غفـــــلة الســـــــــــاقي

غفلة الساقي
:::::::::::::::::::::::::::
:::::::::::::::::::::::::::
يا مِشغل الحزن بعيـون الشقـي خلّـه=حــذرك تعـكّـر مــزاج الـدمـع بحـداقـي
عـهـدٍ عقـدتـه مـعــه لا تـرجــع تـحـلّـه=دام الشقى والمواجع وأنـت عشّاقـي
كثـر العنـا والسهـر يـا ملتهـي مـن لّـه=يوم أشتعل لـك قصايـد تحـرق أوراقـي
عـاث الحـزن واستبـاح الجـوف واحتـلّـه=لنّـك عطيتـه وعـد يستوطـن أعماقـي!
أبطيـت أنـا أجمـع غزيـر الـدمـع وَاهـلّـه=وأروي عروق ٍ تمـوت بغفلـة الساقـي
عـمـري دفعـتـه ثـمـن ياهـاجـري كـلّـه=وأنا أنتظر غيث يطفي لاهـب أشواقـي
كـم مـن طريـق ٍ يمـلّ خِطـاي ماملّـه=كم أنثنت من مشاويـر التعـب ساقـي
بغـيـت أسـافـر مـعـك للغـيـم وَاوصـلّـه=وأعلنت قبل أبتدي مشـوارك أخفاقـي
تـدري وش اللـي يـعـلّ القـلـب ويـذلّـه=لي جيت أعانق حبيب ويرفض عناقي!
رح يالـسـؤال العتـيـق لصـاحـبـك قـلّــه=قلّـه كفانـي قديـم الـجـرح وش بـاقـي

الشاعر
فايز ال بذال

صح لسان الشاعر فايز البذال
ولاهنت اخوي ابو حمد على الاضافه
تحيتي

تسلم يمناك
وصح لسان فايز
سجل اعجابي بها

حياك ابو فيصل
مرورك وسام لاهنت

وانت سالم يا ابو الرجال شكراً على المرور لاهنت