مرثية حي

البارحه بدلت كل الرجوله = في دمعتٍ تسوالها الفين رجال
غطت على وجهي بعرضه وطوله = تضرب بخدي كنها السيل والجال
ياناس انا لي حظ عابت فعوله = كرْمت عنه العيب وفعول الانذال
قالت حبيبي فيه شي وبقوله = لازم تماسك واصمد ولق لي بال
انا ملكت تقولها بكل سهوله= ياصعبها يوم احرقت كل الآمال
اجهشت في صوتٍ شبيه الطفوله= أقسم بربي كانها جابت عيال
ان يشبهوني بالصفات الخجوله = ولا وفاي الي يقسْم على اجيال
وان يشبهوها بالشفاة العسوله = تمطر عسلها في لساني بهمال
لكنها احلامي بمخي كسوله = تبخرت وتحولت ترثي الحال
راحت مع الي بدلتبي وصوله = وانا بصوت العود جريت موال
اشيل همي يوم نال البطوله = موتي ولا أحضر باقي الوقت بذلال

للشاعر : مـحــمــد بــن حــمــاد الفـــريـــدي"ابو شــجــون

"

صح لسان الشاعر ..

وصح بدن ناقلها ..

ابداع وروعة تصوير ..

لم استطع اختيار افضل بيت .. لاني سوف اختار القصيدة بكاملها..

القصيده ماتسوى شي بدون ردود الطيبين شرواك وشروى مرتادي هالمنتدى العضيم ..
يسلم ذوقك يالغلا