|
(( درس عن طريقه توزيع الوزن بطريقه هندسيه مهم للدراق و التراكشن )) السلام عليكم .. كيف الحال يا شباب .. عساكم بصحه و عافيه اولاً كل شغلنه علي هل صووره .. http://q8man2002.googlepages.com/DSC00131_800x600.jpg الرسمه متعووب عليها مضيع المحاظره عشان بس ارسمها اولاً قانون الوزن علي العجلات و السياره واقفه (( ساكنه )) ما تمشي .. : Z1 = G * b \ L ======>>> الوزن الساقط علي العجل الامامي . Z2 = G * a \ L ======>>> الوزن علي العجل الخلفي و هذا الاهم .. G = وزن المركبه و موقعه في منتصف السياره تقريباً و يسمي بل مركز الثقل و مكانه غير من سياره عن سياره وهو بوحده Kg .. L = طول قاعده العجلات المعروف بل Wheelbase بل mm و اي كتلوج تلقاه موجود . b = وهو المسافه من مركز الثقل الي العجل الخلفي يعني من نص المركبه الي الخلف و عشان تطلعها لازم هل قانون . السيارات الدفع الامامي يكون بحدود ال 0.65 الي 0.7 هذي النسبه . و السيارات الدفع الخلفي العاديه الكلاسك يكون 0.6 الي 0.55 و السيارات الدفع الخلفي و المحرك بلخلف او مثل الكورفت C5 يكون الدفرنشل بلخلف ف يكون من 0.50 الي 0.4 في السيارات المحرك بلخلف .. الحين كيف نخرج ال b بل mm كتالي .. طول القاعده L ضرب النسبه الي قلنه عنها علي حسب نظام الدفع في السياره يعني مثلاً حق الكمارو تكون النسبه كتالي 0.55 ف 2852 * 0.55 = 1568.6 mm يعني 1.5 متر من مركز الثقل الي الخلف العجلات .. a = و هذا نقدر طلعه من القانون التالي a = L - b يعني من الناتج السابق لل b نقدر نطلع ال a علي المثال السابق ... a = 2852 - 1568 يطلع 1284 mm يعني 1.2 متر من مركز الثقل الي العجلات الاماميه .. و كذا خلصنه الوزن المتوزع علي العجلات و السياره واقفه ... ---------------------- الحين نجي حق السياره و هي تتحرك ... القانونين الاساسيه الوزن علي العجل الامامي عند الحركه = ( Z1 ) - ( LT ) الوزن علي العجل الخلفي عند الحركه = ( Z2 ) + ( LT ) و الان القوانين الفرعيه .. كتالي .. LT = T * h \ L LT = الوزن المنقول عند الحركه . T = قوه الاندفاع او ما تسمي بقوه الاندفاع او تحريك السياره h = ارتفاع مركز الثقل و بعاده يكون من الشاصي لين الارض تقريباً 300 mm علي حسب السياره و ارتفاعها عن الارض .. L = مثل ما قلنه طول القاعده .. +++++++++ الحين اشوي اطواله عشان نطلع ال T و نطلع المعاده T = Mw \ Rw Mw = العزم علي العجلات مع نسب التخفيض يعني مو عزم المحرك و دائماً يكون للغيار الاول . Rw = نص قطر الاطار مع العجله و ليس فقط العجله و محتاجه قانون خاص .. Mw = Me * &t * ig * id Me = عزم المحرك الاساسي و يكون بل N.M لا تنسون الوحدات الاهم حق الاجابه الصحيحه . &t = كفاءه ناقلات الحركه يعني القوه الضايعه في الجير و الدفرنشل و تكون للجير التماتيك = 0.80 الي 0.85 و الجير العادي = 0.90 الي 0.95 ig = نسبه الجير و طبعاً ناخذ الغيار الاول مثل ما قلنه و تكون مثل العاده 4.1 او 3.4 علي حسب النسبه . id = نسبه الدفرنشل و هي ثابته ما تتغير علي حسب الغيار و تعتمد علي الدفرنشل الي عندك يعني مثلا 3.2 او 3.73 و غيرها الكثير .. الحين نجي حق ال RW .. اول شي لازم ناخذ رقم العجل مثل التالي ... tire = 275\40R20 علي فكره ال %40 هذي نسبه ارتفاع الاطار وليس الارتفاع بل mm يعني علي هل اطار نبي نعرف الارتفاع نضرب العرض بلنسبه يطلع الارتفاع كتالي 275 * 0.40 = 110 mm و هكذا ... Rw = ( D\2 * 25.7 + H + y ) and بعدين نقسم الناتج علي 1000 عشان يتحول لين m D = حجم العجل او الجنط بل لانش (( inch )) H = ارتفاع الاطار مثل ما قلنه عرض الاطار ضرب النسبه الموجود يطلع الارتفاع . Y = معامل تشكل الاطار يعني لمن الاطار يضغط علي الارضل من تحت يتشكل علي شكل الاطار و يكون بلعاده من 0.93 الي 0.95 نسبه التشكل ... و بعد ما نخلص و نطلع ال T من هل قانون T= Mw \ Rw نقسم الناتج علي 10 .. الرد التالي تطبيق علي كمارو 2008 ... |
رد: (( درس عن طريقه توزيع الوزن بطريقه هندسيه مهم للدراق و التراكشن )) اول شي تسوي تطلع كل المعلومااات الي تبيها و تحطها في اول المسأله .. السياره كمارو 2008 الشكل الجديد محرك ال LS3 و جير عادي ... 6 غيار .. G = 1755 , b = 0.52 , L =2852 , h = 240 , Me = 553 اول شي نطلع الوزن و السياره واقفه .. ولازم نطلع ال b و ال a b= 2852 * 0.52 و هذا يساوي 1483 mm من منتصف الثقل الي العجلات الخلفيه و a = 2852 - 1483 و يطلع 1369 mm من المنتصف الي العجلات الاماميه الحين نطلع ال Z1 = G * b \ L = 1755 * 1483 \ 2852 و يساوي 915 Kg للعجلات الخلفيه .. Z2 = Z1 - G بدال ما نسوي معادله نقدر نستخرجها بسرعه = 1755 - 915 = 840 كيلو للعجلات الخلفيه و للتأكد من القانون .. Z2 = G * a \ L = 1755 * 1369 \ 2852 = 842 كيلو بدقه و ال 2 كيلو الزايدين لاني مو قاعد اخذ الارقام بعد الفاصل .. اذا تبي 100% اخذ ال 3 ارقام من بعد ال . يطلع مضبوط . Z1 = 915 Z2 = 840 ---- الحين و السياره عند الانطلاق نبي نطلع الحين ال LT LT = T * h \ L و ال T = Mw \ Rw &t يساوي 0.95 لانه جير عادي ig حق الغيار الاول هو 3.01 id الدفرنشل نسبته 3.45 Mw = Me * &t * ig * id = 553 * 0.95 * 3.01 * 3.45 و هذا يساوي 5455 N.M جبااااار و خل نطلع الحين Rw معلومات الاطار كتالي tire 275 \ 40R20 Rw = ( D\2 * 25.7 + H * Y ) and تقسيم 1000 H = 275 * 0.40 يساوي 110 = 20 \ 2 * 25.7 + 110 * 0.95 = 350 mm ... نص قطر العجله .. نقسم علي 1000 Rw = 0.35 فأذن T = Mw \ Rw = 5455 \ 0.35 = 15585 N قوه الجر جباااره 15 الف نيووتن نقسمه علي ال 10 يطلع 1558 KG .. T = 1558 نرجع حق القانون الاساسي .. LT = T * h \ L = 1558 * 240 \ 2852 = 131 كيلو LT = 131 فأذن الوزن علي العجل الامامي عند الحركه = ( Z1 ) - ( LT ) = 915 - 131 = 784 Kg الوزن صار بعد الانطلاق من الصفر علي العجل الامامي ... الوزن علي العجل الخلفي عند الحركه = ( Z2 ) + ( LT ) = 840 + 131 = 971 Kg عند العجل الخلفي عند الانطلاق و تقدر تشاهد كيف نقدر ننقل اكبر قدر من الوزن الي الخلف عن طريق العزم و الارتفاع و امور كثيره اخري .. تمعنو في المعادلات و شوفو شنو تقدر تغير عشان ننقل اكبر قد ممكن من الوزن الي الخلف .. |
رد: (( درس عن طريقه توزيع الوزن بطريقه هندسيه مهم للدراق و التراكشن )) صراحة معادلات معقدة ودوخ الراس لكن صراحة ماشاء الله عليك مخترع من طيراز اخر الله يعطيك العافية وبالتوفيق ولك تحياتي |
رد: (( درس عن طريقه توزيع الوزن بطريقه هندسيه مهم للدراق و التراكشن )) لالا ها الحين انا توي مخلص اختبار رياضيات:p وتبي تعيده لي :ranting: اخوي انت تدرس تقنية سيارت صح الله يوفقك بس الرسمة خطيرة ههههه مشكور على الجهد:) |
رد: (( درس عن طريقه توزيع الوزن بطريقه هندسيه مهم للدراق و التراكشن )) هذا الموضوع بالأساس موجه الى فئه معينه من الاعضاء المهتمين والشكرالكبير لك اخي مرسى السفينة على تقديم مثل هذا التوضيح والشرح الهادف وهذا من حسنات مجالس الفردهـ لان مجالسها ترضي جميع الاذواق والاهتمامات ومواضيعك انا اتذوق جمالها واستمتع بها ولك احترامي وتقديري اكتب اخي وانقل وجهودك في محل تقدير وعناية واحترام |
رد: (( درس عن طريقه توزيع الوزن بطريقه هندسيه مهم للدراق و التراكشن )) اقتباس:
ههههههههههههههههههههههه شكرن على الاطراء وهي سهله |
رد: (( درس عن طريقه توزيع الوزن بطريقه هندسيه مهم للدراق و التراكشن )) اقتباس:
شكرن على مرورك اخي الفاضل |
رد: (( درس عن طريقه توزيع الوزن بطريقه هندسيه مهم للدراق و التراكشن )) اقتباس:
مشكور على ردك الجميل الذي شجعني كثيرا وانا مجهز مواضيع كثيره بخصوص السيارات |
| الساعة الآن 05:15 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir