|
اكبر قهر أكبر قهر لاجيـت تعشقلـك انســـــــان واللي تحبه ســــــاهـي ٍ مـا درى بـك وأكبر قهر تحلم وتحلم لـك ازمـــــان ويطيح حلمـك ميـت ٍ عنـــــــد بابـك وأكبر قهر تبني من ســـنيـن بنيـان وتشـــــوف بنٌيـك مـا تعـدى ترابـك وأكبر قهر تسقي من الورد بستـان وتموت بين يديـك زهـرة شــــبابـك وأكبر قهر تارد على البير ضــميـان وتشوف بعض الطين حايس شرابـك وأكبر قهر لاحطـوا النـاس نيشـــان كل ٍ يزٌهـب وانـت ضـــايـع زهابـك وأكبر قهر ترهي على حصان خسران يوم الســــبق لا طحت كل ٍ حكـى بـك وأكبر قهر لاصرت ضايع وعطشـان ونفـــس الطريق اللي يوديـك جابـك وأكبر قهر صاحبك لا جـاك خـوٌان لابحت له بالسـر راح ووشـى بـك وأكبر قهر تعطـي وتعطـي علشـان تاخذ عقـب كـل العطايـا حســـابـك كل ما سبق ذكره على الشوف ما كان حفنة حروف ٍ مـع بعضهـا تشــــابـك ماهوب هرج ٍ يِعجَـنْ بفـم وللـــسـان ولاهوب عود ٍ يكســــــره حـد نابـك إن كنت فيما قلـت تحتـاج برهـــان ناظر وتلقى فـي قــصيـدي جوابـك وإن كنت فيما قلت مخطي وغلطـان أترك خطانا وأنـت عطنـا صــوابـك مما رآق لي ..’’ |
رد: اكبر قهر واكبر قهر لاصرت بالحيل بلشان وتغيب لك ايام ولاحد(ن) درابك مشكور على القصيده الرائعه اخوي طلال. |
رد: اكبر قهر رائعه القصيده فيها تجربه عميقه ,, سلمت يداك ياأبن حماد وبيض الله وجهك على رووعة الأختيار الرائع تقبل أحترامي.وتقديري لك... |
رد: اكبر قهر اقتباس:
مشكور على المرور |
رد: اكبر قهر اقتباس:
مشكور على المرور الرائع |
| الساعة الآن 10:51 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir