|
سلام عتب ومزيد من الألم السلام عليكم ورحمة الله وبركاته ، ، ، يحزنني كثيراً ويؤسفني ان ادعوكم لحفل ( حفل ايش سلامات ياخوي متعود على المناسبات ):confused: يؤسفني كثيراً انني افتقدت الكثير هنا مما كانوا قبل عام ونصف العام هنا نتقاسم الافكار وكأنها قطعة حلوى وكانوا مبدعين جداً واقلام لايستهان بها وغبت ( الظاهر غيابي هو اللي خلاهم يسحبون لهالدرجه اني اهم واحد وانا مدريت:D ؟ ) ولما دخلت الان لم اجدهم ابداً والاعظم اني وجدت ركوووود أركد من سوق الاسهم وش السالفه مدري؟ غريب امركم ابناء عمي اين اختفيتم ؟ اين هي رحالكم؟ هل اصبحتم كالشركاء اذا الواحد فيهم صار معه فلوس سحب على ربعه وحط شركه مستقله ؟ ! ! :::::::::::::::::::: لا لا لا مااعتقدشي ابداً طيب وين راحوا عن وطنهم ماادري ؟ كان هنا عمالقه بالاقلام والافكااار كان هنا شباباً لايستهان به :D ابي اعرف السر وراء تخليهم عن موقع الفرده من بني حرب اللي كل مادخلت موقع الا وهو قدامي يقول وين راااااايح ؟ يالله بيتكم في المجالس في كل موقع بنر اعلاني وربي كنت سعيد قصدي مبسوووط ترى سعيد مو اسمي قسماً ( حط سيفين برقبته ::mad:: ) ان فيه ناس كانوا هنا قمة الابداع النغيمش الشملان الغنام النمران وكثيييييييير كثييييييييير ائد الدنيا بس فجاءه اختفوا غريبه ! ! يمكن مداومين بس وين مداومين كل هذا دوااااام :D والا يمكن ابداعهم خلاهم يقولون مستوانا منتدى خاااص فينا لا لا مو معقوله ماهو بحنا اللي نجحد ربعنا :o بس هذا مايقلل من الموجودين الان ماشاءالله عليهم مبدعين ولكن نبي اكثر واكثر نبي مثل اول اذا دخلنا الاعضاء الموجودين 36 والزوار 54 مو مثل الان الاعضاء 3 والزوار 7 وماشاءالله الان فيه اسماء ورديه الله يخليهم لنا لا وبعد مشرفات ويستحقون ذلك بلا شك اتمنى اجد تبريرات واتمنى عودتهم هذا والسلام عليكم ورحمة الله وبركاته وشاكر لقراءتكم وزيارتكم اللي ماودهم يردون واللي بيردون يامرحبا ومسهلا اخوكم / اهم001 على فكره الاسم مسيوم بــ 18000 الف يورو قلنا يورو مو رياااااااااااال :D |
رد: سلام عتب ومزيد من الألم حيا الله اخوي -اهم001والله مدري لاكن الشملان موجود والنمران كذالك الغنام اخذ اجازة هذ الي اعرفه المنتدى فيه ركود لاكن نقول إن شاء الله الهدوء الذي يسبق هبوب العاصفة واول الخير حضورك المبارك ومشكور اخوي اهم001 على العتاب وتقبل تحياتي اخوك f15 |
رد: سلام عتب ومزيد من الألم حياك يا واحد و عودا حميدا واعتقد ان السيف سبق العذل ولو استقبلت ما استدبرته لرأيت الكثير من الانجازات بعد غيابك الذي من خلاله لم تكن أهم واحد وصراحة المتواجدون هم أحق بهذا الاسم المهم ما علينا الحمد لله على السلامة و فيه مواضيع جديدة وبحاجة لردودك ورأيك لأن المستساغ هو المطر ثم السيل ! أما اذا كان لك اقتراح على المشرفات او اللون الوردي فأرسله على الخاص او اكتبه بقسم المقترحات والشكاوي يمكن نستفيد من وجهة نظرك . |
رد: سلام عتب ومزيد من الألم f15 حياك ربي من وين مالقيت وجهك وبعدين النمران فيه اكثر من اسم انا قصدي عبدالعزيز النمران ماهو الشاعر الله يخليك لي |
رد: سلام عتب ومزيد من الألم يستاهلوووون الاسم ياضيف الله بن علي بس يدفعون لي ويأخذون الاسم هديه لهم:D وبعدين يأخوي وش فيك على طووول شنيت علي حمله كل هذا عشان اسمي ؟ :confused: عموماً انا مالي كلام على اللون الوردي وبالعكس مالي اي ملاحظات بالعكس هذا اللي نبيه اجل حنا طوااال الشوارب <<<<ماظنتي والله شوارب والحلاقين يسألون كم تبي شنبك نص والا واحد :eek: نروووح نكتب في قسم الحريم قصدي حواء <<< الله يشوفه يقول الاخو اثري عموماً يستاهلون وانا غيابي عشان عندي دوام <<< تصريفه طايح فيها ذا الايام تشكرات يامستشار ياخوي عندي عقده من المستشاريين احس انهم ثقااال طينه والواحد كأنه يقول خير وش يبي ذا العضو الله يحييك والله يستر لايكون فاتحين موضوع بالاداره عشاني وشكلهم بيأخذون اسمي يقولون هذا علامه تجاريه مع واحد غيرك :D والا يطمر زيد متعب ويقول لا لا هذا اختراع اروربي وسرقه هالعربي البدوي ويروح يرفعون علي قضيه ويالله عاد دبرها عاد ربعنا ماعندهم ( يحق لك الصمت ويحق لك توكيل محامي ) ماعندهم ( اقفل فمك ) والا ( ماتربيت انت :D ) ايييييييه يالله المستعان |
رد: سلام عتب ومزيد من الألم أهم 001 ياهلا ويامرحبا وحيـــاكـ الله مرة أخرى اقتباس:
وأتمنى ذلك في القريب العاجل ولاكن الموجودين فيهم الخير والبركه وقادرين على تزويد المجالس بالجديد والمفيد اقتباس:
ترى عندي نيه اشتري وأخيرا حياك الله ودمت بالوجــــــــود |
رد: سلام عتب ومزيد من الألم اهم وآحـد حيآك الله في مجالس الفرده ونرحب بك اجمل ترحيب ونتمنى ان نرى حبر قلمك في جميع ارجاء المجالس وان تفيد وتستفيد وعودآ حميـدا للمجالس اجمل التحآيآ |
| الساعة الآن 04:16 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir