%%% جـــــــزيـــــــل المـــــعـــــاني %%%

مع التحيه والاحترام للأخ / خلف بن محمد بن عتاق الفريد

تقديراً لجهوده وأعجاب بشعره الذي يلامـس الوجدان كأنه يوايق في قلبي

أتمنى ان تنال أعجاب الجميع

نظمنٍ قريته وأعجبتني معانيه = من واحد(ن) لاقال جزل المعاني
أجمل درر الشعر مكتوبةٍٍ(ن) فيه = ماقال هذا البيت صعب وعصاني
أخذ دروسه من زمانٍ معانيه = خلف من الأيام واضح معاني
ودرب الهوى ياصاح معلن تحديه = بعيد منوالٍ(ن) قريب الأماني
مثل السراب اللي يهيضك صافيه = يبعد الا قربت صوب المكاني
وكم واحد(ن)بيح كنينه وخافيه = لوكان سرُه ماعرفه شخص ثاني
الله يجيرك من توالي بلاويه = عزيز قوم ولارضيت الهواني
واللي تمنيته عسى الله يهييه = وزودٍ(ن) على الفرحه تجيك التهاني
عظم العرب !! ماعاد فيها مشاريه = تلقى الوناسه والدلع والحناني
والحب ياذيبان ماعاد تطريه = خله لابن عجاب مثلي يعاني
وإلا الهوى ياكثر ناس تعانيه = قبل الوتر جروا سبيب الحصاني
وللمندفع في حبهن قلت ياهيه = قبلك ترا حب العذارى كواني
ومن لامنا بالحب يبلى بغاليه = أربع مصايب كلهن في ثواني
وختامها بأجمل تحية نحييه = ومعطره بالمسك والزعفراني

الشـــا عــر / علي محمد بن جـــضـــعــــان

بن جضعان
هلا هلا ومرحبا
تغيب وتجيب الجزل
لكن ابو عبد العزيز عارفن
قصتى كلها من الالف الى الياء
مايحتاج اتذكره بشىء بس ابا أقول
شىء القصيده جزله من شاعرن جزل
اكررها من كثر إعجابى بها والله ماهو مجامله
تقبل مرورى وإعجابى
تحياتي لك
كما تحياتي للجميع
اخوك غازى أبو زوايــــــــــــــد

الله يرحم واحد قام يدعيه= بآخر هزيع الليل قبل الآذاني
يدعيك بأسماك العظيمة تنجيه = وتلطف بضعفه ياجزيل الحساني
في ماقفن ماله رفيق يناجيه = خايف ويرجى رحمتك بأمتناني
وخلاف ذا ياهيه ياهيه ياهيه = يابو محمد ياعريب المجاني
قلبي على مافيه كافيه مافيه = وحب الحبيب ياعضيدي كواني
لو هو جفاني حالف ماعترف فيه = عذري معي لاقفيت (صد وجفاني)
مير البلا متجود في بيديه = وأنا بعد قلبي غدا ذيهباني
لبيه ثم لبيه لبيه لبيه = هاك القبال وزول هالمودماني
وياعلي كلن فيه هم مكفيه = والموت من هم لجا بالمحاني
هم الفراق وهم قرب ومشاريه = وتناقض التفكير زود جناني
ومن لامني لعل بقعاء توازيه = جعله فقير في حياته يعاني
أرمل ويدفن كل باقي عوانيه= مقطوع من شجرة ولاله عواني
وأقبل تحيات من القلب نهديه = أزكى تحياتي وجل أمتناني

ابو عمر _ ابو فيصل


صحة ألسنتكم وماقصرتوا

جمال بديع في القصيدة والمجاراه

نشكر لكم هذا النقاء والصفاء


ودمتم بخير

ابو فيصل : تسلم شاعــر الى نظمت اجـبرت الناقد والمتذوق على الأستمتاع بشعرك الأصــيل بلاحداثه وتصوير الله يدمر لجنة شاعر المليون اخرجة الشعر عن مساره الى دهاليس غريبه



سجل اعجابي بشعرك ومحبتي الشخصيه لشخصك الكريم




و لك مني عبر هذا المنتدي الشامخ تحيه خالصه مع حبة خشـــم لاتحرمنامن جديدك نبي من الدفتر القديم الى بالشنطه الحديــــد

وشكراً شكراً شكراً وممنون لك على المجــاره التي أعجبتني كثيراً ابو فيصل بنتظار عظم العرب!!! نبي نشوف مجاراته دائماً تعجبني كثيراً

والحب ياذيبـان ماعـاد تطريـه
خله لابن عجـاب مثلـي يعانـي

هداك الله
وش دخل ذيبان ، ماله بهذه الامور << ورطتك

عزيزي
الحب مايشيب وكذلك القلب الخضر ، والدليل انا و وانت راحت اعمارنا ، وعقولنا ياطير ياللي ههههه
انت نسيت بصري وحجته !!!!!!!
وشف ابو فيصل على الريموت ، هواوي الماخوذ ::::::::::::::::::::

ابو عمر
ابيات جميله كجمال طلتك وخفيفة كخفة ظلك ، لو انك سحّبت فينا شوي ، اولها ذبت فيه
وآخرها ضعت فيه ... الحب لاعاد تطريه >> تهديد والا .................
كما اشكرك على ثقتك باخيك وثناءك عليه لاهنت
ومع هذا شغلك عندي
حفظك الباري
..................

	حييت ياشيخ الغَزَل يا -محلّيه=كم نابضٍ تشقيه ..خلْف المحاني مدْحك وتقديرك على الراس ..يابيه=ارويتنا ..غيثك حروف ومعاني تعطي وفاء..مدري متى فيك نوفيه=هذا مداد القلب ..خطّه بناني ويامرحبا يامعطّر الحرف ..محييه=ويازارع البسمه ..بصدر الغواني هو ليه تشكي لي سبب علتك ليه=وتشرح ظروفك ..يالله المستعاني وتسند لبو فيصل ..وما فيه مكفيه=عبد المعين اليوم ..حقّه يعاني يابو عمر هو فاقد الشي..يعطيه؟=في حاجة الاحسان ..عطف وحناني وانا حبيبي ماتمنّيت .. طاريه=ولو حالت ظروفي ولاجيت ..جاني ولا هو سرابٍ يطرده..عاشق التيه=حبٍ حقيقيٍّ ..بسر وعلاني على وفاقْ ... وعهدنا مانخليه=ولا اشكي جفاه ..وصاحبي ما جفاني تعلموا منا الغرام ..ومعانيه=درسٍ بلاش وفيه ..حب وتفاني ويابو عمر انته وغازي اوصيه=تكاتفوا ..عودك وعوده لياني

....................

المشاركة الأصلية كتبت بواسطة مقبل بن نمران

ابو عمر _ ابو فيصل


صحة ألسنتكم وماقصرتوا

جمال بديع في القصيدة والمجاراه

نشكر لكم هذا النقاء والصفاء


ودمتم بخير

مرورك وسام الف شكر اباياسر لاتحرمنا

من ردك ان امكن

ابو عمر ::: ابو فيصل
ابيات راقية فعلا
صحت السنتكم ودامت ايامكم على هذه الابيات الجميلة

المشاركة الأصلية كتبت بواسطة خلف الفريد

هداك الله
وش دخل ذيبان ، ماله بهذه الامور << ورطتك

عزيزي
الحب مايشيب وكذلك القلب الخضر ، والدليل انا و وانت راحت اعمارنا ، وعقولنا ياطير ياللي ههههه
انت نسيت بصري وحجته !!!!!!!
وشف ابو فيصل على الريموت ، هواوي الماخوذ ::::::::::::::::::::

ابو عمر
ابيات جميله كجمال طلتك وخفيفة كخفة ظلك ، لو انك سحّبت فينا شوي ، اولها ذبت فيه
وآخرها ضعت فيه ... الحب لاعاد تطريه >> تهديد والا .................
كما اشكرك على ثقتك باخيك وثناءك عليه لاهنت
ومع هذا شغلك عندي
حفظك الباري
..................

اقول ابي اشوف محجوز خل عنك التحليل الفريد شف ابافيصل خلال نصف ساعه ورده منور الشاشه

صار شاعرمحاوره الله يستر عليه والله ان ماشفنا ردك ان !!!!؟؟ انا وابن عجاب

بالانتظار

المشاركة الأصلية كتبت بواسطة خلف الفريد

هداك الله
وش دخل ذيبان ، ماله بهذه الامور << ورطتك

عزيزي
الحب مايشيب وكذلك القلب الخضر ، والدليل انا و وانت راحت اعمارنا ، وعقولنا ياطير ياللي ههههه
انت نسيت بصري وحجته !!!!!!!
وشف ابو فيصل على الريموت ، هواوي الماخوذ ::::::::::::::::::::

ابو عمر
ابيات جميله كجمال طلتك وخفيفة كخفة ظلك ، لو انك سحّبت فينا شوي ، اولها ذبت فيه
وآخرها ضعت فيه ... الحب لاعاد تطريه >> تهديد والا .................
كما اشكرك على ثقتك باخيك وثناءك عليه لاهنت
ومع هذا شغلك عندي
حفظك الباري
..................



....................

ابوفيصل : وش رايك اترك التعليق لك !!!! ويابو عمر انته وغازي اوصيه=تكاتفوا ..عودك وعوده لياني


انت أكثر شخص يعرف يعرف أسراره هههههههههه

صح السانك ابوعمر والسان ابوفيصل
ابيات جميله درر

صح بدنك نيابه عنهم شكرا على المرور