ناديت ماوحيتني يامجلس الشورى

قصيدة الشاعر / سلطان الهاجري

واترككم مع القصيدة وهي تعبر عن مابداخلها :

صوت المواطن ليا عبر عن شعورة=صرخة ندى ياولاة أمر المسلميني
أما برى الجرح ولا مــــات دكتورة=الحـل بيدينكم مــاهوب بـيدـــــيني
مواطن لانشدك احد عن امـــورة =وش يعني صفر مكعب بين قوسيني
بلادي اغنى بلد والشرع دستورة=وغلاه يجري في دمي وشرايـيـــنــي
احيان اسج القدم والحال مستورة =واحيان ماغير اســد الدين بالديني
ناديت ماوحيتني يامجلس الشورة=والله مدري متى عادك بتوحينـي
واءعضاءك لو تعتذر ماهيب معذورة=تلفيق الاعذار يزعلني مايرضيني
ناس تجامل وهي ماهيب مجــبــورة=حتى ابتساماتها ماغير روتــيــني
والشعر له دور والشاعر هذا دورة=أوضاع شعب الوطن لاشك تعنيني
ومسابقات الشعر ومتابع الكــــورة=اهم منها معاناة الملاااااااايينـــــــي
*رغم اني اشجع الازرق وجمهورة=هلالي بحت من أول وذلـــحينـــــي*
لكن مايطلع الرجال عـن طورة=الا خطـا يفطر كـبود البعارينـــــي
واليا متى خطر الاجواد مكســورة=وانا كذا كسرة الخطر تبكيــــنــــي
هذي رسالة بعض شعبك ياخو نورة=كل يقول تكفى لاتخليــــنـــــــي
هذي هي اوضاعهم بالشكل والصورة=وانت مغيث الفقارى والمساكيني

***

صح السان اشاعر
ومشكووووووووووور على حسن الأختيار

شاكر لك مرورك الكريم

هذي رسالة بعض شعبك ياخو نورة كـل يـقـول تكـفـى لاتخليـنـي
هذي هي اوضاعهم بالشكل والصورة وانت مغيث الفقـارى والمساكينـي

قصيدة رائعه وجميله ... أشكرك قرناس على الاختيار الموفق ....

الملثمه

مشكوره على المرور