.*.*سلطان الهاجري.*.*.* ورد.*.* حبيب العازمي .*.*جديد

اولا : قصيدة الشاعر سلطان الهاجري

نسبة الشك ما تلحق مـداك ومـداي=يا بعيد النظـر خلـك بعيـد النظـر
عظم الله عـزاك وعظـم الله عـزاي=في زميل القصيد وفي زميـل العمـر
مير أبعطيك راي وبستمع منـك راي=بعد اخذنا من الدنيـا دروس وعبـر
كل قصدي بهالدنيـا وغايـة منـاي=في بدايـة عمـر والا نهايـة عمـر
اشعر اني كسبت ارضى جميع ازملاي=وارجو ان المواصـل بيننـا يستمـر
واحتفظ في غلا اصحابي وتحفظ غلاي=ولي وقار وقدر ولهـم وقـار وقـدر
كم صديق رحل منا ولا هـو بجـاي=غيبتـه المنيـة والقضـا والـقـدر
وأتمنى مـن أصحابـي تلبـي نـداي=ولك سلامي يا بو فيصل وكل الشكـر

ثانيا : رد حبيب العازمي على القصيدة

يا حميد السجايا ليش تبحث خفـاي=وانته اللي عن الاحوال عندك خبـر
واعلم أني عن الزلات اقصر خطاي=واحتفظ بالمودة لو ادوس الخطـر
نظرتـي للأمـام ولا اتلفـت وراي=وكم تجي زلة وارمي بها في بحـر
والله اني حزين ومن عناي وشقاي=احضر اغياب اخويه بعد موته حضر
ايه اخويه ولو ما صدقوها عـداي=عشرة العمر أخير من الذهب والدرر
مير يا بو محمد وانت قمة رجـاي=دام شرواك حي الي الفخر وافتخـر
نية الخير ارضي والمـروة سمـاي=واقتدي بالنجوم اليا بـدت والقمـر
أنت راس المروة وانت اعز اصدقاي=وانت سلطان بن وسام بالمختصـر

مشكور اخوي سلمت يمينك

شكرا لك اخي ناصر
وصح لسان الشاعرين قصائد غاية في الروعة
دمتم بخير وعافية

رائعة رائعة رائعة هذه المساجله الجميله بين عملاقين من عمالقة شعر المحاوره وهما
هنا يثبتان انهما من سادة الشعر ايضاً ....
وهنا الاشارة واضحة انهما يشيران ايضاً الى وفاة فقيد الوطن وشعر المحاورة الشاعر الخلوق
فيصل الرياحي (ابو بدر) رحمه الله وهو رفيق دربهما ...........

اخي ناصر
اشكرك على هذا الاختيار الموفق والدال على ذائقة صاحبه وجمالها
لاهنت
...............