البر احبه واحب اللي يحبونه=من صغر سني وفيه النفس مولاعه
هواية في صميم القلب مدفونه=تجري مع الدم في مشيه ومرجاعه
خصٍ اليا الوسم مزنه مالت ردونه=واسقى الضوامي ونبت العشب في قاعه
وقام الشمالي يلاعب لين غصونه=يازين مع نفحة النسمه تمرياعه
اعشق زهوره ويسحر ناظري لونه=واشم عطره واقوم اعدد انواعه
نفل وبسباس وخزاماه وفنونه=وربله ونوار والحوذان واتباعه
والقحويان ويهق ياللي تعرفونه=وشرشر وحميّض وشقاراه واقشاعه
احب ازوره قبل لا البدو يرعونه=اروى النظر منه لامن زان مرباعه
واحب حرٍ يشاف الفيد بعيونه=ربحان من يشتريه وخاب من باعه
حرٍ ليا شافوا البرقا يهدونه=واليا طلع في سماها صابها راعه
لاشافها بامر رب العرش مضمونه=لاهوا على صيدته ماخانه ذراعه
وخوّة نشاما خوي الجنب يغلونه=على النقا جامعين الطيب والطاعه
الفرض لاحان في وقته يصلونه=وفي مغفرة خالق الاكوان طماعه
البال لاحل به ضيقه يسلونه=ووقت الله الله فزاعه وجزاعه
اليا بغوا درب مايمسون من دونه=اسباع ليل ونهار ونومهم ساعه
باسج معهم طرب والروح مرهونه=وتالى الزمان العمر مدري عن اوضاعه

للقهوة مكانة وقيمة عظيمة لدي أبناء البادية .. ولها مكانة خاصة في نفوسهم
حيث تعتبر واجهة الكرم لديهم عند استقبال الضيوف وأول ما تقدم
للضيف بعد الترحيب .
و القهوة العربيه ذالك المشروب المميز لها نكهتها ولها محبوها المفتونون بها المغرومون بإحتسائها على مر السنين
http://www.almarefa.net/uploaded/64906_01189949046.jpg


اخواتي واخواني ,, هذه سياحه قصيرة في عالم القهوة ارجوا ان تنال اعجابكم ,,



,,,, القهوة ،،،


كانت القهوة عن الاجداد كيف وسبب لتفريج الهم و القضاء الوقت بالتعاليل والسمر والاحاديث الطيبه ,, فيقومون بشب النار وتجهيز القهوة ويتناول احدهم الفنجال بلهفه واشتياق لذا يقول احدهم ,,
http://toraath.jeeran.com/قهوة3.jpg


لاضاق صدري جبت نجـر ودلـة
وسويت مايطفـي لهيـب بجاشـي


ويقول اخر ,,
قم يانديبي عمر النار لي سو
قم سو فنجالٍ ترا الراس خاوي


ويقول اخر ,,
لا ضاق صدري قمت احوف المعاميل
وأزين الفنجال يكرٍ ولا اثنيه




,,,اوقات شبه النار لتصليح القهوة ,,,


كانوا يسعلون النار لعمل القهوة بحسب احوالهم ,, ومشاغلهم منهم من يشعلها في الصباح الباكر حيث يقول احدهم في ذلك
http://www.arab7.com/up/file/1127248402643.jpg


يازين شبتها علي شقه النور
يوضي على وجيه النشامى سفرها




ويقول سالم بن تويم الدواي العازمي


الصبح ماحلى شبوب النار = يا صرت مرتاح ومصلي
حمست بنٍ من النيبار = تجلى الهواجيس وتسلي
شقره ومذعورةٍ ببهار = شف النشامى وشفٍ لي
لا طبت اشفي راعي الكار = يضحك احجاجه وينفلي
ولاصار في جنبها بيطار = يفرح لياجيت ويهلي
والا الدهر بالعرب مرار =ياخذ من الناس ويخلي
فقير والا من التـجـار = العمــر ملحوق ومـولي




ومنهم من يحب شبه النار بالليل ,, كما قال شاعره ,,


الله مع الفنجال مع هجعه الناس
بدلال نار ما يبطل سناها
وقال اخر ,,
لا جا العشا شبيت نار مناره
وادنيت ماحسه يجذب المسايير


http://www.alnadawi.org/mzayan/prais...s/P9250015.JPG


ومنهم من يحب شبه النار للقهوة في الضحى حيث قال احدهم ,,



فنجال الغشمري يشرح البال
وقت الضحى لا قربت حومه الطير


http://www.up.arjwan.com/up/arjwan_rWU9phVSm1.gif
ومنهم من يحبها قبل الفجر تالي الليل كما قال احدهم ,,


ياما حلى فنجال بيض بغاديد
قبل صلاة الصبح والوقت ما فات



ومع العشاق القهوة ,,


http://www.up.arjwan.com/up/arjwan_rWU9phVSm1.gif


يامحلا الفنجال مع سيحة البال
في مجلساً مافيه نفساً ثقيلـه
هذا ولدعمً وهـذا ولـد خـال
وهذا رفيقـاً مالقينـا مثيلـه
يابو محمد شب واقضب مكاني
في غيبتي قهو الرجال المشاكيل
وفل الحجاج لكل من جاك عاني
وابدا التحيه قبل سوق الفناجيل
سوولي الكيف وارهو لي من الدله
البن الأشقر يداوي الراس فنجالـه
كيف لنا نحرقـه بالنـار وانزلـه
واليا انقطع لو ورى صنعاء عنيناله


http://www.up.arjwan.com/up/arjwan_rWU9phVSm1.gif


اشرب الفنجال واكب البيالـه
طيباً واحب سلـم الطيبينـي
الولد ان طاب طيبه من خواله
وان تردا فاعرف انهم خايبيني


http://img152.imageshack.us/img152/8304/dsc06022ii4.jpg




ياكليب شب النار ياكليب شبه
عليك شبه والحطب لك ايجابي
وعلي انا ياكليب هيله وحبـه
وعليك تقليط الدلال النجابـي
يابجاد شب النـار وادن الدلالـي
واحمس لنا يابجاد ما يقعد الراس




أسماء القهوة



للقهوة أسماء تشتهر بها بعضها نسبه إلى نوع البن وببعضها نسبه إلى طعمها ومن اشهر


أسمائها ما يلي:-




1- الكيـــف :


وهو من اشهر أسماء القهوة على الإطلاق ومعنى الكيف ارتياح البال وانشراح الصدر


والتلذذ بشرب القهوة.


ويقول الشاعر فيصل الشمري :


زين لنا كيفٍ يونس هل الكار =كيفٍ ينومس للسهر والتعاليل .



-2 البـــن :


نسبه إلى المادة الرئيسية لصنع القهوة .


يقول الشاعر فهد بن خربوش الشمري :


بدوٍ تنفد غالي البن تنفيد =بدلال وارفافٍ طويل ظلاله .



3- المــــر :


نسبة إلى طعم القهوة المائل إلى المرار.


يقول الشيخ تركي بن حميد :



قم يا محمد سو حلو ومرا =رسمٍ إلى جوك النشامى هل الكيف .



4- البريــة:


نسبه إلى نوع من أنواع البن اليمني الجيد.



يقول الشاعر إبراهيم بن جعيثن :


أدني على بالي دلال نظايف = وبريةٍ يطرب لها كل حامس .




5- الشاذليــة :


اختلف في سبب التسمية فمنهم من يقول إنها نسبه إلى توع من أنواع البن اليمني الجيد


ومنهم من يقول إنها نسبه إلى عمر الشاذلي وهو أول من شرب القهوة.




يقول الشاعر شاهر الأصقة :


شبيت نار ما هبوبه بالأكواس =وقربت محماسٍ به الشاذلية .




6- الطبخـــة :


نسبه إلى طبخ القهوة على النار.

http://upload.7bna.com/uploads/64506b992e.bmp









أنا باديٍ في عالي الرجم من واطيـه



أحب البيان وذبّـة الرجـم غربالـي



وأنا البارحه ليلٍ عليّ ساريٍ ساريـه



بغيـت المنـام ولـذّتـه ماتهيّـالـي



على صاحبٍ لازيد جاني وأنا ماجيـه



حداني زماني منّ مجيّـه ولا جالـي



وياقلب لاتجزع من الليّ جرى جاريه



وما قـدّر الله قابلينـه مـن الوالـي



حداني على البيت المطرّف غلا راعيه



ولايمتكّن جنّـاب بيتـه وهـو غالـي



غشاه الحلا والنور يوم الغـلا مغليـه



يعيش النظـر شوفـه بليّـا تعدّالـي



تحطّم عليه الحال ماينعضي عاضيـه



تحطّام عـودٍ مبطـيٍ فيـه المحالـي



وأنا سيل قلبي صوبهم منتحي واديـه



ولولا محادير السهل كـان ماسالـي


http://upload.7bna.com/uploads/74861f2388.bmp

http://upload.7bna.com/uploads/a521d01b8c.bmp








الرفقه اللي مالهـا سـاس ووصـول



اتلـى تليـاهـا تــروح بسهـولـه



مثل الذرور اللي على راس غرمـول



اول مهـب يعتـرض لــه يـزولـه



والفعل ما يطلع على مستـوى القـول



يقـول قـول مـا يطـبـق فعـولـه



والفرق في الافعال,, ماهوب في الزول



والا ترى اطيب ما من الثـور زولـه



لو غرّهم زولـه,, وحطـوه مسئـول



صـاروا مثـل راع الغنـم ومخيولـه



ثوب على جسم علـى شبـه مخيـول



ودايعـه يفرسهـن الـذيـب حـولـه