جاني وانا وسط ربعي وناســــــــــــي = جاني نشلني مثل ماينشل النـــــــاس
مني نشل روح تشيل المآســـــــــــي= تشكي من ايام الشقى تشكي الياس
اثر الالم في سكرة الموت قاســـــــي = ماهالني مثله وانا انسان حســــــــاس
جابوا كفن ابيض مقاسه مقاســــــــي = ولفوا به الجسم المحنط مع الــــــــراس
وشالوني اربع بالنعش ومتواســـــــي= عليه ومغطى على جسمي البــــــاس
وصلوا علي وكلهم في مآســــــــــــي= ربعي ومعهم ناس من كل الاجنــــــاس
ياكيف سوا عقبنا تاج راســــــــــــــــــي = وامي الحبيبه وش سوى بها اليـــــاس
اسمع صدى صوت يهز الرواســــــــــي = قولوا لها لاتلطم الخد يانـــــــــــــــــــاس
قولو لها حق وتجرعت كاســـــــــــــــي= لا تحترق كل يبي يجرع الــكــــــــــــاس
اصبحت في قبري ولابه مواســـــــــي = واسمع قريع نعولهم يوم تنــــــــــــداس
من يوم قفو حل موثق لباســـــــــــــي = وعلى رد الروح صوت بالاجـــــــــــــراس
هيكل غريب وقال ليه التناســــــــــــي = صوته رهيب وخلفه اثنين حـــــــــــراس
وقف قال ان كنت يانمر ناســـــــــــــي = هاذي هي اعمالك تقدم بكــــــــــــراس
ومن هول ماشفته وقف شعر راسي= وانهارت اعصابي ولاارد الانفـــــــــــاس
ياليتني فكرت قبل انغماســـــــــــــي = بالغفله اللي منتهاها للافـــــــــــــــلاس
وفزيت من نومي على صوت ناسي =واصرخ واقول الموت واحذر النــــــــاس