كل ارض تشيلك ياثقيل الحمول

كل أرض تشيلك ياثقيل الحمول=وكل وقت كريم بالرضا والزعل
وين مارحت تلقى لك حبيب وعذول=وين ماكنت تلقى مثل ياسك أمل
ياطريق الترجي والوله والنحول=والله إني مشيتك لين حد الثمل
لاتظن المسافر من يسوق الرحول=من وقف دون حلمه عاجز مارحل
وما لمخلوق منجا في الحذر والجفول= ماتصيب السهام ولا يطيش الأجل
الليالي خوات مير منهي البتول=والحوادث عشاير مير وين الفحل
اتذكر في عين الشمس طفل خجول=شالته في هدبها وقت لين اشتعل
أعجب الناس وهجه بالجدل والفضول=مادروا عن جمال الجرح لين إندمل
إن لثمت الزهور وصاحبتني الحقول=ماهقيت إن صافي الشهد عيب النحل
إن تعبنا نحب ولا لقينا قبول=ماتسر الأماني ولا يفيد العذل
مابقى في ضلوعي كود ريح معمول=وثوب شاش عليه من الندامه وحل
لكن .. الله كريم وكل هم يزول=ماعلى الله بعيد .. ولو جفاك المحل
كل أرضٍ تشيلك ياثقيل الحمول=وكل وقتٍ كريمٍ بالرضا والزعل

الامير بدر بن عبد المحسن

يعطيك العافيه

يالنمر على نقل الجزل

الامير بدر بن عبدالمحسن
لقصيده نكهه خاصه صح لسانه
ومشكور النمر على الاضافه الرائعه
تحيتي

يعافيك ربي اخي عبدالعزيز على المرور وعلى التنسيق
دمت بود

مشكور اخي ابوفيصل على المرور العطر
دمت بود