|
ابوضوايه وصل بسم الله الرحمن الرحيم ~*¤ô§ô¤*~*¤ô§ô¤*~ابو ضوايه~*¤ô§ô¤*~*¤ô§ô¤*~ السلام عليكم ورحمة الله وبركاته أعرفكم بنفسي يا لفرده أنا وانا عني بنيخي بناخيكم ( ابو ضوايه )فريدي وابن حمولة طيبه منكم وفيكم ولا بي زود عنكم ولا ذودي اكثر من ذودكم المهم ابي اسولف عليكم قصتي مع مجالس الفردة واشلون دريت عنها ؟ كنت راجع من شغيل لي باطراف الديره ويوم وصلت البيت ولانا حراوي العشاء دخلت وسلمت على العيال وعجوزهم وتوضيت ونحرت لم المسجد اباصلي العشا ... صليت مع الربع وسلمت عليهم .. وتيسرت لبيتي ادور ارزاق الله ثم عشا ام العيال .. يوم دخلت البيت... الا وم ضواية تحراني ومزهبةً القهوة والقدوع .. وهاك الطشت جنبها مراتسيته على هاك الجريكل !!!؟ ولا العجيز مسفهله وياهلا ويامرحبا ويالله حيو ابن عمي ( تسنها سورية بسم الله عليها ) .. شوي وتقول تأبرني !! المهم وخذ عندك من لاتعبت ولا ندمت واسفرت وانورت (قايلكم طاقها الليله عرق شامي شوي وتقولي يا ابو انور).. بسم الله علي انا ولا علي اززدا.. المراد وتصب لي هاك الفنجال وتناولنياه وهي ترحب وتهلي.. ( مدري وش سالفتها الليله ) ترحيبها تسثير ... اكيد وراها بلى خبري بها ماتهرول عبث... (شويطينه) وتستدني طشتها !!!؟ وتسحب الجركل!!!؟ وتصب منه بالطشت... وتصوت للبنت :- ياضوايه هاتي (ساسا) ساسا؟؟؟ منهو ساسا لاتكون والدةً عقب العجوز !!؟ وتبي تروش الورع عندي؟؟ لالا المره قاعدةً لها سنين ضليمتها شينه. أجل وش السالفة ومنهو ساسا سأسأت عين العدو.. لا لا يمكن يمكن.. تبي تغسل خلاقينها!!! ( تسنها مشتهية تغسل عندي ) انا ابو ضوايه ابوها ... مابقي الا هذي!!!؟ المراد... وتسحب الطشت عند رجلي... وترفعها وتحطها بطشت اللي لاصقتن به ريحت (التايد )و (الجوفيل) <<< كلوركس اول ماطلع الا والبنيه معها هاك العليبه الصغيره اثره ملح .. ليت ماتبي تسوي بي بلا ولا ناوية تثور به .. ماتجي يالربع ملح وطشت ... العلم .. وتكب منه وتفرك رجيلاتي وهاتك يالسوالف الزينه والعلوم الخاثره .. وانا قعدت افتسر ومسوي نفسي منشغل عنها ( ياذاك ان الوضع عادي... مادام ان الجو هادي... يمكن اتعبها بعادي .... ولا انا مابي جديد.!!!؟ قمت افتسر واتصبر .... وبالعجوز انا اتفكر .... ياترى شالي تغير .... ولا انا مابي جديد...!!!؟ وصارة الرفلا تحلس ... وبزبدة ارخال تملس.... ولا انا بوكي مفلس ... يعني مافيني جديد!!!؟) المراد يالربع.. قرصني قلبي منها وتسني فهمت السالفة ... وانا الكزها برجلي على ركبتها ولا ها منقلبةً على عصيعصها ... قلت :- قومي يامل القامه تقمتس اغرفي عشاتس ... سرى الليل ..وانتي مشتدتن برجلي وانا جاين من طرقه وتعبان ودي ارقد بدري <<<<< بدينا بذهانه قامت الماخوذه تجرجر وهي تونون وتقرمض مدري وش تقول . تعشيت واللي علي بالخير .. واستدنيت الرادو ابي اتوحى للاخبار على لندن .. يوم شغلته ولا تقل احد الورعان لاعبً الموجه فارها عن لندن وانا يالله اظهرها لياضيعتها... كان ماهو يدور على اهل الكورة؟؟؟ مدري حظي بري ماني راعي تهمه. تقل بغيت ازعل وقوم عليهم هم ومهم ... إلا وانا اسمع صوت هاك الرجال تسني اعرفه الا هو الا ماهو هو ،هه الا الا تسنه صوت رحمة غنام ابن متلع !!! وشلون ؟؟؟ المراد ارخيت اذني وقعت اتسمع لرجال الا وهو يقول ((هنا مجالس الفرده)) معكم عبدالله ابن غنام الفريدي من مجالس الفرده وبمعيته كل من السيد/حويان ابن مرزوق الراشدي والاستاذ /زيد ابن متعب ابن حماد (دخلنا بالومراء) والنقيب / منصور الوسوس (دخلنا بالضباط) يالله علم خير والمصرفي / منصور الطهيمي (طبحنا باهل البل ) واخيرا وليس اخراً الوالد // احمد العود (راعي الطيب / القلب الطيب) ابكم العلم وشو ..؟؟ ابكم الربع علامهم ..؟؟ وش قصة الفرده الليلة ..؟؟ وانا اتوحى لهم وتوحى لهم وتوحى لهم لين اخلصم ولا العلوم اللي توسع الصدر .. واللي ماهي غريبةً عليهم ولا على اهلهم وربعهم .. ولا الحيا والذكر الطيب والمجلس اللي يطرب والعلوم اللي ترفع الراس .. ولاهم يحتسون بكلام لشيخ من شيوخ الفرده زيد ابن حماد ماغيره ويثنون على كلامه وتوجيهه لشباب ربعه وحث لهم على الفضيله وطلب العلم ومواكبة العصر ... والصدق بالقول والاخلاص بالعمل وحسن الخلق والنيه.. ويدعيلهم بالصلاح . ولا يوم الخاطر ساح ، وانفل الحجااااااااااااج ... وانا اصوت على الورعان وهم يجون يتراكضون لمي.. قلت من فر موجة الرادو ؟ وكل يقو ماهو انا يبه ماهو انا اللي يتعذر بالنوم واللي يقول سارح ولي يقول مصخن وعليه حمى .. قلت هيه هيه اللي فرها يعلمني ترى اباعطيه ريال يوم قلت اريال ولا كل واحد رافع اصبعه يقول انا(تسني المدرس حقهم) (بسم الله علينا حب الدنيا حتى بالورعان) واطلع البوك واعطي كل واحد ريالين والفز العجوز بخمس وثلاثين ريال الخمسه عن اللكزه والباقي رضاوه.. وهي تقرب يم رجلي وتحطها بالطشت مرةً ثانيه ( تبي لكزةً ثانيه) ادور الدراهم بس على مين تلعبها على مين( ياغندور).. <<<<<اسم الدلع لاصار الخاطر وسيع . والتفت للورعان وهي تفرتس رجلي الله يعز مقامكم يالنشامى .. قلت اسمعوا نزلوا الحطب اللي على ( الهاف) فوق الشد. وشدو عليه الطربال زين .. ولمو العزبه قبل ترقدون .. ولاتنسون (ضوايتي) حطوها بالدرج.. ابا اجهم عقب صلاة الفجر .. قالت ام ضوايه : على وين النيه ان شاء الله ؟ حجاج؟ ( والله من الدجه حج بالقيض) قلت لا ابجهم للعتامى بمجالس الفرده ابسلم على الربع واخذ علومهم وابارك لهم بالمجالس الجديده .. واتمرح عندهم لي ليلتين واتقضى من السوق واجي انشالله... يوم صليت الفجر وانا اشغل الفرت (الهاف)... وخليه صلنصيل حروت نص ساعه واتفقده .. وانا اركب قبل طلعت الشمس .. واقوم اناتله بالنمر وهيجن ياركب اللي محاحيله خنازير=== مطعومه القيز قيز القيزخانه ايبله ايبله لين وردت على العرب وهالحين وصلتكم يالربع وماعندي الا سلامتكم السلام عليكم وصبحتم بالخير يالفرده ومنزال (ن) مبارك ان شالله ... اما الضوايه // لها سالفه غير مثل جده غير اقصها عليكم عقبين بشاية الكريم ابوضوايه |
رد: ابوضوايه وصل الحمدالله على السلامه والله يحييك بين عيال عمك مليــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــون هلا |
رد: ابوضوايه وصل http://islamroses.com/zeenah_images/wel172.gif ياهلا وغلا بابن العم وحياك الله ومبدع والله .. وحضور ك غير مثل سالفة الضواية . اسلوب جداً رائع ومتفرد ... |
رد: ابوضوايه وصل هههههههههههههههه نسيت نفسي كأني اعيش احداث قصتك المشكلة اني صدقت ياهلا وبدايت موفقة والله يحييك في مجلس من مجالس ربعك اعجبتني يوم مشيت قبل الفجر لأن المجلس في القمم ويحتاج مجهااااااااام ياهلا وغلا بك يا ابن العم الغالي هلا تراحيب المطر |
رد: ابوضوايه وصل حيااااااااااااك الله بين ربعك وعيااااال عمووومك ..... ننتظر منك الأستفادة و الأفادة .. تقبل تحياااتي . |
رد: ابوضوايه وصل ههههههههههههههههههههههههه هههههههههه خوش توصيف إداره حياك الله في مجالس الفرده |
رد: ابوضوايه وصل يالله حيه في محله ومررررررررررررررررررحبا مليووووووووووووووووووون أسعدنا تواجدك بين ابناء عمك وهلالالالالا وغلالالالالا وبيض الله وجهك من دعاك وبيض الله وجهك على تلبية الدعوه الا تسنه وتسنها ماتركب ولاتجي ابد هههههه (او اكيد مكثر من الكليجا هههههههههه) يالله حيه وهلالالالالا فيك يابن العم |
رد: ابوضوايه وصل |
رد: ابوضوايه وصل وش ها ال ابو ضوايه هذا اللي وصلنا مع العلم الغانم والحموه الزايده والاخلاق الحلوه والبدايه الرائعه التي شدتني للقراءه للاخر 000 عيال ابوي الفرده 0000 عز الله اللي هذا اوله 0000 ندور ونبي تاليه 000 يا طيبك طيباه يا الفريدي اسفرت وانورت وربي يحييك بمجالس الطيب والعنبر والزعفران والله يحييك بوسط عيال ابوي وابوك راشد الفريد |
رد: ابوضوايه وصل يا هلا و مسهلا بأبن العم ونتطلع لمشاركات و إسهامات دسمه مثل هالمشاركة شرفنا و سعدنا بك بيننا |
رد: ابوضوايه وصل بصراحه دخلتنا جو يبو ضوايه تكفى علمني متى بتجيب اخبار الضوايه ترى مشتاقين لها جدا نسينا افااااااااااااا هلا وغلا حياك مولاك يالفريدي عند ربعك وجماعتك لكن توقعت انهم جايين بيتك قلت هذا ماهو سهل اللسيروا عليه كل مسؤلين المجالس اكيد تستاهل المسيار والعنوه ( تراي ما اقصد زواج مسيار ) . المهم يالله حيه ومرحبا بك يبن العم |
رد: ابوضوايه وصل ياهلا ويامرحبا اخوي ابو ضوايه ،، << --- قلبها مع ام ضوايه ههههه اسلوبك جميل فأتحفنا بالأجمل ،، |
رد: ابوضوايه وصل مرحبـــــــــــــــــــــ ـــــــــــا مليون أنت مرسمي |
رد: ابوضوايه وصل يــــــــــــــــــــــــ ــــــاهـــــــــــــــــ ــــــــــــــــــــــلا وغـــــــــــــــــــــــ ـــــــــــــــــــــــــ ــــــــــــــــــــــلا حيـــــــــــــــــــــــ ـــــــــــــــــــــــــ ــــــــــــــــــــاك منـــــــــــــــــــــــ ـــــــــــــــــــــــــ ـــــــــــــــــــور بتواجــــــــــــــــــــ ـــــــــــــــــــــــــ ـــــــــــــــــدك حيـــــــــــــــــــــــ ـــــــــــــــــــــــــ ــــــــــــــــــــاك بيـــــــــــــــــــــــ ـــــــــــــــــــــــــ ـــــــــــــــــــــــن ربـــــــــــــــــــــــ ـــــــــــــــــــــــــ ـــــــــــــــــــعك حللــــــــــــــــــــــ ـــــــــــــــــــــــــ ــــــــــــــــــــتم اهـــــــــــــــــــــــ ـــــــــــــــــــــــــ ــــــــــــــــــــلا ووطئـــــــــــــــــــــ ـــــــــــــــــــــــــ ـــــــــــــــتم سهـــــــــــــــــــــــ ـــــــــــــــــــــــــ ـــــــــــــــــــــلا |
رد: ابوضوايه وصل أخوي الفريدي أجمل من حضورك هالة حضورك اولاً أشكر فيك الأسلوبي الأدبي الراقي والقلم الساخر الجميل وأحييك أجمل تحية ومرحبا مليون وحياك في منتداك |
رد: ابوضوايه وصل ابو ضوايه ...........حياكـ الله والحمد لله على سلامة الوصول .. ونتمنى لكـ اقامه سعيده اسلوبكـ الساخر الجميل شدني كثيرا وياليت تتحفنا بكتاباتك الساخره وياهلا وسهلا |
رد: ابوضوايه وصل كككككككككككك والله دخلت جو بالسالفه بدايه قويه واكيد هذا وانت ماجبت حيلك الله الله بالمزيد من هالسوالف والحجايا . ابو ضوايه ...........حياكـ الله ومرحبابك .................وياهلابك يالبناخي ........ من جد اسلوبك جميل جداً سلمت يمناك ونترقب غيرها كثير |
رد: ابوضوايه وصل ابو ضواية ياهلا وغلا ومرحبآ مليووووووووون ارحب والله ان ترحب ابو ضواية الحمدلله على السلامة من السفر وصدقني ماراح تجلس يوم او يومين نبيك معنا دوم واذا على ام ضواية وبنتها ابشر بعيال النشاما والنشاما نروح نجيبهم وخلاص اسكن هنا وصدقني نحن نبحث عن شرواك ، نعم انت اثبت وبكل جدارة ان اسلوبك رائع وقلم فكاهي جميل ومبدع واثبت ان لازال في عيال عمنا مبدعين ونحن ننتظرهم ونتنظر ابداعاتهم اخيرآ ياهلا وغلا من كل قلبي فيك |
رد: ابوضوايه وصل يامرحبا.. فيك يابوضوايه... اسلوووب رائع جدا جدا... قطعت قلوبنا من الضحك... احس موضوعك يبيله منتدى النقاش الجاد... ونجلس كلنا نحلل مشاركتك.. وندرس كيف ومتى ومنهو ووش السالفه ياعيال... وكل واحد يمسكله طرف منها ويفصفصه فصفصه... حياك الله في مجلسك وبين ربعك وعيال عمك.. كلنا سعيدين بوجودك ونحطك في عيونا... والضوايه ماعليك بالحفظ والصون... نحطها لك في صندوق الامانات حق المجالس... ونعطيك المفتاح بعد... اهم شي لاتروح منا ولا منا... تقبل تحياتي.. |
رد: ابوضوايه وصل ماهي غريبة عليكم يالفرده كل هالترحيب بيوت عز ومعزه عامره بالجود ---------------------------- مشعل الجضعان اتحيا وتدوم راعي واجب وسداد لزوم ---------------------------------------------------------- |
رد: ابوضوايه وصل زيد ابن متعب -------------- سلمت ودمت يابن حماد شيخ بطبعك قبل شيخة ربعك منقع الشرف والطيب وسلم على الشيخ ابوسطام وسلم على باقي اخوانه -------------------------- |
رد: ابوضوايه وصل ابوياسر الفريدي ---------------- تسلم يانشمي --------------------------------------------- ابومراسم ---------- غربلتني بالترحيب الحار تسلقطت علي حتى بيني وبين مركاي جالس وترحب:mad: --------------------------------------------------------- |
رد: ابوضوايه وصل بقايا انسان ------------ ياعلني مابتسيك يالنشمي اصيل من ظهر اصيل يابن راشد... يسلمون عليك ربعنا اللي فوقي العوجى ويقولون ماشفت محيميد يقولون جالب وله ثلاث ايام ماجاء ---------------------------------------------------------------------------------- |
رد: ابوضوايه وصل ذيبــــــان ===== انشهد انك مانقع الطيب ياطيب الساس من روس قوم بطاريهم نشوش ونتنومس الطيب والزعفران والعنبر <<<<<<< تبي تصرعني يالبناخي من كثر الروايح العطره تكفى خلنا نجلس بالمقلط بدل مزرعة الطيب والزعفران تراي مضروس يابوراكان.. ياطيبك طيباه <<<< وانشهد لك بها ... وتراي كل ماسمع اسفرت وانورت يهزني الشوق ياولد ابوي لم ام ضوايه واتذكر غندورتي وايام الغندره ورحلاتي بشهور العسل بربوع الحسكه :mad: -------------------------------------------------------------------------------------------- -------------------------------------------------------------------------------------------- |
رد: ابوضوايه وصل اهلا وسهلا ابو ضوايه منورنا بسواليفك يالغالي ياهلا والله وسهلا |
رد: ابوضوايه وصل آاااااااااااااااخ ماودك تصير آخر الرجال انهد حيلي يابو ضوايه ابا اتعفى شوي هداك الله 1 لي ساعه انغز بهالمربعات لين دخت 2 قريت لين فترت ( الله يعين ام ضوايه) انت ابو كبس 3 طيروني الجماعه آاااااااااااااخر الصفحه الثالثه !!!!!!! هذا حق اخوكم الكبير ؟؟؟؟؟؟؟ على كل الله يعيننا يابو تريك من اولها كذذذذذذذذا لكن العسل مايمل يعطيك العافيه ومرحبا مليون وخل الهاف يولي لك عندي دستن غمارين مكيف (لعيون ام ضوضو ) ياحليلها والله ماتستاهل الرفس ماشفت حالي ايييييه يامرحبا يابو ضوايه *** يامعرب العم والخالي بديتها بظرف وحكايه *** واتعبتنا حيل يالغالي |
رد: ابوضوايه وصل منصور الطهيمي ========== شب النار وزين حمسة البن ولا تنعم البهار ليا دقيته ... ترى القهوه عندك وبمجلسك العامر ... الجاد -------------------------------------------------------------------------------- علي الفريدي ======= الله يعز مقدارك ويعلي مراتبك بين الرجال واتشرف بمسيارك وكل ربعك عيال العود اما الجيزات والعروس طاب الخاطر منها لا مسيار ولا مخطار واول علوم الضوايه تلقاها عن منصور الطهيمي بمجلسه وتحرها كل عشرة ايام الى سبوعين --------------------------------------------------------------------------------- بنت البدو شموخ ========= سلمتي ودمتي يابنت ابوي وطاب فالك وعمالك وام ضوايه حرام حرم توني جاين منها الجوديه ماشفت قلبك معها ولا شفت عندها شي نتسري لله وتسانها اخذتن منتس شي وداسته لمصع قلبها واعطيتس اياه بدل قلبتس ------------------------------------------------------------------------------ |
رد: ابوضوايه وصل ابن جضعان باسل ============= مرحبا بك يالفريدي رجال ومجالسي رجال:( وبشرني عساك ناجح ان شاء الله وانا ماني لا مراسمك ولا اقلامك :p ---------------------------------------------------- المهندس خالد الشملان ============== تسلم يالغالي ويسلم غاليك منور المنتدى بك وبربعك ------------------------------------------------- |
رد: ابوضوايه وصل ولد نومان ====== اتحـــــــــــــــــــــي ا وتدوووووووووووم وتســـــــــــــــــــلم -------------------------------------------------------- رحال ==== الله يسلمك ويردك سالم وغانم ---------------------------------------------------- |
رد: ابوضوايه وصل عبدالله ابن غنام ========= هلا وغلا بهالحس يابن متلع حسً ماينقطع يالبناخي وبارك الله فيك يالنشمي صقر ولد صقر من صقور الرجال ماتاكل الا بمخلابها ----------------------------------------- ابوريم ==== الله يحييك ويوسع صدرك تبي الحجى وسعة الصدر تذكرتين والعزبه عليك نبي سفاري كينيا وابشر يالمراقب باللي يفل حجاجك ----------------------------------------- |
رد: ابوضوايه وصل اقتباس:
الله يجازيك يابوعبد العزيز انا اللي هاد حيلك ولا الضراير:mad: محد قالك تثني وتجي تشكى :p وحقك يالخو الكبير على العين وعلى الراس وتكفى يالبناخي الغمارتين ومكيفها تغير الطبع وترخي الرجال والهاف ماله عديل وانت اخبر مني فيه وهدية مقبوله وموفوره وكرمك ماهو محل تجريب من روس قوم ياعظم العرب
ليتني شاعر واغني=وامدح رجال القبيلة واذكر الطيب بفني=شوق منسوع الجديلة ياخلف ماخاب ضني=عزوتي حامي الدخيلة والقصايد ماعطني=وانت مالي فيك حيلة |
رد: ابوضوايه وصل حيااااااااااااك الله بين ربعك وعيااااال عمووومك ..... ننتظر منك الأستفادة و الأفادة .. تحياتي ابوبندر |
رد: ابوضوايه وصل بسم الله حبييييييبي ابو ضوضو اشكرك على الاطراء واما العجايز ان عاش راسي لاطخهن بمدرسه لو هي كبيِره المهم الرويتب وبلا قصور ب باسل كفشتك ههههههه اشرط لي والا وااالله لا (اعلم ) ماشاء الله يبو ضوضو ردود حلوه وجميله ووافيه وحياك الله بين ربعك وعيال عمومك:d |
رد: ابوضوايه وصل ابو ضواية ياهلا وغلا فيك نورت المنتدى ويش اقول يبو عبدالعزيز انا اللي تعبت اكثر لاكن يهون نبي نسلم على ابو ضوايه ونتقرب نبي احممممممم اقول بشرنا عن ضوايه وامها عساهم بخير يامرحبا فيك في مجالس ربعك حللت اهلا ووطئت سهلا نتطلع لابداعك وخصوصا في منتدى الشعر |
| الساعة الآن 01:19 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir