فصخ جلدي مثل فصخ الفنايل؟؟

السلام عليكم ورحمة الله وبركاته
هذه القصيده موجهه الوزير الصحه الدكتور عبدالله الربيعه من المريضه نوره صالح المرزم (الغاط)
كانت تعاني من التهاب في الكلى وحولت من مستشفى الامير ناصر بن سعد السديري بالغاط
إلى مستشفى التخصصي ببريده لأجراء عميله فتح باليد لغسيل الكلى وتم صرف علاج من قبل الدكتور المتابع لحالتها عن طريق الخطأ .
ونتج عن ذلك العلاج حروق من الدرجه الاولى بجسدها وعلى اثرها تم نقلها إلى العنايه المركزه وهي الان في حالة غيبوبه تامه منذُ ثلاثة ايام وبرر الدكتور المتابع لحالتها بعد صرفه للعلاج بأنه سوف يسبب الحروق في الجسم ولابد من صرفه بعد ان صرف العلاج ونتج مانتج ورفض الدكتور اخبارنا بالعلاج هل هو حبوب او شراب او حقن .
وقالت هذه القصيده قبل ان تدخل بالغيبوبه بعد اخذها للعلاج .
وارجو ان تصل هذه القصيده إلى الدكتور عبدالله الربيعه




تسمّع في كلامي يالربيعه




وخذ منّي تفاسير ودلايل
..
يقولون العلاج اللي عطوني




لزوم ولا يجي غيره بدايل
..
عطاني حاجتن لا رحم حيّه




فصخ جلدي مثل فصخ الفنايل
..
عسا ماصاب عاد وقوم صالح




يصيب اللي صرفها لي عجايل
..
وتراي ابرقت لك من قبل مرّه




وهي محفوظة(ن)بين الرسايل
..
وتراك اقسمت ياولد الربيعه




وخف منهو وقف فوقك يخايل
..
ولكن يالربيعه لا توانا




تراي بذمتك يـاابن الحمايل
..
مقام امك مدامك تغلي امك




وهذا واجبك والشك زايل
..
اله الكون يالله ياعضيدي




ابي دبرتك في كل الوسايل
..
ترانا يالربيعه لا التقينا




امام الله في يوم الهوايل
..
اباقف في طريقك واعترضلك




وابشكي حالتي لله واسايل
..
وهذا اليوم ثابت يالربيعه




صحائف مابها شك وخمايل
..
ابي تحقيق كامل بالقضيه




مادام انك تعدّل كل مايل
..
وقبل افقد شعوري قلت اوصي




عيال(ن)لي يشبون الفتايل
..
فتايل مابها درج(ن)فرنجي




فتايل نور تردع كل عايل
..
ولامنك عجزت عن القضيه




فحِلها للذي شال الثقايل
..
ابو متعب ولد صقر الجزيره




عريب(ن) فيصلي من نسل وايل
..
وابختمها واصلي ثم اسلم




على الهادي عدد وبل المخايل


...................

ارجو منكم الدعاء للخاله/نوره صالح المرزم. حرم المغفور له بأذن الله عمي/ ابراهيم سليمان الصعب



وأنتقلت إلى رحمه الله بهذا اليوم بسبب العلاج من قبل الدكتور
نسأل الله أن يغفر لها ويرحمها ويسكنها في فسيح جناته

منقووووول