|
(كلمات سرقت من دفتر طفل!!! ) (مــنقـــــول) (كلمات سرقت من دفتر طفل!!! ) لكــــــــل كلمـــــــة يلقيهــــــا الطفــــــــل سبب ومغزى محدد انظروا بأنفسكم الى مااشــــــــار اليــــــــه هذا الصغيـــــــــر في كتـــــــاباته ,,, هذه كلمات مسروقه من دفتر طفل كتبها بعامية اللغة..ودهشة السؤال.! السبت فتحت عيوني..أدور عن نور..أمروني:<غمض>..و...غمضت..بعدها ما شفت لا ابيض ولا اسود! الأحد كنت أسمعهم يقولون:<ألعن أبوك!>,<يا حمار>,<يا حيوان>, <يا ثور>,<يا بقرة>,<يا لوح>,<يا جدار>...فتوقعت اني في حديقة حيوانات..فتحت عيوني ابغى اشوف ها(الحيوانات)..قالوا لي:"ما يصلح تشوف قلة أدب"..سألتهم:طيب..في عصفور؟؟ صرخوا في وجهي:<انطم وغمض>..!! << تخيلوا فيه أبوانـ مثلـ كذا!! الاثنين سمحوا لي اشوف التلفزيون..كنت لحالي منسجم مع أفلام كرتون..دخلت امي..وكان ابو عائلة ادمز(يبوس) أمهم..ركضت امي ..غيرت القناة..وصرخت بأعلى صوتها.."عيب عليك..قاعد تشوف قلة أدب..!!"ناظرتها بكل براءه وانا متعجب من اللي صار:"طيب وش صار؟؟أبوهم يبوس أمهم!.."قالت لي وهي معصبه مرررررررررررره(التبويس..قل حياء!!) بعدها بأسبوع..شفت امي تسلم على ام الجيران و(تبوووووسها)..قلت لها وانا كلي أسى"يا ماما..التبويس قلة حياء!!.." الثلاثاء كانوا بنات خالتي عندنا..وكنت الولد الوحيد اللي يلعب معهم..وأبوي بس يبحلق عيونه فيني وين ما رحت ووين ما جيت..بعد ما راحوا..ناداني أبوي وقال:"عيب الواحد يجلس مع بنات..قلة أدب..!" بعدها بكم يوم..كان أبوي جالس مع عماتي..ناظرته بطرف عين(وتبون الصدق نقدت عليه)..وقلت له:"اللي يجلس مع بنات..قليل أدب!!"<< هذا الكلامـ أتذكر أولـ جدتي تقولـ لنا عيبـ لاتلعبونـ مع الأولاد الأربعاء كنت اسمعهم يقولون(صدام قوي)..وأعجبني...بعد الأزمه..قالوا(حرامي ومجرم)..سألتهم:كيف؟؟!!..قالوا :"حرامي ومجرم..وبس..واسكت..!" وكنت أسمعهم بعد يقولون (جيم كاري..فاسد)..فكرهته على طول..وكانوا يشوفون أفلامه..ويضحكووووووون..كنت أسألهم"ليه تضحكون؟!..ما تقولون انه فاسد"...قالوا..ورا ما تنطم بس.!؟؟ الخميس أبوي يقول<التتن>حرام.. واللي يدخن يدخل النار..وفي يوم شفت ابوي جالس مع صديقه أبو حمد..وأبو حمد ماسك السيجاره بيده..وقفت وسألت ابوي""طيب اللي يجلس مع اللي يدخنون..يدخل النار بعد؟!!!" الجمعة أسمعهم يقولون..ان اللي يطول في مكالمته يغازل..واللي يروح للسوق يغازل..واللي يعرف انترنت يغازل...وامي تطول على التلفون,,وتروح للسوق,,وتطقطق على الكمبيوتر..رحت لأبوي وانا مصدوووووووووم::"أبووووووو وي الحق..................... .. أمي تغازل..!!!..!!..!!!! هكذا براءة الاطفال والذي يجب التعامل معها بكل انصات وتفهم حتى لانوقع انفسنا بالاحراج امام براءة اطفالنا000 لكم جل التحايا والتقدير................@ |
رد: (كلمات سرقت من دفتر طفل!!! ) مشكور أخوي طائر الخير مشاركة رائعة نحن نقول ان الأطفال لا يفهمون شي ويدهشك بكلمة |
رد: (كلمات سرقت من دفتر طفل!!! ) اقتباس:
على اللسان00 اخي فهد الف شكر على مرورك العطر وتواجدك القيم الذي طالما انتظرته00 اخي فهد المديحه وراحت علي والله يستاهلها الطائر بس على الاقل ابي حق الاتعاب0000 لك ارقى التحايا والاحترام................................ .......@ |
رد: (كلمات سرقت من دفتر طفل!!! ) كلمات رائعه مليئه بالبراءه بدر الفريدي شكرا لكـ .... ودمت بـود |
رد: (كلمات سرقت من دفتر طفل!!! ) بدر الفريدي شكراً لك على هذا الموضوع وتقبل تحياتي |
رد: (كلمات سرقت من دفتر طفل!!! ) شكرا اخوي على الموضوع |
رد: (كلمات سرقت من دفتر طفل!!! ) أخي بدر شكرا على النقل والحقيقه أن أغلب الاباء في تربيتهم أجحاف كبير لأنهم ورثم هذا من أبائهم فقاموابتطبيقه حرفياً على أبنائهم والمشكله أن التربويين وقعم بنفس المشكله الموضوع يحتاج لحلقات لكي نوفيه حقه 00تقبل مروري |
رد: (كلمات سرقت من دفتر طفل!!! ) بدر الفريدي بيض الله وجهك على هذا النقل لاعدمناك |
رد: (كلمات سرقت من دفتر طفل!!! ) اقتباس:
بيض الله وجهك على هذا النقل الرائع كروعتك . لا عدمناك . . . . . . |
رد: (كلمات سرقت من دفتر طفل!!! ) بيض الله وجهك على هذا النقل الرائع كروعتك . لا عدمناك . . . . . . |
| الساعة الآن 02:21 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir