09-04-09, 03:02 PM
|
المشاركة رقم: 1 |
| المعلومات | | الكاتب: | | | اللقب: |
رئيس مجلس الإدارة
| | الرتبة: | | | الصورة الرمزية | | | | البيانات | | التسجيل: | Apr 2007 | | العضوية: | 144 | | الجنس: | ذكر | | المواضيع: | 1120 | | الردود: | 8348 | | جميع المشاركات: | 9,468 [+] | | بمعدل : | 1.52 يوميا | | تلقى » 15 اعجاب | | اخر زياره : | [+] | | معدل التقييم: | | | نقاط التقييم: | 1942 |
| الإتصالات | | الحالة: | | | وسائل الإتصال: | |
| المنتدى :
مجلس المحاورات والمساجلات الشعرية  مساجلة بين الشاعرين علي الفريد ومرزوق الحثل
يقول الشاعر علي الفريد ابو خالد
مسندا على الشاعر مرزوق الحثل
القصيد يقال عند مناسباته = والعلوم تجاب في لحظة طلبها
والرجل يسعد ويشقى في حياته =والمشاكل كل عاقل يجتنبها
والرجل ينبيك هرجه عن صفاته = والحقيقه تقنع اللي ماطلبها
ما نحسّب للكلام وشايعاته = والمحابل شرّها للي نصبها
من تعرض سيرنا نلجم لهاته = ومن يشب النار نرميه بلهبها
ندرس اوضاع الرجل ومواصفاته = نقتدي في سيرته والا نعقبها
ياوسيع المعرفه ماجبت هاته = ماتجيب الاالجزيله مار جبها
عندك النطق الجزيل وطيباته = والمعاني ماتجيب الاذهبها
الاسم مرزوق مرزوق بذاته = من فعول طيبات ومن أدبها
وبعدها مبشر والبشرى من سماته = يشتري كل النوادر من جلبها
ياسديد الراي ودي بالتفاته = للعلوم اللي تسلي من قضبها
جدد الموضوع واهمل سابقاته = كل نار طافيه غيّب حطبها
لوبنات افكار مخي حاضراته = من سنين ماضيه كان انتدبها
لكن الموقع عليه مخلفاته = اثرهن راحن مع اللي راح لابها
قمت احس الوضع ولملم شتاته = والوعور اللي تتعب ما ارتكبها
يالفهيم اللي على الحكمه ثباته = لاتحاسب من حساباته حسبها
العمى متجود في راس شاته = مالنا بالطاوله واللي قلبها
والثمر مازال باق في نباته = ونخلة مستور ما حرّك رطبها
جاك علمي ونت تفهم خافياته = تفهم القصه وتفهم وشسببها
وهنا رد الشاعر مرزوق الحثل
ياسلام الله عليكم وبركاته = كلمة تضفي على السامع هدبها
مختصرها والكلام وموجزاته = وكل كلمه حسب فهم اللي كتبها
وابو خالد يوم عبر عن جراته = ومن وفاه لسيرة الماضي طلبها
وارداته حطهن مع صادراته = باختياره جمع العقل وقصبها
يوم حسب عاد طبع مذكراته = وعمّر الفله وقال اختر كنبها
بالبيوت اللي بها صاغ كلماته = ماص مفراص البيوت اليا كتبها
القلم ترعف من افكاره دواته = والمعاني لوتمادى ماسلبها
ولاتكل من الجزال محاولاته = وخبرته وافكار عقله ماحجبها
لاصدقاه بعملته ومعاملاته = سيرة اللي لاتركها ولاكربها
والصراحه والثقه من راسياته = والحماقه لوركبها ماشعبها
ساقها سوق المعيد بمبهماته= ساقها مادري مع المنحى سحبها
صاغها بمخططه ومعادلاته = وقال جبها ونت واحد من جنبها
وعتبرها معجزه من معجزاته = كيف يذبحها ولايقطع عصبها
والنعت توضيح علم ومفرداته= والعمى بيت القصيده ياحدبها
وبو خالد بالرموز مساجلاته = يعطي الاعراب من لهجة عربها
والخبر تحت الثرى دفنت نواته= وشافها مدري سمع لكن نكبها
واحد شال الذبيحه في عباته = راسها مخفيه ومبين ذنبها
|
| |
العرض العادي
