اولى وثاني وثالث ورابع حباري جهام.....نايف بن مياس
 

السلام عليكم ورحمة الله وبركاته
ابشركم توفقنا هالسنه بالحباري وذبحنا لين اكتفينا بمنطقتنا وبالتيسيه وبالمعيزيله وبفيحان وعقارب والصليب مافيه ديره ماقنصناها وحبيت اعرض لكم صيد طيري جهام


السلام عليكم ورحمة الله وبركاته
ابشركم توفقت وذبحث اربع حباري كلها بجهام
هذا الاوله تاريخ 11/12/1432هــ
وتم عزلها للفروخ هذي صوره
http://www.up.albreah.com/uploads/im...b41eae7d22.jpg
وهذي صوره مع وجه السعد يوسف العمري
http://www.up.albreah.com/uploads/im...60f3e2c4dc.jpg

وهذي وهذي بتاريخ 25/12/1432هـ حبارواوين في آن واحد قولوا ما شاء الله
حصلت جرتهن خرب ودجاجه ناديت العيال شوي وطلع جهام راح راح حول اربع مية متر واشوف الدجاجه تكوبر قدامه طقها طقه وقشها جيت ابا اعزله ويوم مسكتها وغطيتها ابا اعطيه الحمامه كان واحد من اخويانا جايا يطامر الرمث وطير الخرب بوجهه وجهام فك الدجاجه ولحق الخرب فوق وطقه ونزله وطرحه وقلت والله ما يعزل ان يعلف لين يوخر منها وهذي صورتين وجهام على الخرب والدجاجه مع التي اهديتها لا بو عوض الصقار المعروف يعلم عليها بكر معه
http://www.up.albreah.com/uploads/im...5dab0dc70f.jpg

http://www.up.albreah.com/uploads/im...5875f1d7ca.jpg




وهذا اول ماتقهوينا وحركنا للمقناص الساعه 7 وانادي ابشركم بجره قديمه او الارض ماتوضح خلوني اتاكد الارض مقنوصه


http://www.up.albreah.com/uploads/im...0b27b1f089.jpg


اخوياي تأكد منها لاتكون مقنوصه هذا حنا مابعد حركنا هاه نجيك

وادخل هاك الشغيه والقى هالجره شوفت عيونكم قديمه صح ههههههههههه
http://www.mekshat.com/pix/upload05/...3060_img_2.jpg


وانادي اخوياي عجلوا عجلوا يوطاء على القنوص جديده
وصلوا اخوياي وقصينا وطار من بعيد واتقدم واهد جهام مصخر العاصي ويلحقه بالغيوم الله لا يضره ويعلقه برقبته وينزل به مثل المروحه


وجيته يمزرها على القاع تمزير = يشلق معلق ثديها بالجناحي

http://www.mekshat.com/pix/upload05/...3060_img_1.jpg



http://www.up.albreah.com/uploads/im...c20bc89e46.jpg

من اليمين انا ثم النقيب احمد العطيشان والرائد محمد الخليوي

رد: اولى وثاني وثالث ورابع حباري جهام.....نايف بن مياس
 

طالة غيبتك وفعلا من طول الغيبات جاب الغنايم

صايد وفايد يابو ارجوان


ولايهونون الشباب

تحيتي لك

رد: اولى وثاني وثالث ورابع حباري جهام.....نايف بن مياس
 

هلابك يا ابو مهره الف شكر على المرور لا هنت خله يجينا الصيف نرجع للاربعه هههههههه

رد: اولى وثاني وثالث ورابع حباري جهام.....نايف بن مياس
 

رد: اولى وثاني وثالث ورابع حباري جهام.....نايف بن مياس
 

رد: اولى وثاني وثالث ورابع حباري جهام.....نايف بن مياس
 

بيض الله وجهك ووجه جهام ..مشاء الله مشاءالله
طيرك طيب ونادر اللي هاذي فعوله ولعنبو لايمك بحبه وانت تستاهل

رد: اولى وثاني وثالث ورابع حباري جهام.....نايف بن مياس
 

ماشاء الله تبارك الله

يازين الصيد وأهله

ليا حصل طرد الحباري مع القاع والله ماغبط اللي يصوع الذهب صوع