قصائد عبدالله الفيصل

اشتقت لك

اشتقت لك يا فرحة العمر وين انت=يا للي عيوني منك ينبع ضيــاها
لولاك بالغايه بدنياي .. مـا كنت=اشفق على ايامي يطول مداهــا
سرقتني مثل الكرى لي تمكنـت=من مهجةٍ مــا قبلك أحد غشاها
أشوف حسنٍ كل شئ تحـاسنت=لو به ذهاب النفس أشوفه مناهـا
ما خبر يوم في منامي تطـامنت=إلا أن بعثت الطيف لي في دجاها
أهين نفسي لك بمرضـاك لاهنت=واتبع هواك بعسرها عن هواهـا
رجلي تيامن غصب كانك تيامنت=وان خذت باليسرى تياسر اخطاها
كلٍ بعينه زين ويــــلا تبينت=كلٍ زهد في خلقته مـــا بغاها
لوفات لك تسعين بالعمر ما شنت=في عين نفسٍ علقت بك رجاهـا
آمنت بك في عـالم الحب آمنت=يا متلفٍ روح العنا يــا دواها

هذا مكاني

حبيبي الغالي تجرعت فرقاه=بالله وش خليت لي يازماني
مالي جدأ الا اتبع الاه بالآآآه=ماهيب من حلقي من اقصي المحاني
نار سرت بالدم والعظم تصلاه=عن وصفها ياناس يعجز لساني
لاعاد يوم مد لي فيه يمناه=واقفي ووقف ولد بالعين ثاني
الصاحب اللي ماتعدد مزاياه=عديم وصف وكامل ٍ بالمعاني
خليت روحي اغبر القلب تقفاه=ترعي حبيبي عن عوادي زماني
دام التراب تراب ما والله انساه=على هداه مقيم هذا مكاني

عبدالله الفيصل
__________________

مشكور ذعذاع الشمال على نقلك من روائع القصائد
لأروع الشعراء
لك جزيل الشكر

اسمح لي ابدي اعجابي بقلمك وتميزك واسلوبك الراقي وتالقك

من ذوقكم الراقي الجميل لكم مني كل الشكر

يعطيك العافيه ومشكور
على الاضافه الجميله
تحيتي

جزاك الله خير الجزاء