|
اذا غرزت في نفود أو شعيب وصار واحد من كفرات السيارة يدور والثاني ثابت وش تسوي -------------------------------------------------------------------------------- السلام عليكم ورحمه الله وبركاته يسولف علينا واحد من الزملاء ويقول انه كان معه جمس ونيت ومغرز بشعيب حول ديرتهم ، المهم ما تركوا أي طريقة علشان يطلعون السيارة الا سووها واخر شي شافتهم حرمة كبيرة معها ونيت والظاهر انها ( بدوية ) ونعم فيها من حرمة وقالت لهم ما قدرتوا تطلعون السيارة وانت ثلاثة رجاجيل ابعدوا عن السيارة ( تبي تطلع السيارة ) المهم وشلون قدرت هالحرمة تطلع السيارة هنا السر ؟ اعلمكم وشلون قامت وجابت الحديدة الطويلة حقت العفريتة الموجودة في الددسن أو الهايلكس اللي معها ودخلت الحديدة في وحدة من فتحات الجنط ( في الكفر اللي يدور بوش ) وطلعتها مع الجهة الثانية وقامت وعشقت الموتر حتى وقفت الحديدة ( دقرت ) في الشاص أو السست ومسكت الحديدة الكفر ومنعته من الدوران وعلى طول دار الكفر الثاني اللي ما تحرك من يوم غرز الموتر ، وبكذا طلعت موترهم وهم مستغربين من هالحرمة وخذوها درس ، ونصيحه اللي يبي يطلع للبر والنفود والشعبان قبل ما ياخذ العزبة وفراش النوم ياخذ الحديدة معه . وسلامتكم منقووول ماجد بن نواف |
رد: اذا غرزت في نفود أو شعيب وصار واحد من كفرات السيارة يدور والثاني ثابت وش تسوي أخوي ماجد يعطيك العافية على نقل هذه المشاركة لاعدمناك |
رد: اذا غرزت في نفود أو شعيب وصار واحد من كفرات السيارة يدور والثاني ثابت وش تسوي اخوي / ماجد بن نواف بن حماد فكرة رائعه ولكن انا اللي خطر في بالي اني اتصل فيك عشان تجي وتطلعني على موترك ( الشاص ) وغيرة ماعندي شيء تقبل مروري |
رد: اذا غرزت في نفود أو شعيب وصار واحد من كفرات السيارة يدور والثاني ثابت وش تسوي فكره بسيطه ورائعه من امرأه اعتقد من هذه الطريقه انها صاحبة تجارب طويله بالبر ماجد بن نواف شكرا لك على هذه المشاركه الرائعه |
رد: اذا غرزت في نفود أو شعيب وصار واحد من كفرات السيارة يدور والثاني ثابت وش تسوي مشــاركــه مفــيده أخـــوى نــواف ومعـــلومــه كــانت غايـــبـه عــــنى خلاص انـــا بطـــلع البـــر وغـــــرز وجــــرب هــالطـــريقـــه بس إذا مــاظبــــت معـــــى وشــــ اســــــوى ؟؟ تقـــبل مـــروري اخـــوي نـــــواف سلمـــــــان |
رد: اذا غرزت في نفود أو شعيب وصار واحد من كفرات السيارة يدور والثاني ثابت وش تسوي السلام عليكم ورحمته وبركاتة احب اول شي اني امسي على اخواني واشكركم على مشاركتكم اما انت يابو تركي تامر امر لو انك على حد العراق |
رد: اذا غرزت في نفود أو شعيب وصار واحد من كفرات السيارة يدور والثاني ثابت وش تسوي يسلواا خيووووووووووه |
رد: اذا غرزت في نفود أو شعيب وصار واحد من كفرات السيارة يدور والثاني ثابت وش تسوي شكرا ماجد الحماد لكن اذا طفى الجيب وسط الشعيب المليان وانت وسط الموتر وصل الماء الى المسجل والمسافه قدم وراء حوالي 100 متر وش تسوي لا ومعك عيالك مأساه بحق وحقيقي ..(وعلى فكره هذا حدث ليه ) وشلون طلعت سوف اوردها عن قريب في موقع قصص لكي تاخذون عبره وفايده ولو اني مااحب أتذكرها تزعجني كثيراً لكن بيكم تاخوذ ن حذركم ياعيال عمي |
| الساعة الآن 11:30 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir