قصيده معناها فيها

تهيض المكنون وافصح بمنطوق = ممالجا بالقلب وزريت اطيقه
حاولته كتمانه وانا منه محروق = وعجزت اقاوم قام يكبر حريقه
هموم تجي مع كل مدخل وطاروق= ليا راح عني هم جالي رفيقه
من الشرق ومن الغرب من تحت من فوق= منها هموم اجداد واخرى عتيقه
عالجتها في منتهى اللطف والذوق = وقامت تزايد مع مرور الدقيقه
وكني بغبات البحر فوق دانوق = متعطل وصط البحور العميقه
تلاطم الامواج كنه بصندوق = موج يشيله فوق وآخر يعيقه
ورغم الهموم اللي عليه تقل طوق=متمسك بعرى الآله الوثيقه
وارجي رجا المظلوم ويهزني شوق = عندي امل بالله المح بريقه
وانا على مسّات الايام مسبوق = لاشك مايمكن تضيع الحقيقه
ياللي تجي سلطان لامسه العوق = قل مرسل المرسول يشرق بريقه
قلبه يا بوبندر من الهم مطروق =هم وقف قدمه وسكّرطريقه
مقيد الرجلين لو قلبه يتوق = وانته حبيبه والده ياصديقه
وعليه لك واجب وماجوب وحقوق = متأصلات بالاصول العريقه
حقوق كتبها الله على كل مخلوق= على الولد بين الشقيق وشقيقه
ولاهي جديده علمها علم ماثوق = ماروثة عبر القرون السحيقه
واعلم ترى نومي عدو له الموق = وافكار قلبي في همومه غريقه

لاهنت ياشاعرنا الرائع علي الفريد
قصيدة جزله لشاعر جزل اعتدنا منه الابداع
شكرا لك على هذه الاضافة
قصائد الشعراء المشاركين بالمجالس
تكون في مجلس الشعر الخاص استاذنك اخي بنقلها هناك
دمت بخير وعافية

مشكور..وصح لسانك

علي الفريدي

قصيدة رائعه وفعلاً معناها فيها ....
وليس هذا بمستغرب ، اليس يقال المعنى في بطن الشاعر ....
اشكرك على مكامن الابداع وقوة المعاني ..
لاهنت
..................