بين أخوين

اخي وصديقي المهندس / فايز بن صنهات بن ذاعر الفريدي من خيرة شباب
القبيله علماً وثقافةً ، وصاحب فزعه وحموه وتواصل ....
وبعد انقطاعي عنه فتره بسيطه لظروف خاصه بعث لي هذه الابيات :

ابطيت عن ربع المروات والجود=الطيبين اهل الوفاء والكرامه
عز الرفيق اللي للاضداد بارود=منهم رجالٍ ينطحون الجهامه
واخص كساب الثناء راعي الفود=اللي تعلّى فوق راس الغمامه
سلام حالي ينثر المسك والعود=ينصا الرفيق اللي فقدنا سلامه
مافيك ياليث الرجاجيل منقود=الا السماحه والندى والشهامه
ومادام راسك تلفحه هبة النود=فالحمد للي عمّني باحترامه

-------------------
وهذا ردي ..........

الصاحب اللي بالوفاء ماله حدود=مثل البحر هيبه وعمق وضخامه
يرقا سنود ودايمٍ يطلب الزود=واليا استوى يختار ذروة سنامه
به من مفاخر عزوته *جدّه العود*=وبه من صلابة ..حاملين العتامه
هلا هلا بك عد ماترعد رعود=وما لاحت بروق الحيا بالغمامه
يامسندي قدرك بالاعماق موجود=وبالقلب عنوانه "كبيرٍ مقامه"
دايم يابن صنهات وافي ومحمود=ومبادر الطولات ..تمسك زمامه

********
وسلامتكم

صح لسان من قالها

و لا هنت

المشاركة الأصلية كتبت بواسطة فهد بن مبارك

صح لسان من قالها

و لا هنت

صح بدنك يافهد بن مبارك

أخي ابو عبدالعزيز

صح اللسانك يا راعي الوفاء

وصح اللسان المهندس ابن صنهات

الله يديم المحبه بينكم


تقبل تحيات أخوك

أخوي خلف

صح لسانك

( يا راعي الوفاء)

الوفاء من أهل الوفاء ليس بمستغرب ....

وصح لسان المهندس :فايز

الله يديم المحبة بين أحبابه . . .

ابو عبد العزيز تسلم على النقل أثريت القسم عساك في الوجود

صح السان الشاعر فايزبن صنهات وصح السان الفريد

وانت ياخلف الفريد رمز الوفاء والنخوه وكل

الطيبين ينفقدون

عسانا مانفقدك ما أجمل من القصيده ألا ردها

هذا التواصل بينكم والسؤال عن أحوال بعضكم

دليل على الأخوه الصادقه والمتينه

لكم مني التحيه والاحترام

صح لسانك ابو عبدالعزيز واعتقد أن المهندس فايز لم ينسبها لنفسه كما فهم البعض



نازف الحرف

أخوي خلف أطلع على الرابط التالي لاهنت

في موقع الرحلات حيث وردت القصيدة منسوبة لرجل آخر

اخي الحبيب ابن دليله
صح بدنك ياصاحب النخوه والمروه
وبوجود امثالك تستمر المحبه
اشكرك لاهنت
............

الحبيب ابو عبد الملك
مرورك وشعورك هو الوفاء والمحبه بعينه
اشكرك على هذه الكلمات القريبه من القلب
وصح بدنك لاهت
................