أبكي وعيني تسهر الليل يـا ريـم

سبق وان نزلت هذه القصيدة
وماكنت اعرف صاحبها واليوم
انزلها بسم صاحبها

كان الشاعر ممدوح بن عبد الله المرزوقي

ماراً من أحد الممرات وفي ذلك الممر كانت

)ريم وأمها ) داخلين لزيارة سجينهم

والشاعر سمع صوت الأطفال فتذكر أبنائه

فدمعت عينيه

فرأته ( ريم ) فقالت ريم لأمها :

( يمّه الرجال يبكي !! ،، فقالت أمها زاجرة : ريم !!! )

عندها ،، كتب الشاعر هذه القصيدة

أبكي وعيني تسهر الليل يـا ريـم=مدري بلاها الشوق والا الظليمـه
يا ريم دمع العين مدري على الريم=والا على قلبـن تواكـل صميمـه
تقول لاطمني علـى نونهـا سيـم=أبكي وعندي لأزرق الدمع قيمـه
ويمكن يكون الدمع للعيـن تكريـم=ويمكن يكون إلها عذاب وحريمـه
والله يا لولا دمعتـن كنهـا الديـم=راحت ضلوعي من عذابي حطيمه
ودام البكا يا ريم ما فيـه تحريـم=يا عنك والله لأرخص الدمع شيمه
وابكي على حالي من الوجد وآهيم=لين الزمن يخلـف عليّـه نسيمـه
أبكي حياتن صافيه ما بهـا غيـم=وين المحبـة والقلـوب السليمـه
أبكي قهر وابكي من الغبن والضيم=وابكي من طعونن بقلبـي قديمـه
غدر الزمن خلّى بوجهي مراسيـم=وما يذبح الرجال مثـل الهزيمـه
بعض المصايب شرها ياكل الهيـم=وشلون بكبود الرجـال الكريمـه
وبعض المصايب يخلفن المفاهيـم=تبغى على ما قيل صبر وعزيمـه
مظلوم بالدنيـا وغيـري مظاليـم=من عرض ناسن لبسوهم جريمـه
ما عاد أبي من سود الأيام تعليـم=عقب العذاب اللي كلاني جحيمـه
ولو تصفي الدنيا علـيّ الملازيـم=ما عاد أدور من وراهـا غنيمـه

منقول

تسلم على النقل الرائع والجهود المميزه الف شكر ابادخيل الله
وصح السان الشاعر ممدوح بن عبد الله المرزوقي

المشاركة الأصلية كتبت بواسطة علي الجضعان

تسلم على النقل الرائع والجهود المميزه الف شكر ابادخيل الله
وصح السان الشاعر ممدوح بن عبد الله المرزوقي

صح بدنك ابا عمر ويسلم مرورك

الله يعطيك العافيه....

الله يعطيك العافيه على المشاركة الرائعة

ولو تصفي الدنيا علـيّ الملازيـم

ما عاد أدور من وراهـا غنيمـه

المشاركة الأصلية كتبت بواسطة عبدالله الف الف ريدي

الله يعطيك العافيه....

تسلم على المرور
اسعدنا تواجدك

قصيده رائعه جدا تسلم يمناك على النقل

صح لسان الشاعر

قصيدة من اروع ما قرأت

لا استغرب هذا الاختيار الجميل لأنه من عبدالله

الذي بات عنوانا للابداع وجمال الذائقة الشعرية

شكرا لك ودمت بخير وعافية

المشاركة الأصلية كتبت بواسطة عايض المقطع

قصيده رائعه جدا تسلم يمناك على النقل

اسعدني مرورك اخي عايض

المشاركة الأصلية كتبت بواسطة منصور الوسوس

صح لسان الشاعر

قصيدة من اروع ما قرأت

لا استغرب هذا الاختيار الجميل لأنه من عبدالله

الذي بات عنوانا للابداع وجمال الذائقة الشعرية

شكرا لك ودمت بخير وعافية

اشكرك اخي منصور على الاطراء
والابداع في الردود الرااائعة