من ألغاز / الشاعر رشيد محمد الفريدي

يا اهل الذكاء علموني منهو السارق=اللي سرق سرقته وانتم تشوفونه
الناس عنده سوا مابينهم فارق=والمشكله كل هالعالم يهابونه
جانا من الغرب مدري من جبل طارق=واليا مشى عادته يمشي على هونه

مشكور يابو حمد على عرض هذا اللغز هنا ؛ والحل والله أعلم إنه شركات اﻹتصالات.

شكراً ابو راشد على المداخله
ولالك لوا

مشكور يابو حمد على طرح هذا اللغـــــــــــــــــــــ ــــز وش رايك ماهو القمر الصناعي (عرب سات)

حياك الله ياعاشق البر
مالك لوا

ابو حمد ماهو الانتنا حق الواير لس <<<<اما عاد لو اقولها عند الشيبان بروح فيها
وش رايك واير لس الفا الحرامي يسمونه

ابو حمد والله اني ااكد ان مافيه احد يسرقنا وحنا نشوف
غير الوقت
يعني العمر يمشي بهوينه
ويأخذ كل الحيل ويسرق
الصحة
يعني باختصار
الوقت أو العمر
مشكور ابو حمد

الشاعر نواف هلال
الرائع ابو الرجال

مالكم لواء
بس تبون الصراحه رميكم رائع جداً
خطيرين واكيد راح تحلونه شكراً لكم

ايابو حمد جبت لغزاً به ذكى خارق=صعباً ولو كل خلق الله يعرفونه
ينساه منهو بجنة دنيته غارق=الموت وشلون خلق الله ينسونه

اعتقد انه الموت يابو حمد عساه مايجيك والله يحسن خاتمتنا اذا جانا

صح لسانك يابوافي ولالك لوا