11-04-09, 10:36 PM
|
المشاركة رقم: 1 |
| المعلومات | | الكاتب: | | | اللقب: | شــــــــــــاعـــــــــر
| | الرتبة: | | | الصورة الرمزية | | | | البيانات | | التسجيل: | Mar 2009 | | العضوية: | 2013 | | الاقامة: | الرياض | | الجنس: | ذكر | | المواضيع: | 73 | | الردود: | 691 | | جميع المشاركات: | 764 [+] | | بمعدل : | 0.14 يوميا | | تلقى » 3 اعجاب | | اخر زياره : | [+] | | معدل التقييم: | | | نقاط التقييم: | 50 |
| الإتصالات | | الحالة: | | | وسائل الإتصال: | |
| المنتدى :
مجلس الشعر الخاص  اولاد راشد ملحقين المخلين . مناحي العوفي
هذه القصيده لشاعر المبدع/ مناحي العوفي يثني على الاخ/ على عبيد الفريدي ويشكره على مواقفه الطيبه
الشخص يابو عبيد يذخر لثنتين=راي رشيد وقفة عند شده
وانته وانا متقاسمين المسمين=زحول نجد ان جاوز العلم حده
بيض الوجيه معدلين الموازين=والرجل منهاجه على نهج جده
وانته من سلالت ربوع مسمين =اللي لهم بالمجد قامه وشده
اعيال راشد ملحقين المخلين=وحزام من وقفت لياليه ضده
تاريخهم له بالمعالي عناوين=ياكثر من تتعب ولا تنال قده
خلد سطورة في سجل السلاطين=وذع ذع على كل الثقالين نده
وشرواك يفزع به على العسر واللين=وحر ينومس من صقر به وهده
وعز الرفيق ومكسب اللي موالين=وسيف نهار الضيق يضرب بحده
اقوالها والناس بالفعل دارين=ومن بان فعله كل حي يعده
ولا اطيع بالطيب كلام المغلين=لو ان مابيني وبينه موده
وشلون وانت اقرب من الرمش للعين=وعروق اهلنا من بحر مستمده
فيك افتخر لاهنت مبطي هالحين=ولاعمسن الابصار ماعنك صده
واللي يبي يزعل يصك القشيعين=وإلا بعد يارد على بحر جده
مايمدح الا اللي على الطيب ضارين=واللي لزومك لا نصيته يسده
وإلا قصير الباع مع بارد العين=عن فزعته كبرت لي المخده
----
مجارات سعد هذيل لمناحي العوفي :
نيابة عن ابن عبيد يامرحبا الفين=ترحيبة(ن) تظفي على نجد قده
هلا تراحيب المطر عقب حولين=بطيب الكلام اللي نصانا مشده
حييت يالعوفي راع المنطق الزين=يامرسل التمجيد اسمع مرده
رد الثنا يبقى لكم عندنا دين=وزند اليمين ام الشحم لك نمده
ياترثت العوفان نعمين نعمين=في لا بتك يالذرب هده ورده
سقم المعادي بالملا قاظر يرين=ومجوز العزبان يكفي نعده
عوق الخصيم ليا تعالى على الشين=يشهد لها التاريخ ورسوم خده
اهل الحمية لنتخو بالميادين=لنا الفخر في طيبهم نستمده
حبل الروابط بيننا الأصل والدين=والساس واحد والصحيح لمرده
الطيب والمعروف عند الوفيين=يبقى رصيدي والليالي تعده
وعلي وريث العود نسل الميامين=ومعرب الجدين من ساس بده
من روس ربع(ن) للمراجل حريصين=قادة سلف يوم انها بالاشده
لا لاحت الفرصة تعزوو بالادنين=قرناس بالنوماس يعرف مهده
ماهي غريبه فزعته لجل عودين=ياخذ بها معروف واجر(ن) يسده
من عند ربه خالق العبد من طين=يرجى جزاها يوم حصد المكده
وانته ولد عمه ليا قيل من وين=ليا عدت الأنساب ثم قيل وده
خذ الكلام اللي عليه البراهين=واقبل تحياتي مع الورد مده
التعديل الأخير تم بواسطة منصور الوسوس ; 12-04-09 الساعة 09:38 PM
سبب آخر: أخطاء إملائية
|
| |
العرض العادي
