|
بين الرشى والدلو والبوردنق والكوكتيل : : : أتت إلينا الحظارة وأنستنا كل الماضي الجميل ولم نعد نعرف منه إلا الذكرايات والقصص التي لانعرف إلا شي بسيط منها فنحن في أعمارنا الآن نعرف بعض من الأدوات المستخدمة في الماضي أما الأجيال التي ستأتي بعدنا قد لايعرفون أي شي .. وأذكر الصيف الماضي كنت أقدم في برنامج مخيم دعوي فطلبت أن يخرج ثلاثة من الشباب لايتجاوزون (20 عاماً ) وثلاثة من كبار السن فطلبت من الكبار كلمة من الأدوات أو الأٍسماء القديمة عبارة عن مسابقة بينهم فأذكر أن الشباب للأسف لم يجاوبوا ولا على فقرة واحدة بينما كبار السن جاوبوا تقريباً فقرتين .. ومما أذكر ( قال لهم : ( الركبي ) وشو فقا الشاب : أكرمكم الله ( الحمار ) فغضب الشايب وقال والله انت الحمار فضج الناس بالضحك .. ومما أذكر قال : أحد الشباب ( البوردنق) قال : الشايب ( الخبز اللي فوق بعضه ) يقصد ( الهمبرجر) هههه أ بناء العم الكرام الهدف من موضوعي : سأذكر بعض الأشياء القديمة ونحاول تعريفها وللعلم فأنا لدي مرجع وهو أحد أعضاء المجلس مع إنه شاب إلا أنه يعرف الكثير ماشاء الله عليه . 1 - الخاره 2- اللزى . 3 - الرشى . 4 - الدلو . 5 - المسامة . أبو راكان ... أتركنا نحاول وللعلم أنا لا أعرف إلا القليل لكن لدي المرجع . أتمنى تفاعلكم وإثرى الموضوع |
رد: بين الرشى والدلو والبوردنق والكوكتيل السلام عليكم ورحمة الله وبركاته 000 مشاركه اكثر من رائعة ومفيده 0000 بس انا ماني قادر امسك نفسي 000ابي اجاوب 000 وخايف يتصل علي بناخيي باسل 000 هل اعطيه الاجابه 000 المهم اللي يبي الاجابه يراسلني على الخاص 00 ربي يطول بعمرك على الطاعه ابو مالك 000 |
رد: بين الرشى والدلو والبوردنق والكوكتيل جاوب يابو راكان شكل الأخوان مثلي ماعندهم إجابة المقصود هو الفائدة لا شك حتى نعرف مثل هذه الأشياء التي قد نحتاجها ... وسأستمر بأذن الله أطرح كلمات ونجاوب عليهن حتى نحصل على كم كبير ثم نجمعن كل كلمة أمامها تعريف بها وفائدتها . ومايمنع تعلم باسل تراك مسامح دامك خاله ... الولد ان طاب طيبه من خواله كفو يابوراكان وعلمك طيب |
رد: بين الرشى والدلو والبوردنق والكوكتيل اخوي الغالي الفريدي 000 اولا 000 الركبي = هي المطيه والبوردنق باس = هو بطاقة الدخول الى الطائره الخاره = وهي تكون على شكل حجر مخرومه بالوسط تكون بين الساقيه ومجرى الماء ويتم قفلها بخرقه لمنع الماء من السير 00 واذا اراد اسالت الماء يتم نزع الخرقه 00 اللّزي = وتسمى باسم اخر وهو ( الحابوط ) وهو المكان الذي يصب فيه الماء من الدلو بعد اطلاعه من البئر وقد كان سابقا يبنى من الطين وفي الوقت الجديد صار يبنى من الاسمنت 00 الرشى = هي الدلو الذي يستخرج به الماء من البئر 00 الدلو = تم توضيحه اعلاه 000 المسامه = وهي مايوضع على ظهر البعير ويكون له بطانه تشد على بطن البعير ويوضع على المسامه (الخرج ) او العدل ( عدول الماء ) وهي قويه جدا وهي اقوى من الشداد ويحمل عليها ايضا الحطب( ويمكن مشاهدتها بتوقيعي ) هذا مبلغي من العلم 000 وارجو من له ملاحظه او تعديل اضافتها الى المشاركه لتعم الفائده 00 هذا والله اعلم 000 |
رد: بين الرشى والدلو والبوردنق والكوكتيل الله يعطيك العافيه الفريدي وبيض الله وجهك ذيبان على ماتتحفنا به من معلومات امد الله بعمرك وجعلك ذخر للقبيله البعض اعرفه لاكن الاخر ماقصر ذيبان وانتنمى المزيد من المفردات لاهنتم عندي بعض من المفردات 1- المضير ( بكسر الياء ) ومفردتين لاصحاب الابل 2- مضيره ( بتشديد الياء ) 2 البو والسلام خير ختام |
رد: بين الرشى والدلو والبوردنق والكوكتيل ابو راكان كفيت ووفيت بالفعل وبعد الرجوع للمرجع ( الإجابات كلها 100% ) لذلك سنضعك أنت المرجع من حقنا عليك اكتب لنا عدة أشياء من الماضي وخلنا نحاول حتى تحصل الفائدة ولك علي بعد فترة سأجمع كل ماكتبنا وندونه في موضوع واحد ونضع تعريف وصورة لكل مسمى وقد تتطور الفكرة لطباعة ذلك في كتاب يستفاد منه ويكون ريعه للفقراء والمحتااجين كل يوم يزداد إعجابي بشخصكم الكريم رائع يابوراكان |
رد: بين الرشى والدلو والبوردنق والكوكتيل مشكور يالفردي وماقصرت ياذيبان انا كنت ابي اجاوب على الاسئلة الاولى لأني اعرفهم لكن بصراحة نكبنا بقايا انسان البووووووووووو ما اعرفه لاكن اعرف اذا يبون يسبون واحد يقولون فلان بوو فعلا وما اوتيتم من العلم الا قليلا |
رد: بين الرشى والدلو والبوردنق والكوكتيل للمشاركة على عجل المضير : البقل ،،، الإقط. المضيّرة : الناقة اللي تصخر على غير ولدها. البو : لا ذبحوا الحاشي حشوا جلده وخلوه زيلة عند أمه . ومشكور الفريدي على فكرة الموضوع ومشكور متعب والشكر للمرجعنا أبو ركان |
رد: بين الرشى والدلو والبوردنق والكوكتيل الله يعطيك العافيه منصور الوسوس ولاهنت بيض الله وجهك ابو عزام وصح السانك |
رد: بين الرشى والدلو والبوردنق والكوكتيل مشكور يبن غنام والله كنت مشتاق لمعرفة الحل يعني البوووووووو فاضي بدون روح مشكور بقايا انسان |
رد: بين الرشى والدلو والبوردنق والكوكتيل الله يوسع خواطركم وسعتم الخاطر وزدتونا معرفة ياليت لوتجمع كل هالكلمات وتوضع في موضوع واحد وتثبت للاطلاع لانها موروث ويحتاج له كثير كثير من ابناء هالايام وخاصة اللي ماطلعو عليها واذا سمع فيها الواحد منهم شرواي فتح فمه وقال وشتقول انت . |
رد: بين الرشى والدلو والبوردنق والكوكتيل عووده اتمنى الجميع يشارك بما عنده من مفردات 1- النظا 2- الرحى |
رد: بين الرشى والدلو والبوردنق والكوكتيل لا انت تعرف الكثير اخوي معلا المشكلة فيه ناس ماتعرف شي أبد وهذا بلاشك خطأ وبالفعل لو نضعها في موضوع واحد ويثبت الموضوع ثم بعد فترة تجمع ويتم التعريف بها وقد يتطور الأمر لطباعة ( كتيب ) عن هذه العبارات ومعانيها .. ================================================ سأورد بعض الكلمات ونحاول نتعرف عليها الغرب ترى ما أعني فيها دول الغرب لكن اعني بذلك أداه أسمها ( الغرب ) ================ العكه ================ أسماء مغباش المراح ================ تعريف أريد الاسم الخاص بها توضع على ضرع الناقه ؟؟ المرأة التي لاتدبر بيتها ؟؟؟ ================ وتقبلوا تحياتي |
رد: بين الرشى والدلو والبوردنق والكوكتيل اخوي بقايا انسان لم أرى صفحتك المعذرة لأني أخذت وقت لتنسيق الصفحة وإلا أخرتها بعدك عفواً .. لكن فل نجاوب على جميع الكلمات الهدف واحد |
رد: بين الرشى والدلو والبوردنق والكوكتيل الغرب : قربه ( يحط فيه الحليب لين يصير لبن ) ================ العكه : قربه (اللي بها الدهن ) ================ مغباش : اللي يمشي بالغبشه يمشي الفجر المراح : المكان اللي ينام فيه سواء الشخص او الحلال ================ توضع على ضرع الناقه ؟؟ : الشماله المرأة التي لاتدبر بيتها ؟؟؟ : رمه , رفلا هذا اللي اعرفه واذا لهن مسميات ثانيه الله اعلم |
رد: بين الرشى والدلو والبوردنق والكوكتيل - اجابات صحيحة أما عاد الرفلا بالثمانية هههه اجابات سؤالك الرحى / عبارة عن صفاتين فوق بعض يطحن بهن الحبوب . الثاني / ماعرفه نشوف الأخوان . إلا ابو راكان وينه طلاته جميله الله يوفقه صرنا مانصبر عنه |
رد: بين الرشى والدلو والبوردنق والكوكتيل الله الله الرحى مابها شكه لاكن الثانيه ارمع ( مذكور بأحد قصايد عبدالله زويبن ) الله يجزى صاحب الفكر خير موضوع قيم ويستاهل بكل مشاركه ورد ادعيله |
رد: بين الرشى والدلو والبوردنق والكوكتيل وصلني من المرجع في هذه الكلمات ومعانياه الآتي : ====================================== حداجة خاره سنح باصور ===================================== يا الله شدوا الهمة حتى نجمع لنا عدد كبير ونحطه في موضوع مستقل |
رد: بين الرشى والدلو والبوردنق والكوكتيل وفي اعتقادي ان ( النظا ) هو اللي يحط عليه العفش في البيت غير متأكد سأرجع للمصدر أو المرجع |
رد: بين الرشى والدلو والبوردنق والكوكتيل اقتباس:
حداجة : مثل المسامه تحط على البل خاره : مدري والله لاكن اذا المقصد الخويره من مسميات الناقه اللي لبنها كثير سنح : الذرى باصور : اللي على البل للحريم بس مثل الغرفه توضع للبل وتكون مركب للنساء هذا والله اعلم |
رد: بين الرشى والدلو والبوردنق والكوكتيل حاول ( خاره ) تراها من الأدوات الزراعية لها علاقة بالماء ....... جبت النظا أبشرك هو : الأبل يقول الشاعر : ماهظنه مبعدات المعشا *********** عوض النظا يظهرن غيب الاولاد طبعاً بعد الأستعانة بصديق وهو / الأخ الغالي / بن مخيمر الوسوس ابن الخال احد اعضاء هذا المجلس وفقه الله لكل خير |
رد: بين الرشى والدلو والبوردنق والكوكتيل الله الله النظا = البل ( الجيش ) لاكن الخاره دامها بالزراعه اجل ابستعين بصديق |
رد: بين الرشى والدلو والبوردنق والكوكتيل اقول اخوي بقايا انسان .. ماتلاحظ ان هالموضوع مافيه الا انا وانت وين الاخوان وش السالفة |
رد: بين الرشى والدلو والبوردنق والكوكتيل دااااااااااااائما مميز |
رد: بين الرشى والدلو والبوردنق والكوكتيل السلام عليكم ورحمة الله وبركاته عسى المانع خير ابو راكان ماله شوفه اللي لقيت جواب الخاره بسؤالك الاول وجاوب عليه ابو راكان الخاره = وهي تكون على شكل حجر مخرومه بالوسط تكون بين الساقيه ومجرى الماء ويتم قفلها بخرقه لمنع الماء من السير 00 واذا اراد اسالت الماء يتم نزع الخرقه 00 |
رد: بين الرشى والدلو والبوردنق والكوكتيل ترفع هذه المشاركة لجمالها |
| الساعة الآن 03:57 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir