ياجرحي استأذنك بنام لي ساعـه **وارجوك دخيل الله لاتصحّيني

ياجرحي استأذنك بنام لي ساعـه
وارجوك دخيل الله لاتصحّيني

●●●

لي خمسـه ايام اعيش السّمع والطّاعـه
ولك خمسـه ايام تامرني وتنهيني

●●●

والمشكلـه جت عروق القلب فزّاعّـه
مايكفي انك سرقت النوم من عيني

●●●

اصبحت انا القاز وانت امسيت ولاّعـه
شبيتني يلعن اهلك وش يطفّيني

●●●

دكتور وممرضـه وابره وسمّاعـه
في كل ليله ولايدرون وش فيني

●●●

ياسيدي الجرح قلبي يشتكي راعـه
لا الذنب ذنبي ولا الموضوع بيديني

●●●

حبيت واخلصت واثر الحب فقّاعـه
روّح وباقي يموتني ويحييني

●●●

غيري هدر دم عشق وللاسف باعـه
غيري قتل كل حب بحد سكيّني

●●●

وانا الي اصبحت للأخطاء شمّاعـه
وادفع ثمن كل غلطه من محبيني

●●●

قبلي في العشق ناس وتشكي اوجاعـه
قالوا متاهـه وانا جيتـه برجليني

●●●

بدايته سلسلـه والنّفس طمّاعـه
اغراني ادري ولا في شي يغريني

●●●

واليوم لو قلت يااهل الحب وطباعـه
انتوا على دينكم وانا على ديني

●●●

اجبرني الجرح اعيش السّمع والطّاعـه
حتى ولو قلت له ياجرحي اعفيني

●●●

من خمسة ايام وانا في رجا ساعـه
وان جيت بنامها جرحي يصحّيني

●●●


ممـآ رآق لي

ودي

لاتفتح الجروح ولا ذكرنا
ماعلى الدنيا ضمير مستريح

سلمت يداك أخي عادل
قصيدة في قمة الروعة
الله يعطيك العافية على النقل ..

وانا الي اصبحت للأخطاء شمّاعـه
وادفع ثمن كل غلطه من محبيني

صح لسان الشاعر

وسلمت اناملك اخي المشتاق على القصيدة الرااائعة

حبيت واخلصت واثر الحب فقّاعـه
روّح وباقي يموتني ويحييني


طبعاً بقلم المبدعه ميس الريم


ونظم شاعر متمكن ليجتمع الابداع


سلم قلمك ميس الريم وصح لسان الشاعر


تحيتي

مشكوووووور والله يعطيك الف عافيه

اشكركم على تواجدكم
وتفاعلكم المشرف والغالي