أنشدك عن رجال نصاب محتال=وحتال بمه يوم طالن أياديه
عز الله أنه ياهل العرف محتال=ويلعب على اللي ماعرف غد خافيه
رجلن عليه أدروع من كل الأحوال=ولا رضوه بلاش أعداه لهداف ترجيه

اللغز جاله من هل العرف حلال=رجال دايم للعوالي هقاويه
الحال جاء مضمون منسوج الأمثال=أمثال من يقرالها عنه تنبه
صحيح يبن سمير ياواف الأفعال=حلك صحيح وعارفك ماتخليه

يامحمد الردمان انا منـه مهتـال=نوبٍ عن المخطي قويه دعاويـه
سلاحه لسانه في قصيرات وطوال=اللي على كثر الطلايب مهقويـه
هو المحامي والمحامات الاعمـال=خصيم يفزع له وخصمه يدهويه

يامضحي الجمران ياطيب الفـال=الحل برض الغرب تلقى حراويـه
دور على المقصود ياذخر الأشبال=يغوي الجهيـل وبليـس مغويـه
ياحر ياللي ماكـره راس ماطـالال=حل يالبيطـار هـذي عناويـه

اظنه البابا وله صـك واقـوال=والله يغش اللي يغش الرعيـه
يزوره المذنب ويشكي له الحال=وله يعترف باللي فعل من رديه
وصك البراءه ياخذه دافع المال=وياكثر خلقٍ للخلايق ضحيـه

الحل باقـي بافتـا الجـود لازال=باقي على مابان والرمي مخطيه
وأنته يابن جمران ناقض وفتـال=وضني بكم ياطيب الفال ترميـه
إرفع نياشينه على قمـت الجـال=حيث أنت مهما كان حله تجي فيه

من شذ عنا مانحطه على البـال=ان مات وإلا عاش ماحدٍ مراعيه
اصبيح راسه لينه قاسـي الجـال=ضاع الفقيـه وضيعنـه هقاويـه
مانلتفت يمه ولـو قـال ماقـال=جعل المرض يمسك مقارن علابيه

نبي نقول القيل من عرض من قال=ردن على اللـي يعجبنـا قوافيـه
حيثك يبن جمران دايم على البـال=وراع الوفاء ياصاح ملزوم نوفيـه
حلك صحيح ولا على القول مدخال=هو الفقيه اللي عدوه عـرج فيـه
طاع العدو بليس وبيلـس دجـال=ماقـال بسـم الله يومـه يناديـه