مجالس الفرده - اقوى قصيدة في عزة النفس

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - اقوى قصيدة في عزة النفس (http://www.alfredah.net/forum/threads/alfredah9102/)

اقوى قصيدة في عزة النفس

السلام عليكم ورحمة الله وبركاته

اقوى قصيدة في عزة النفس

لاصـار خلـك مستحـق المسـبـه
"سبه ترى العشاق غيـرك يسبـون

لاابوه لاابو الحب مـن قلـب سبـه
"لاابو الغرام اللي يحدك على الهون

يالعـن ابـو قلـب غشيـم يحـبـه
"ملعون والقلب اللي يغليه ملعـون

اقـول مـن هبـاك ياخبـل هـبّـه
"الدون مايسلك معاهم سوى الـدون

عـز الجفـا ولا هـوان المحـبـه
"ماخوذ من يصير على الذل مغبون

اظهر قواة البـأس والضعـف خبّـه
"ترى الضعيف ضعيف لاطعم لالون

الراس مااحـد يقطعـه غيـر ربـه
"اقول عز النفس مااقول لك هـون

خـلـه يـولـي لايـذلـك بحـبـه
"ابعد وتلقاهم علـى البعـد يدنـون

والا انت لـو ترقـد وبالعيـن شبّـه"
"ابرك من اللي يجرحونك ويسلـون

ياجاهـل افهـم خذمـن العلـم لبّـه
"اصبر وتنسى والعـذارى ينسّـون

الرجـل عقلـه دائمـا قبـل قلـبـه
"ماهو عمى بالقلب ومفتّـح عيـون

لاقدّمـوا حـبـه تقـدمـت حـبّـه
"وان وخّروا وخرت والعز مضمون

تـرى غـلا هالوقـت هبّـه وهبّـه
"اغنم هبوب الريح لاتقلـب سكـون

لاساعـدك حظـك تغانـم مهـبّـه
"لاترتهي يجيـك يـوم ويصـدّون

قبـل يذبّـك نـاب الأرداف ذبّــه
"ترى حلاة الرجل طاعن ومطعـون

كم عاشق خلّـوه مـن غيـر سبّـه
"يصفق بكف كف مايدري وشلـون

مالـه جـدى ياكـود دمـع يكـبّـه
"عليه سيف الهجروالصـد مسنـون

هذامـن اول يـوم لـو دل دربــه
"مادش في دنيا المجانيـن مجنـون

لكن تبـع قلبـه وقلبـه لعـب بـه
"واليوم يبغى عون ماحصّل العـون

روض فؤادك ياابن الأجـواد ربّـه
"البيض مايصلح لهن كود فرعـون

والا ضعيـف النفـس دايـم مسبّـه
"ودك مساكيـن البشـر مايحبـون

اخوكم / طلال بن نواف بن حماد

رد: اتاتات

اخوى طلال
نولف الحماد
تشكر على الجهد والبذل لتدوين هذه القصيده ولكن هل هى من قولك أم من منقولك

تقبل مرورى وتحياتي

كما تحياتي للجميع

رد: اتاتات

مشكور اخوي غازي القصيده منقوله

رد: اتاتات

الراس مااحـد يقطعـه غيـر ربـه =اقول عز النفس مااقول لك هـون

أخوي/طلال بن نواف بن حماد
بيض الله وجهك على نقل هذه القصيدة الرائعه
لك مني وللجميع التحية والتقدير