30-03-09, 05:14 PM
|
المشاركة رقم: 1 |
| المعلومات | | الكاتب: | | | اللقب: | شــــــــــــاعـــــــــر
| | الرتبة: | | | البيانات | | التسجيل: | Mar 2009 | | العضوية: | 2033 | | الجنس: | ذكر | | المواضيع: | 79 | | الردود: | 244 | | جميع المشاركات: | 323 [+] | | بمعدل : | 0.06 يوميا | | اخر زياره : | [+] | | معدل التقييم: | | | نقاط التقييم: | 50 |
| الإتصالات | | الحالة: | | | وسائل الإتصال: | |
| المنتدى :
مجلس الشعر الخاص الـوكــالـه
نويت اتكلم ضمن غيري وانا مسبوق = على كل باب وكل الابواب مطروقه
فلاكن كل له طريقه وله طاروق = وكل له اسلوبه ورايه وطاروقه
يعيب الرجل ويطيب بالنطق والمنطوق= علامات عقل الرجل لفظه ومنطوقه
فهيم الرجال لياتكلم كلامه ذوق = يشدّ العقل لمتابعه شد ويشوقه
تقل يقطف المنطوق من ذروة الزملوق = كلامه مثل طيب على السامع يسوقه
اذانه تكلم روض وليا سكت صندوق = له المستمع يطرب ويرتاح لطروقه
كلام طري لاهو بني ولامحروق = سحاب بلا عاصوف تلاعج بروقه
ولكن بعض الناس في هرجته مطفوق = يفند حقوق الناس ويضيع حقوقه
واعرف ان بعض الناس في لفظه المسروق = كثير التبجح والاساليب مسروقه
لصوص الكلام وكذبة العشق والمعشوق= سخيف الكلام قليل الملح واللوقه
ترى الشعر فن ويعتبر للرجال اسبوق = ليا قاله اللي جاهل به ضعف سوقه
جزال المعاني النادره والثمين يروق = لراع الثمين وكلمة الحق معشوقه
انا عارف اني في كلامي كسرت الطوق = فلا شك هذا واقع العلم وعموقه
ولالي دخل والخالق يدبر المخلوق = تبين الحقايق والمعايير ملحوقه
ونازه ارجال المعرفه وعتبرههم فوق = بعيد عن الزلات والكذب والبوقه
لهم كامل التقدير والعذر به مرفوق = مكانة ارجال العرف بالنفس مرموقه
وانا اذا سمحتوا فانامرشح مرزوق = عن اللي حضر من حرب يهدي على ذوقه
مادامه كريم وتاجرمن تجار السوق = يده مطلقه لكن يد الله من فوقه
ـــــــــــــــــــــــــ ـــــــــــــــــــــــــ ــــــ
دعينا الى حفل و انا ومرزوق مبشر وزامل علي ونايف الجربوع ضمن عالم من الشعرا
واعديت هذه الابيات لما ابلغت ان المطلوب غزل ومدح ومرزوق شاعر وله القدره على
المطلوب فكانت هذه المشاركة
التعديل الأخير تم بواسطة منصور الوسوس ; 31-03-09 الساعة 02:18 PM
سبب آخر: اخطاء املائية بسيطه
|
| |
رد: الـوكــالـه 
العرض العادي
