1. يلي مشيت ضحى للضرف حمال = خذ الرساله شـــــدها من يديه
2. مع السلامه سلمها طيب الفال = نافع ولد عودة كــــريم السجيه
3. لو ينوزن طيبه رجح بالاثقال = ترجح موازين الوفاء والحميه
4. يلي لصعبات المهات شيال = ماكر احرار بتعٍ صيــــريميه
5. انا اشهد انه وافين الافعال = مع الوفاء والعرف فيه الحميه
6. فعله الوافي يسجل للاجيال = على مرور اعوام يكتب وصيه
7. وصية دائم تذكر على البال = يا مهدي الفكسار خير الهديه
8. من عقب ماضاقت على أخوك الاحوال = ارخصت ماتملك يمناك ليه
9. واخوانك شوفهم عز واضلال = تبقى معزتهم بقلبي قويه
10. لاهم من نقالة القيل والقال= فكاكت الذيدان يوم الجاهليه
11. يالله المعبود ياعالم الحال = ادعوك ياربي وأرفع يديه
12. أنك تعافيه مع راحة البال= وتمده الصحه مع المقدريه