مجالس الفرده - وعقب ما ربي جمعنا .~

اسعد الله اوقاتكم بكل خير

يقول حامد زيد

ليش انا قبل الزواج كنت اناديها " الغلا "

وكنت اناديها " الغرام "

و " بعد أُمي وابوي "

و " ضحكتي .. وابتساماتي.. وبلسم جرحي المفتوح وجروحي "

وعقب ما ربي جمعنا .~

واجتمعنا

وصرنا أُسرة

وصرت انا واياها جميع

نصحى وننام

ونشرب بكاس الغرام

ويوم اناديها تجيني ما تأخر

وتقول " ســم ..!"

و " لبي قلبك يا بعد قلبي انا "

صرت اناديها عقب ذاك الغلا

" هيه.. وينك يامره ..؟!"

ليش انا قبل الزواج كنت اكلمها

واسولف

واقضى ساعات وزمان

واحتريها

وحتى لو تأخرت .. او اخلفت ميعادها

ما ازعل عليها

لاإا

ولا حتى اعاتبها شوي

وكنت اشوف عيوبها بعيني جمال

ونقصها بعيوني هو معنى الكمال

ويوم صرنا مع بعضنا

لو حكت لي كلمتين

او سولفت .. او مازحتني وضحكت

قلت : كافي .. بس .. ما ابي قلة ادب

" واعتقد يكفي كلام وبربرة ..!!"

يااااه !

بعد ماكان الحكي بشفاهها ينقط عسل

صار بتاليها حكي..؟!
لآآآ

وليته حكي .
.
صار اسمه " بربرة .. أو ثرثرة ..!!
"

ليش اراضيها منوّل يوم تزعل

وما آتحمل بس لو لحظة زعل

وكنت ادللها

واموت بضحكها

واقول " آسف يا غلاي "

واكتب [ اجمل بيت شعر ] لعينها لين ترضى

وعقب ما ربي جمعنا

من تزاعلني اقول لها

" في بليس .. طقي راسك بالجدار أنتي حي الله بقرة ..!!"

وربي احنا صدق [[ مرضى عشق ]]

واشواق

ومشاعر

الصراحه ابيات استوقفتني كثيرا وحبيت نتناقش في موضوع وهو حال كل بيت

ليه الرجل والبنت ايضا وقت الخطبه والملكه وفي اول السنوات حياتهم رائعه ومثاليه ثم يبدا الفتور هل انشغال الزوجه بالابناء له دور؟

او اكتفاء الرجل وصاريبحث عن وناسته في مكان ثاني طلعات استرحات ونت وغيره ؟

هل اصبحت الزوجه اهتمامها بالبيت والاشياءالاخرى اهم واصبح الزوج مهمش ؟

كثرت المشاكل والطلاق ياترا ماهو السبب كيف نحاول تدارك ماافسده الزمن !!

الكلام عام ولا يشمل الكل ولكن هناك بيوت تعاني هل لغة الحوار الهادي انعدمت ؟

اترك المجال لكم فلكم الخبره واتمنى الفائده للجميع ....