مجالس الفرده

مجالس الفرده (http://www.alfredah.net/forum/)
-   طــــــب الأســـــــــرة (http://www.alfredah.net/forum/alfredah77/)
-   -   أسرار القهوة (http://www.alfredah.net/forum/threads/alfredah35108/)

ريم 13-03-12 08:46 PM

أسرار القهوة
 
مساءكمـ / صباحكمـ ,, قهـوة .. أنتمــ حلاهـا ، !”



مدخل ::



القهوة العربية رمز الكرم وعنوان الضيافة عند العرب عامة
وللقهوة العربية معنىً خاصا فيمجتمعاتنا وتحتل مكاناً بارزاً
في المجالس باعتبارها رمزاً للكرم و حسن الضيافة والقهوة العربية سيدة المواقف
في كل المناسبات، واستمدت القهوة لعربية هذا الوضع من تقاليد وأعراف عميقة
فأصبحت جزءا من تاريخ وحضارة المجتمع العربي بمختلف مستوياته الاجتماعية.
وللقهوة العربية طقوس في تقديمها وإعدادها، كما لها أصول يتوجب مراعاتها
وفقا للأصول والتقاليد "لأن ا القوة العربية هي عنوان الضيافة في الدول العربية "



لذلك ..
هناك دراسات علميه كثيره تتناول القهوه........
بعضها قالت ان القهوه لها دور ايجابي وحلو في تحسين المزاج وتنبيه الحواس...
وغير كذا نقدر نحصل على كميه كبيره من مضادات الاكسده.....
وفيه بعضها قالت ان المفروض نستهلك كميه كبيره منها
غير كذا فيه شائعات ومعلومات خطا عن القهوه حول تاثيرها على القلب ,ادمانها والاصابه بالحموضه.........


طيب وش اشهر هالمعتقدات الغلط عن حبيبتنا القهوه......
عندنا 8 معتقدات بنذكرها هنا ....وبنذكر وش الشي الصحيح المقابل لها


1~القهوة تضر بالصحه
الشي الصحيح علميا ان القهوه مو مضره}يعني خليكم مطمئنين من هالناحيه
الاف الدراسات اثبتت ان شربها باعتدال آمن تماما....
وحددت هالدراسات 3 الى 4 أكواب من القهوه في اليوم .........
فيها 300 مليغرام من الكافيين}ترا الاكواب وسط او صغيره مو كوب كبر قريح........


2~القهوة تسبب الادمان
لا ي قلبي للمدمنين ابقول أن القهوه منبه خفيف وما يسبب الادمان........
استمتعوا بشربها واذا استمريتوا بالتمتع فيها بتكون عاده.....
القهوه معروفه بتاثيرها المنبه الخفيف .......
الا ان هالشي مايمكن اعتباره مؤشر ان القهوه تسبب الادمان.....
أبشركم حشرت منظمة الصحه العالميه نفسها....
وقالت انها سوت دراسات كثيره واتضح ان الكافيين لايوثر على الدماغ
بالطريقه نفسها اللي تاثر فيها المواد المسببه للادمان
وعلشان كذا ماتعد مادة تسبب الادمان
>>طلعت براءه القهوه<<< ي فرحتي لاني مدمنة قهوة
طيب والاعراض الخفيفه للانقطاع عن تناول الكافيين
والمتمثله في الصداع والخمول واللي تحصل للي متعودين على شرب القهوه.........
قالت الدرسات انوه مابوه علاقة بكمية الكافيين اللي يستهلكونه يوميا.........
ومافيه أي خوف من هاالاعراض دام ان الاشخاص راح يقللون من تناول الكافيين تدريجيا....


3~القهوه تسبب جفاف الجسم
كثير من الناس يعتقدون ان الكافين الموجود في القهوه له تاثير كبير في ادرار البول.......
الدراسات قالت لا..... ياخيني من قال هالشي !! مو صحيح ابدا هالكلام
اذا شربتوا قهوه باعتدال هالشي له نفس التاثير المدر للبول اللي يسببه شرب الماء!......
وقالت هالدراسات ان عندي لكم بشاره ......
ترا فيه اعترافات متزايدة بانه شرب القهوه باعتدال ممكن يكون مصدر للسوائل في النظام الغذائي.......
طيب وشلون تكون مصدر مهم........؟؟؟
الدراسات وضحت ان كوب من القهوه يحتوي على حوالي
150 ملليمترا من الماء مايعادل 10%من كمية السوائل الموصى بتناولها يوميا
من المشروبات وتظل الكميه الموصى بشربها يوميا هي 8اكواب من الماء النقي
......,...(((مو بكرا تطيحون بالقهوه وتقولون الجادل تقول بدل الماء!!!!




4~ القهوه تسبب ارتفاع ضغط الدم
رجعت الدراسات وقالت صحيح بووه تاثيرات جدليه للكافيين على ضغط الدم..
معظم الدراسات الرئيسيه الي اشارت لحدوث ارتفاع طفيف بضغط الدم بعد شربالقهوة
كانت مرتبطه بالمستهلكين اللي مو متعودين على شرب القهوه << متعودة انا اشوى
وقالت انه ممكن يتعودون عليها بسرعه مع الاستهلاك المتكرر ........
يعني بعد يومين او ثلاثه....
بالنسبه للي عندهم حساسية ضد القهوه يخففون او مايشربون حسب حاجتهم للقهوه
<< أول مره اسمع بحساسية القهوة
5~القهوه تضر بالقلب
قالت الدراسات ان شرب القهوه باعتدال في نظام صحي ومتوازن
لا يرتبط بالاصابه بالاصابه بالامراض القلبيه..........
وشرب القهوه لمرضى القلب باعتدال آمن .....
مايزيد معدل ضربات القلب في النهايه ينصح المرضى بالاستهلاك المعتدل,,,,,,,
واستشارة الطبيب لتحديد كميه الاستهلاك اللي تناسبهم.....


6~القهوه تسبب الحرقه
الحرقه او الحموضه حاله شائعة لها عده اسباب مثل اكل االاكل الغني بالتوابل
وبدراسه شملت 394مصاب بالحرقه ماكان فيه أي ارتباط بين معدل قوة وحموضه القهوه
وحالات الحرقه اللي تم رصدها..........
بالنسبه للي يعانون من الحموضه او الحرقه او الحساسيه من شرب القهوه ........
يخففون الاستهلاك او اضافة الحليب او مبيض القهوه حسب درجة الحساسيه .....
ولازم يراقبون النظام الغذائي عندهم....


7~الحامل ماتشرب القهوة
قالت الدراسات ان شرب القهوه ماياثر على الخصوبه
ومايأخر الحمل ومايؤدي الى أي عيوب خلقيه.........................
وعلى كل باعتبار ان امتصاص الكافيين في الجسم عند النساء الحوامل ............
ابطأ من العاده ........\
فما لازم الحامل تكثر من شربها يعني تستهلك حوالي 200 ملليغرام من الكافيين في اليوم ....(كوب الى كوبين)
وننصح الحوامل يستشيرون الطبيب او خبير تغذيه لتحديد كمية الاستهلاك المعتاد.......



8~االقهوه لها تاثير سئ على الاداء الذهني والجسدي
هنا فيه خبريه حلوة لمحبي القهوة...\
لان الدراسات قالت ان القهوه معروفه بتاثيرها المنبه الخفيف...
فهو يساعد على التيقظ والتركيز .. ويقلل تاثير العوامل المحيطه
في تشتيت الانتباه ويسرع في اوقات ردود الفعل .......................
بالتالي القهوه تقلل من الاجهاد الذهنيْ}انا اشهد انه تنفع لابغيت أركز ..
زياده على كذا قالت الدراسات << م تلاحظون هالدراسات ملقوفة << هههههه
ان الناس اللي يشربون القهوه يبدو انهم مرتاحين بشغلهم
ومهتمين فيه اكثر}انا اقول ليه القهوجيه مهمين بالشغل اثاريه عشان الموظف يركز...<بالحيل ياشيخه
طيب يقولون ان الكافيين الموجود بالقهوه يساعد على تجديد وحفظ الانتباه وتحسين الاداء والمزاج
واثناء الدراسه تساعد مادة الكافين على رفع مستوى التركيز والتيقظ
مما يعزز الانتباه وبالتالي يساهم في تحسين المزاج.....ومن ثم يزيد من كفاءة التعلم والتذكر ........
بالنسبه للي يسوون رياضه .......
شرب القهوه باعتدال يعزز مستويات الطاقه في الجسم ........
يحسن من الاداء الجسدي وبعد يخفف من الام العضلات بعد اداء التمارين الرياضيه




القهوة قضت .....ومعه قضى قرقي عن القهوة ....




مخرج :

اشـرب قـهـوتـي } مـرهـ { مـدام فـيـك الـحـلا زايـد .. ~^:046:
^



:


ريــــــــــــــــــــم



ابو الرجال 14-03-12 02:19 PM

رد: أسرار القهوة
 
مشكورة ريم على المعلومات
بيني وبينك ماتزين الجلسة إلا مع الفنجال كثير الهيل

غازى بن عجاب أبوزوايد 14-03-12 02:31 PM

رد: أسرار القهوة
 
مهما قيل عن القهوه فهي كيف الرجال
وأعني القهوه العربيه لكن سواتها فن وذوق
وسوقها فن وذوق وشربها فن وذوق ومن عجائب هذا
الزمن الخادمه تسوي القهوه ( تقوم بإعدادها )؟؟
مشكوره الاخت ريم ولاهنتي

ابو الرجال 14-03-12 02:37 PM

رد: أسرار القهوة
 
اقتباس:

المشاركة الأصلية كتبت بواسطة غازى بن عجاب أبوزوايد (المشاركة 247867)
مهما قيل عن القهوه فهي كيف الرجال

وأعني القهوه العربيه لكن سواتها فن وذوق
وسوقها فن وذوق وشربها فن وذوق ومن عجائب هذا
الزمن الخادمه تسوي القهوه ( تقوم بإعدادها )؟؟

مشكوره الاخت ريم ولاهنتي



اخوي ابو فيصل
والخادمة إذا عرفت لها تضبطها احسن من ام العيال
الطبخ نفس وكيف
لا خادمة ولا غيرها
يقدر يضبطها إلا من له كيف فيها

غازى بن عجاب أبوزوايد 14-03-12 02:59 PM

رد: أسرار القهوة
 
لاوالله ياخوك اذا حمست على جمر
وحطيتها بالمبرد لين تبرد ودقيتها بنجر الماو
وانت قايس ماها وقلبت بالملقمه ثلاث قلبات وعقبها
زليتها بالمبهره وبهرتها بالهيل وشوى عويدي ومعها زعفران
وذقتها قدام النشاما ثم سقت اول فنجال على اكبرهم سن الله روعه
يقول الزلامي من ظمن قصيده

بلاك ماذقته برقط الفناجيل=لاصلحه بين النشاما وذاقه
شكراً ابو الرجال المداخله
تحيتي

ريم 19-03-12 03:11 PM

رد: أسرار القهوة
 
شاكره حضوركم الانيق

ابـن مـطـيـع 19-03-12 03:34 PM

رد: أسرار القهوة
 
كل الشكر على الموضوع الرائع
منك نستفيد

عبدالله حمد الفريدي 19-03-12 03:52 PM

رد: أسرار القهوة
 
اشكرك ريم على الاضافه الرائعه

ريم 19-03-12 03:55 PM

رد: أسرار القهوة
 
الف شكر الاناقة الحضور


الساعة الآن 12:57 PM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52