مجالس الفرده - صور ملونة للبدو ايام زمان؟؟؟؟

[يقول بن جضعان ردعلى موضوعي]

تسمع بالبدو هذا قعديه زمان اقول نبي منك صور بدو بحق وحقيقي قبل ماجيب انا

الصور الحقيقه

للـبدو بالمنزال رمزن وعنوان %%% وبيـوتهـم مـاتنبي مـتتن حضـيره

ورجالهم عزيز لو مات جوعان%%%ويدراء عن الزلات حرمة قصيره

وفعولهم مضرب للمثال يافلان%%% شف البلالي يوم حدد مصيره

تقبل مروري وفائق احترامي

وقول مشكور يابو عمر وهذيقصيدة عن البدو

للشاعر بندر الضحيك
هو ابن الشاعر سعد الضحيك , ولد بمدينة عنيزة في التاريخ المدون أعلاه

وتربى فيها , وعشق حياة البادية والترحال , ثم عمل بمعية المرحوم

الأمير محمد الأحمد السديري , وبعدها انتقل إلى الكويت

ثم عاد إلى المملكة , وتوفي في الحفر سنة 1403هـ .. رحمه الله

قال في وصف البر :

والله من فكرٍ ضحى اليـوم محتـار
=
يجـرّ ونّـاتٍ حملهـن ضميـري
=
الليـل كنـه ليـن يبـدن الأنـوار
=
النوم عفتـه مـا يهملـج نظيـري
=
أخيل برّاقٍ علـى الصلـب سَمّـار
=
وسحبه تهـل وركّـزن بتحديـري
=
والبـر كـاره لا تغبّـط بالأمطـار
=
وكلٍّ يقول العشـب يمـي كثيـري
=
سقوى إلى منّه كسا القـاع نـوّار
=
تلقى الزبيدي فـي قـرارٍ محيـري
=
يا زين والله بالفضـا شبّـة النـار
=
لا صار وزن البيت عشبٍ وديـري
=
ذولا يجون من أيمن النـزل عِبّـار
=
وذولا مساييـرٍ وهـذا بشـيـري
=
وتماثلوا مـن بينهـم رد الأخبـار
=
وزين المقهوي بينهـم يستديـري
=
وراع الولع يتلي صحاصيح الأقفار
=
جولٍ يصيدونـه وجـولٍ يطيـري
=
ومبرقع الصفّار عن شوف صقّـار
=
والكل منهـم قـال هدّيـت طيـري
=
ياليت من ياخذ مـع البـدو مقـدار
=
مقدار عشر سنين معهـم يسيـري
=
ودي بسجّات الضحـى يابوعمّـار
=
ويمضي زماني من قصير لقصيري
=
يلومنـي دحـشٍ سواليفـه كبـار
=
ما له مع البـدوان وِرد وصِديـري
=
لا زايـرٍ حيّـه ولا هـوب منـزار
=
ولا قيل هـذا للنشامـى عشيـري
=
رجّال بالخلقة وهو مذهـب حمـار
=
خلّيه يـا شقـر المجاديـل نِيـري
=
البنـت مثلـك بالمشاكيـل تختـار
=
خله يديم البيـت عنـه استخيـري
=
ما ينفعك كمْخٍ علـى النـوم هـدّار
=
وعند اللوازم ما يدانـي الصفيـري
=
قلته وكـلٍّ لـه تصانيـف وأفكـار
=
وراع الغنم يضحك براع البعيـري
=
كلٍّ بعقله راضـيٍ عنـده إبصـار
=
إلا بمالـه مـا يدانـي الخشيـري
=
وقالوا بعد لولا تخاليـف الأنظـار
=
كان السلع بارت على علم غيـري
=
وترى السوالف به طويلات وقصار
=
وأرجي السموحة من صغير وكبيري
=
الله يسامـح كـلّ خيّـر وعــذّار
=
وهـذا كلامـي بالمثـل وتعبيـري