أمل الجهيمي           »          كتاب مقبلات و مملحات-رشيدة أمهاوش           »          شيلة (صدقيني ) للشاعر/ مبارك سالم المصلح الحربي ( ابن دهيم...           »          شيلة حرب(طالب من رفيع العرش)للشاعرسالم بن علي المصلح الحربي...           »          شيلة (احبك ) للشاعر/ مبارك سالم المصلح الحربي ( ابن دهيم...           »          اجتماع عائله الدغاشمه من فرده من حرب في ملتقاهم السنوي...           »          اجتماع الملسان السنوي الثالث للعام 1438           »          تغطية / اجتماع الدبلان السنوي لعام ١٤٣٨هـ           »          لجنة التنمية الاجتماعية في خصيبة تقيم فعاليات رمضانية...           »          لجنة التنمية الأهلية في خصيّبة توافق على إقامة ملتقى...           »          الشاعر/مبارك بن سالم المصلح الحربي ( ابن دهيم )قصيدة ( حرب )           »          تغطية زواج الشاب: خالد بن عفتان بن زويد الفريدي           »          قصيدة الشاعر/ نايف بادي طليحان المخرشي ورد الشاعر/عبدالله...




40 يوما قبل الطلاق

كتب - بحوث - نشرات - دوريات - مطويات- مقالات.


 
 
LinkBack أدوات الموضوع انواع عرض الموضوع
قديم 28-01-10, 05:27 PM   المشاركة رقم: 1
المعلومات
الكاتب:
اللقب:
عضو مؤسس وإداري سابق
الرتبة:
الصورة الرمزية
 
الصورة الرمزية ذيبان

البيانات
التسجيل: Apr 2007
العضوية: 30
الاقامة: بوابـــة الوطـــن
الجنس: ذكر
المواضيع: 1582
الردود: 6938
جميع المشاركات: 8,520 [+]
بمعدل : 1.37 يوميا
تلقى »  3 اعجاب
ارسل »  3 اعجاب
اخر زياره : [+]
معدل التقييم:
نقاط التقييم: 128

التوقيت

الإتصالات
الحالة:
ذيبان غير متصل
وسائل الإتصال:

المنتدى : مكتبة المجالس
افتراضي 40 يوما قبل الطلاق

40 يوما قبل الطلاق


للروائي السعودي إبراهيم الصقر


كلمة المؤلف..

الحياة الزوجية .. ليست رخيصة .. فلا تستعجلوا في اتخاذ قرار نهايتها
..إبراهيم الصقر

وصف الرواية..

اشتعلت نار المشاكل بين نوره وخالد .. وبدأت التدخلات الخارجية من منى وسارة
وانقلب الحب إلى كره .. وأضحى الطلاق على الأبواب
40 يوما قبل الطلاق
زوجيهرومانسيه


مشاهد عشوائية من الرواية..

- ليش مسكر باب المكتب؟ وش جالس تسوي؟
- وانت وش دخلك؟؟
- أنا زوجتك .. لي حق اعرف وش قاعد تسوي؟؟
- صرتي المحقق كونان مو زوجتي!!
- تنكت انت ووجهك؟
بدأت بطرق الباب بشده:
- اقول لك افتح الباب احسن لك!!
فتح الباب وقال بحنق:
- فتحت الباب يا حظي .. وش تبين الحين؟
- وش جالس تسوي؟ ليه مسكر باب المكتب هاه؟ تتفرج على المواقع الوصخه بالانترنت هاه؟
- مواقع ايش؟؟ وش جالسه تقولين انت؟

* * *

بدأت بالبكاء وقد اعتراها الخوف من تعابير وجهـه الغاضبه:
- اااي اااي حرام عليك .. عورتني .. فكني فكني حرام عليك فكني
فخلصت نفسها من بيديه وانهارت على الارض وهي تبكي بشده:
- خلاص الله يخليك لا تضربني .. حرام عليك حراااام

* * *

- لحقي علي .. الحقي يا اختي
- وش فيك ؟؟ وش فيك؟؟
- ضربني!! .. ضربني ضرب!! .. كسر عظامي
- وه!! يا عل يده للكسر الله لا يوفقه

* * *

- الا صحيح وين زوجتك؟ ليه ما جبتها معك؟
- ... الظاهر يمه اني بطلقها
- تطلقها؟!! ليييييييه؟!!
- يمه مشاكلنا ما تنتهي وزواجنا فاشل مهما حاولنا ننكر هذي الحقيقه
- لكن يا وليدي ما صار لكم متزوجين سنه
- سنه من النكد يا يمه .. البنت ما تحترمني .. ومشغوله عني بوظيفتها .. وحتى لما ترجع من المدرسه تجيب معها دفاتر طالباتها او اختباراتهم وتصححها .. ولما اشغل نفسي مع ربعي في الاستراحه او اجلس على النت تنجن الهانم وتصير تنكد علي عيشتي
- لا حول ولا قوة الا بالله .. انت ما تحب زوجتك يا وليدي؟

* * *

- طيب شوفي عندي لك فكره حتى تقهرينه زي ما قهرك
- شنو؟؟
- ارسلي له رسالة جوال .. بيفز من النوم ويحاسبها من البنات الي يغازلهم .. ويوم يقراها يلقاها منك وانت تقولين له .. حظ اوفر الرساله هذي من زوجتك يا صايع يا مغزلجي
- حلووووووه .. بسويها اللحين

* * *

امسكت بيده وقالت بحزم:
- اسمع!! .. ورب البيت ان مديت يدك علي مره ثانيه .. اني لاقول لاخواني واخليهم يجون ويكسرون عظامك تكسير ..
فتراجع الى الوراء وقال بارتباك:
- تهدديني باخوانك؟؟
فابتسمت ابتسامة انتصار وقالت في نفسها:
هـ- يوه .. تغير لون وجهـه .. شكله خاف صحيح!!

* * *

- مصلحه؟!! عبالي بتقولي يحبني
- انت خبله؟؟ في احد يحب بنت تهدده؟؟
- هاه؟؟ اجل وش استفدت انا؟؟؟

* * *

فضرب على كتفه وقال:
- تزوج عليها!!
- هاه؟!!
- اقولك تزوج عليها وخلها تولي .. اصلا ما يعقل الزوجه المرجوجه الا زوجه ثانيه

* * *

وضعت يديها على ركبتها واسترسلت:
- مشكلة كثير من البنات المتزوجات انهن ما يعرفن يتعاملن مع الرجل .. وكثير من حالات الطلاق تكون بسبب تصادم البنت مع الرجل .. بدل ما يكون فيه رقه وصبر من جانب البنت .. حتى لو كان الرجل مخطئ لازم تكون البنت صبوره وحكيمه .. يعني انا مثلا مقتنعه ان الرجل لازم يكون له مساحته الخاصه فيه .. متى ما تضايق من زوجته يلجأ الى مساحته الخاصه .. ويبتعد عن الضغوط الي ممكن توصلهم لقرار مثل الطلاق .. وبعد مده اكيد بيهدأ ويروح الزعل .. ثم يشتاق لها .. فيرجع لها مثل ما ترجع اطراف الحزام المطاطي لبعضها لما تتمدد وتبعد اطرافها عن بعض .. ثم .. هوووب
فصفقت بيديها على بعضهما وقالت:
- يعود لها زوجها بكل شوق ومشاعر جياشه .. و .. امممم .. فيك شيء؟
- هاه؟
- امممم .. ليه فاتح فمك؟
- مين؟ انا؟ اوه .. .. امممم .. انا مو مصدق .. ما شاء الله تبارك الله .. ما ادري ايش احلى فيك .. ثقافتك .. ولا تفهمك .. ولا عقلك .. ولا جمالك الساحر؟؟

* * *

انهالت عليه بالاسئله:
- وين كنت؟ ليه تأخرت؟ اكيد صايع مع اخوياك الوصخين .. وين رحت معهم؟ وش تسوون في اخر الليل؟؟ قول تكلم!!
احس باعصابه تستثار بسبب اسئلتها التي تنهال عليه كطلقات مدفع رشاش فامسك بها مع كتفيها وقبل خدها.. وقال بدون وعي:
- احبك يا محقق كونان

* * *

فتمتمت عائشه في نفسها:
- الله يعينه اتصل في وقت غلط .. الحين بتنافخ عليه وبتطلعله شخصيتها القويه
لكنها تفاجأت بها وهي ترد بصوت ناعم:
- هلا حبيبي
- هلا حبيبتي ..
- هلا بك يا نظر عيني .. ايه اللحين النهار توه صار حلو .. لما حليته بصوتك العذب..
فقالت عائشه في نفسها:
- يخرب بيت ابو النفاق!!

* * *

اقفلت جوالها وبدأت في جمع أغراضها على عجل بينما كانت عائشة تنظر اليها وهي مشدوهـه لكن سرعان ما انتبهت وقالت:
- هيه .. من جدك انت بتطلعين؟
- ايه بطلع .. زوجي يبيني
- واذا صار يبيك؟
- وش فهمك انت .. خليك بتصحيح دفاتر البنات..

* * *

- وش السالفه؟ لا تخوفني يا بومه انت .. وش صاير؟
- الي صاير يا مغفله .. ان زوجك المصون .. راح خطب منى بنت ام سالم .. تتذكرينها؟ البنت المغروره الي كانت معنا في الثانوي ..
قامت وصرخت بغضب:
- وش تقولين انت؟!!

* * *

رفعت قصت شعرها ونظرت اليه بعين حاقده وقالت:
- انت طول عمرك وانت تمثل علي .. ولا عمرك حبيتني!!
احس بطعنة سكين في قلبه .. احس بجسمه يتهاوى ثم امسك بمقبض الاريكه التي بجانبه الا ان يده المتهالكه لم تتمكن من احتمال وزن جسمه المتثاقل .. فانهار عليها بينما كانت تصرخ به:
- طول عمرك وانت تكرهني .. ما عمرك حبيتني .. ليه؟؟ لان اهلك هم الي اختاروني لك؟؟ وانا وش ذنبي؟؟ ذنبي اني شفت انك تستاهل تتزوجني ووافقت عليك؟؟ هذا ذنبي؟ انا اجبرتك تتزوجني؟؟

* * *

فدفعها بقوه حتى سقطت على ظهرها وصرخ:
- وش فيني؟؟ وش فيني؟؟ فيني اهمالك لي .. تهتمي باهلك اكثر مني .. انا تعبان وزهقان ومتحمل مصايب الدنيا وانت مشغوله عن زوجك بتفاهات اختك مع زوجها .. الله ياخذك انت واختك!!

* * *

- الو
- هلا .. انا عايشه
- عايشه انا تعبانه مره ما راح اجي اليوم للمدرسه اعتذري للمديره
- اي مدرسه يا بنت الناس .. المدرسه قفلوها .. انتشرت فيها انفلونزا الخنازير!! .. انصابت معلمات وطالبات كثير .. لحظه انت تعبانه؟؟ لا يكون؟؟
اتسع عيناها وقالت برعب:
- لا يكون ايش؟؟
- لا يكون انت انعديتي كمان بالانفلونزا؟؟ نوره انتبهي ترى في ناس ماتت من الانفلونزا .. انتبهي لنفسك!!

* * *

- منى انا مشغول الايام هذي لما اصير فاضي انا راح اكلمك
- مشغول مع ام الخنازير؟؟
- وش قلتي؟!!
- صحيح انت جالس مع الموبوؤه هذي وجالس تعتني فيها؟؟ .. مجنون انت؟!! بنت تبي تطلقها .. تجلس عندها حتى تعديك وتذبحك معها؟؟ .. اسمع .. الان تتركها وفورا تروح للطبيب .. وتفحص نفسك .. وهذي ام الخنازير .. طلقها وخل اهلها يبلشون فيها..

* * *












توقيع :

عرض البوم صور ذيبان  
قديم 29-01-10, 12:42 AM   المشاركة رقم: 2
المعلومات
الكاتب:
اللقب:


عضو مجلس الإدارة

الرتبة:

البيانات
التسجيل: Jun 2007
العضوية: 539
الاقامة: بـريـدة - الحي الاخضر
الجنس: ذكر
المواضيع: 2042
الردود: 12058
جميع المشاركات: 14,100 [+]
بمعدل : 2.31 يوميا
تلقى »  45 اعجاب
ارسل »  172 اعجاب
اخر زياره : [+]
معدل التقييم:
نقاط التقييم: 598

التوقيت

الإتصالات
الحالة:
ابـن مـطـيـع غير متصل
وسائل الإتصال:

كاتب الموضوع : ذيبان المنتدى : مكتبة المجالس
افتراضي رد: 40 يوما قبل الطلاق



مشكووووووؤ عميد المجالس على الموضوع
تقبل مروووووووري












توقيع :



مـشـعل صـالح بـن مــطيـع

عرض البوم صور ابـن مـطـيـع  
 

الكلمات الدلالية (Tags)
الطلاق , يوما


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
قبل ان تؤدي الصلاة هل فكرت يوما بـــ..... عبدالعزيز الشملان المجلس الإسلامي 9 22-05-09 06:12 AM
الذئبُ .. الحنون ! ) f15 يـحـكــى أن 11 21-05-09 03:51 AM
قانون كرة القدم (( فيفا )) أبو ياسر الفريدي مجلس الرياضة 2 05-07-07 01:36 AM


الساعة الآن 04:22 PM


Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir
Ads Management Version 3.0.1 by Saeed Al-Atwi
لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52