07-04-09, 08:07 PM
|
المشاركة رقم: 1 |
| المعلومات | | الكاتب: | | | اللقب: | شــــــــــــاعـــــــــر
| | الرتبة: | | | البيانات | | التسجيل: | Apr 2009 | | العضوية: | 2059 | | الاقامة: | بريدة | | الجنس: | ذكر | | المواضيع: | 15 | | الردود: | 29 | | جميع المشاركات: | 44 [+] | | بمعدل : | 0.01 يوميا | | تلقى » 2 اعجاب | | اخر زياره : | [+] | | معدل التقييم: | | | نقاط التقييم: | 50 |
| الإتصالات | | الحالة: | | | وسائل الإتصال: | |
| المنتدى :
مجلس الشعر الخاص  أربع سنين
يدفعني الدافع واناقبل مدفوع =لين اطرق الطاروق طرق الحديدي
من هاجسٍ يلعب بقلبي له اسبوع =يومي بي اوماي الهوى بالجريدي
لوان قلبي ماشبكن دونه اضلوع =مخطور لا يطلع سوات الطريدي
للحب في قلبي مكامين ورموع =يجبرني اكتب فيه شيٍ جديدي
عديت بالمرقاب والقلب ممزوع =مزع الحمول المثقله للجويدي
في مرقبٍ لا اسمع ولاني بمسموع =لعل قلبي يستريح ويهيدي
وحولت من عاليه ضايق ومفجوع =تنقّض الجرح القديم التليدي
الصاحب اللي لاعني بالهوا لوع =اربع سنين وحبل وصله مسيدي
يطري عليه في حلا النوم وافوع =ويشب نارن بالضماير وقيدي
كنه وقيد النارو النود لافوع =لالافها الغربي بعود الحصيدي
عليه اجاوب نايح الورق بسجوع =ولياطرى ذبيت فج وحيدي
حبه بقلبي له منابت وطالوع =لاحت نبت العام طلعه يزيدي
غصنن نما ثم طال واصبح له فروع =مغروس في قلبي وعرقه وتيدي
بنيت في لاماه تسعين مشروع =لكن ربي يفعل اللي يريدي
اقفتبه الايام غصبن بلاطوع =وحكم القدر من عند رب العبيدي
عجزت لاانسى زاهي الدل وطبوع =وعلى انتباهه مثل ذور الفريدي
عنق المهاه ونابي الردف متلوع =وعين اشقرن طالع وطلعه وكيدي
اخذت من حب الغضي وقم قرطوع =وحل الفراق ومامضى مايعيدي
واصبح علي ابعد من الحب للكوع =وان مت في حبه تراني شهيدي
اخوكم الشاعر / حامد عبيدالله بن ردمان الفريدي
التعديل الأخير تم بواسطة منصور الوسوس ; 07-04-09 الساعة 10:11 PM
سبب آخر: للتنسيق
|
| |
العرض العادي
