لغز عن عجوز محقا

بعد ما فكرت في بعض الوقائع = والبلاد العامره واللي هدمها
السؤال اللي حوابه صار ضايع = عن عجوز ماكره قاسي لحمها
عاهره متمكنه سودا صنايع = ظالمه حتى مع اللي ماظلمها
كل شي تفسده والكل طايع = وكل مسلم به وفا مايحترمها
تضعف الاسلام وتغش البضايع = والمكان يفسده ريحة نسمها
في عملها خلت الشبعان جايع = والمشاكل والمصايب من صنمها
شينة الافعال مع شين الطبايع = والمكاسب والفوايد في عدمها

المجالس عامره والجو رائع=عامره بالطيب في عالي قممها
والمعاني بين شراي ن وبائع=ذا يحضّرها وهذا يستلمها
كل واحد وده ايجيب القلائع=كل نشمي صفحته يرفع سهمها
وانت يابو زيد لاسقت الروائع=تتعب الشعار لو تشحذ قلمها
والعجوز اللي لها فعول فضائع=عضة الافغان في نيبان فمها
مسلمين ماوراهم من طمائع=عالم بجبالها ترعى غنمها
جربوا فيهم جديدات الصنائع=لين خلوا دارهم ياقف عسمها
والجرايم مستمرة والودائع=تستحبها من البنوك وتلتهمها

الجواب


اميركة قبها الله وهد اركانها

السلام
الحل
هو

ايران

ياسلام عليك يابو زياد ابدعت ابدعت ياعبدالله وسيشهد لي القراء
والابداع في القصيده اما الحل فهو واضح تشكر ومادام هذا علمك
اتحف مجالسنا بشعرك

صح السانك يا الفريد على اللغز رائع

وصح السان ابو زياد المبدع




تحياتي للجميع

مشكور علي بن زيد على اللغز المليان وبيوته الجميلة

والشكر موصول لشاعر ابو زياد على الرد الحل والشعر الرائع

و كما تفضلت نطالب ابو زياد بإتحافنا بما لديه من الشعر والمعاني الجميلة